-
ដំណើរចាកចេញ ២៩:២៦-២៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៦ «ឯសាច់ទ្រូងនៃចៀមដែលបានត្រូវជូនជាគ្រឿងបូជាសម្រាប់ការតែងតាំង+អេរ៉ុនជាសង្ឃ នោះអ្នកត្រូវលើករេទៅរេមកជាគ្រឿងបូជាសម្រាប់លើកចុះឡើងនៅចំពោះព្រះយេហូវ៉ា។ សាច់នោះនឹងបានជាចំណែករបស់អ្នក។ ២៧ ដូច្នេះ សាច់ទ្រូងនិងសាច់ភ្លៅនៃគ្រឿងបូជាសម្រាប់លើកចុះឡើង ដែលមកពីចៀមនៃគ្រឿងបូជាសម្រាប់ការតែងតាំង+អេរ៉ុននិងកូនប្រុសៗគាត់ជាសង្ឃ អ្នកត្រូវញែកសាច់ពីរផ្នែកនេះទុកជាចំណែកពិសិដ្ឋ។ ២៨ កាលណាបណ្ដាជនអ៊ីស្រាអែលយកសត្វមកជូនជាគ្រឿងបូជានៃមេត្រីភាព ពួកគេត្រូវជូនចំណែកពិសិដ្ឋនេះដល់ព្រះយេហូវ៉ា។+ ចំណែកពិសិដ្ឋនេះនឹងទៅជារបស់អេរ៉ុននិងកូនប្រុសៗគាត់ដែលជាសង្ឃ។ នេះជាច្បាប់ដែលបណ្ដាជនអ៊ីស្រាអែលត្រូវកាន់តាមជាដរាបតទៅ។+
-
-
ច្បាប់លេវី ៧:៣៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣៤ ព្រោះខ្ញុំយកជើងដែលជាចំណែកពិសិដ្ឋពីគ្រឿងបូជានៃមេត្រីភាព និងសាច់ទ្រូងពីគ្រឿងបូជាសម្រាប់លើកចុះឡើង ឲ្យដល់អេរ៉ុននិងកូនប្រុសៗរបស់គាត់។ នេះនឹងទៅជាច្បាប់សម្រាប់ជនជាតិអ៊ីស្រាអែលជាដរាបតទៅ។+
-
-
ច្បាប់លេវី ៩:២១គម្ពីរបរិសុទ្ធសេចក្ដីបកប្រែពិភពលោកថ្មី
-
-
២១ ចំណែកសាច់ទ្រូងនិងជើងស្ដាំ អេរ៉ុនលើករេចុះរេឡើងជូនជាគ្រឿងបូជាសម្រាប់លើកចុះឡើងនៅចំពោះព្រះយេហូវ៉ា ដូចម៉ូសេបានបង្គាប់។+
-
-
ច្បាប់លេវី ២២:១៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៣ ប៉ុន្តែ បើកូនស្រីនោះលែងលះគ្នាឬទៅជាមេម៉ាយទាំងគ្មានកូន ហើយត្រឡប់មកផ្ទះរបស់ឪពុកនាងវិញដូចកាលដែលនាងនៅក្មេង នោះនាងអាចបរិភោគចំណែកពីអាហាររបស់ឪពុកបាន។+ ប៉ុន្តែ អ្នកផ្សេងដែលគ្មានសិទ្ធិ មិនអាចបរិភោគបានឡើយ។
-