Okukonakona embo Worship God

Embo Worship the Only True God ola longekidwa okukonakonwa naavo vape konima eshi va mana okukonakona embo Eshiivo. Okukonakona kwetu oshishangomwa eshi pEkonakono lEmbo lomEongalo otaku ke tu longekida opo tu shi longife moukalele notaku ke tu kwafela yo tu pameke ohole yetu notu kale nolupandu linene lokupandula Jehova nosho yo ehangano laye. Ongahelipi hatu dulu okumona mo ouwa pauyadi mokukonakona kwetu embo Worship God?

Okukwatela komesho ekonakono: Molwaashi ohatu ka konakona etukulwa alishe oshivike keshe, ovapashukili vomakonakono embo otava ka pumbwa okutukula nawa efimbo. Ova pumbwa okweendelelifa ekonakono koutendo vetwalemo opo pa kale efimbo lihapu moikundafanwa oyo ya fimanenena, oyo luhapu hai kala kexulilo letukulwa. Okukundafana pauxupi okamhungu keendululo pexulilo lekonakono keshe otaku ka kwafela ovo ve li po va dimbulukwe oitwa ya fimana.

Omapulo oo e na sha nokudilongwa nosho yo okukundafanwa otaa hangwa momatukulwa hanga etata lembo Worship God. Oshihopaenenwa otashi dulu okuhangwa pepandja 48-49. Omapulo oo inaa pumbwa okuleshwa pamwe noutendo. Ngeenge taa konakonwa pamwe nongudu, omupashukili oku na okupula omishangwa odo da yandjwa di leshwe nokukundafanwa ngeenge efimbo otali shi pitike.

Lilongekida komesho yefimbo: Okulilongekidila nawa ekonakono okwa kwatela mo shihapu shi he fi ashike okutenda omanyamukulo. Okudilonga pamwe neilikano shi na sha nomishangwa odo da yandjwa otaku ke tu kwafela tu lilongekide haekomenda ashike, ndele osho sha fimana unene osho omitima detu. (Esra 7:10) Atusheni ohatu dulu okuyambidida okutwaafana omukumo mokuyandja eekomenda nondjele.—Rom. 1:11, 12.

Okukonakona kwetu embo Worship God otaku ke tu kwafela tu ehene popepi naJehova notaku ke tu longekida opo tu kwafele ovanamitima diwa ve limbwange mumwe nafye moku mu longela. (Eps. 95:6; Jak. 4:8) Atusheni natu moneni ouwa filufilu melongekido olo liwa lopamhepo.