-
ដំណើរចាកចេញ ១៨:២៥, ២៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៥ ដូច្នេះ ម៉ូសេបានជ្រើសរើសបុរសមួយចំនួនដែលមានសមត្ថភាពគ្រប់គ្រាន់ពីបណ្ដាជនអ៊ីស្រាអែល។ រួចមក គាត់បានតែងតាំងអ្នកខ្លះឲ្យធ្វើជាមេលើ១.០០០នាក់ អ្នកខ្លះធ្វើជាមេលើ១០០នាក់ អ្នកខ្លះធ្វើជាមេលើ៥០នាក់ និងអ្នកខ្លះធ្វើជាមេលើ១០នាក់។ ២៦ ម្ល៉ោះហើយ ពួកគេសម្រេចរឿងក្ដីតូចៗឲ្យបណ្ដាជន តែពេលមានរឿងក្ដីធំៗ ពួកគេបញ្ជូនមកឲ្យម៉ូសេសម្រេច។+
-
-
ជំរឿនបណ្ដាជន ២៧:១-៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៧ គ្រានោះ កូនស្រីរបស់ស្លូផិហាត+ក៏បាននាំគ្នាចូលមក។ ស្លូផិហាតជាកូនហេផឺ ត្រូវជាចៅរបស់គីលាតក្នុងអំបូរម៉ាគា មកពីកុលសម្ព័ន្ធម៉ាណាសេ ម៉ាណាសេជាកូនយ៉ូសែប។ កូនស្រីទាំងនោះមានឈ្មោះម៉ាឡា ណូអេ ហុកឡា មីលកា និងធើសា។ ២ ពួកនាងបានទៅឈរនៅមុខម៉ូសេ និងអេលាសារជាសង្ឃ ព្រមទាំងពួកមេដឹកនាំ+ និងពួកជំនុំទាំងមូល នៅឯច្រកចូលត្រសាលជំនុំរបស់ព្រះ។ រួចពួកនាងនិយាយថា៖ ៣ «ឪពុករបស់យើងខ្ញុំបានស្លាប់នៅក្នុងតំបន់ស្ងាត់ជ្រងំ តែគាត់មិនបានចូលដៃនឹងក្រុមរបស់កូរ៉ាដែលបះបោរប្រឆាំងនឹងព្រះយេហូវ៉ានោះទេ។+ គាត់បានស្លាប់ដោយសារភាពខុសឆ្គងរបស់គាត់ ហើយគាត់គ្មានកូនប្រុសទេ។ ៤ ដូច្នេះ សូមកុំឲ្យឈ្មោះឪពុកយើងខ្ញុំត្រូវលុបចេញពីអំបូរគាត់ ព្រោះតែគាត់គ្មានកូនប្រុសនោះឡើយ។ សូមឲ្យយើងខ្ញុំមានមត៌កនៅក្នុងចំណោមសាច់ញាតិរបស់ឪពុកយើងខ្ញុំផង»។ ៥ ដូច្នេះ ម៉ូសេក៏បាននាំយករឿងនោះទៅជម្រាបព្រះយេហូវ៉ា។+
-