Ngai nĩ Eranĩire Ũgima Mwega wa Kĩĩmeciria
Thĩinĩ wa Bibilia, Ngai nĩ aheanĩte motaaro na ciugo cia kũũmĩrĩria ingĩteithia mũndũ kũhiũrania na thĩna wa kĩĩmeciria.
Na to ũguo tu, nĩ eranĩire kweheria biũ maũndũ marĩa marehaga mathĩna ma kĩĩmeciria.
Rĩrĩa Ngai akaahingia kĩĩranĩro kĩu, maũndũ ta ruo rwa ngoro, mĩtangĩko ya kĩĩmeciria, na maũndũ moru ma tene “matikaaririkanwo, o na kana maikare ngoro-inĩ.”—Isaia 65:17.
Aira a Jehova no makene mũno gũgũteithia kũmenya rĩrĩa Ngai akaahingia kĩĩranĩro kĩu gĩa kũũmĩrĩria na ũrĩa ageeka ũguo.