Kwagagĩria Ũtungata Witũ​—Kũhunjia na Thimũ

ŨNDŨ ŨCIO NĨ WA BATA NĨKĨ?: Kũhunjia na thimũ nĩ njĩra ya bata ya gũtũteithia “kũruta ũira kĩhinyio wĩgiĩ ũhoro ũrĩa mwega.” (Atũ 20:24)a Nĩ ĩtũteithagia kũhunjĩria mũndũ angĩkorũo maũndũ matingĩtwĩtĩkĩria kũmũceerera harĩa arĩ.

ŨRĨA TŨNGĨKA ŨGUO:

• 

  Wĩhaarĩrie. Thuura kĩongo kĩngĩgucĩrĩria. Ũcoke wandĩke maũndũ marĩa ũrenda kuuga. Ningĩ no ũhaarĩrie kohoro kanini ga gũtaarĩria kĩrĩa gĩatũma ũhũũre thimũ, ũngĩrũo ũtige ndũmĩrĩri thimũ ĩngĩaga kuoywo. Nĩ ũndũ wa bata gũkorũo wĩhaarĩirie na indo iria ũkũhũthĩra, hihi harĩa wandĩkĩte ũhoro na indo ta thimũ, na ũkorũo ũhingũrĩte JW Library^® kana jw.org^®

• 

  Korũo ũhooreire. Aria o ũrĩa waragia. Korũo ũrĩ mũcanjamũku na ũhũthĩre ciĩko cia mwĩrĩ ta mũrĩ na mũndũ ũcio hau. Aria ũtegũtithatithia. Nĩ wega kũnyitanĩra na arĩa mũrahunjia nao. Ũngĩũrio kĩũria nĩ ũrĩa ũrahunjĩria, gĩcokere nĩgetha ũrĩa mũrahunjia nake aigue nĩguo agũteithie gwetha macokio

• 

  Iga mũthingi wa gũkaamũcokera. Mũndũ angĩiguĩka nĩ akenio nĩ ũhoro, no ũtige kĩũria kĩrĩa ũkaamũcokeria wamũhũũrĩra thimũ rĩngĩ. Ningĩ no ũmũũrie kana no ende ũmũtũmĩre ibuku kana ũmũtwarĩre. O na no ũmũũrie kana no ende ũmũtũmĩre video kana gĩcunjĩ kĩrĩ na ũhoro wa Bibilia. Ũngĩona kwagĩrĩire, no ũmwĩre ahingũre website itũ