-
ដំណើរចាកចេញ ២៣:៣១-៣៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣១ «ខ្ញុំនឹងកំណត់ព្រំប្រទល់ទឹកដីរបស់អ្នករាល់គ្នា ចាប់ពីសមុទ្រក្រហមទៅដល់សមុទ្រមេឌីទែរ៉ានេ* ហើយចាប់ពីតំបន់ស្ងាត់ជ្រងំទៅដល់ទន្លេអឺប្រាត។+ ព្រោះខ្ញុំនឹងប្រគល់អ្នកស្រុកទាំងនោះក្នុងកណ្ដាប់ដៃអ្នករាល់គ្នា រួចអ្នករាល់គ្នានឹងបណ្ដេញពួកគេចេញពីទឹកដីទាំងនោះទៅ។+ ៣២ អ្នករាល់គ្នាមិនត្រូវធ្វើកិច្ចព្រមព្រៀងជាមួយនឹងពួកគេ ឬបណ្ដាព្រះរបស់ពួកគេឡើយ។+ ៣៣ អ្នករាល់គ្នាមិនត្រូវឲ្យពួកគេរស់នៅក្នុងស្រុកជាមួយនឹងអ្នករាល់គ្នាឡើយ ដើម្បីកុំឲ្យពួកគេនាំអ្នករាល់គ្នាប្រព្រឹត្តអំពើខុសឆ្គងប្រឆាំងនឹងខ្ញុំ។ បើអ្នករាល់គ្នាគោរពបម្រើព្រះរបស់ពួកគេ នោះអ្នករាល់គ្នាមុខជាជាប់អន្ទាក់ពួកគេហើយ»។+
-
-
ការបំភ្លឺច្បាប់ ៧:៣, ៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣ អ្នករាល់គ្នាមិនត្រូវចងសម្ព័ន្ធភាពនឹងពួកគេដោយចំណងអាពាហ៍ពិពាហ៍ជាដាច់ខាត គឺមិនត្រូវឲ្យកូនប្រុសកូនស្រីរបស់អ្នករាល់គ្នារៀបការនឹងកូនប្រុសកូនស្រីរបស់ពួកគេឡើយ។+ ៤ ព្រោះពួកគេនឹងទាញនាំកូនៗរបស់អ្នករាល់គ្នាចេញពីព្រះយេហូវ៉ាទៅបម្រើព្រះឯទៀត។+ ពេលនោះ លោកនឹងខឹងអ្នករាល់គ្នាយ៉ាងខ្លាំង ហើយលោកនឹងបំផ្លាញអ្នករាល់គ្នាចោលភ្លាមមួយរំពេច។+
-
-
យ៉ូស្វេ ២៣:១២, ១៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
១២ «ប៉ុន្តែ បើអ្នករាល់គ្នាបែរចេញពីលោក ហើយលាយឡំខ្លួន*ជាមួយនឹងប្រជាជាតិនានាដែលនៅសល់+ក្នុងចំណោមអ្នករាល់គ្នា ទៅរៀបការ+ជាមួយនឹងពួកគេ ហើយទៅសេពគប់ពួកគេ ១៣ អ្នករាល់គ្នាត្រូវចាំទុកថា ព្រះយេហូវ៉ាជាព្រះរបស់អ្នករាល់គ្នានឹងមិនបណ្ដេញប្រជាជាតិទាំងនោះ ចេញពីមុខអ្នករាល់គ្នាទៀតឡើយ។+ ពួកគេនឹងដូចជាអន្ទាក់ឬអង្គប់សម្រាប់អ្នករាល់គ្នា ហើយពួកគេនឹងដូចជារំពាត់វាយខ្នង+ និងដូចជាបន្លាក្នុងភ្នែកអ្នករាល់គ្នា រហូតដល់អ្នករាល់គ្នាវិនាសបាត់ពីទឹកដីដ៏ល្អនេះដែលព្រះយេហូវ៉ាបានឲ្យអ្នករាល់គ្នា។
-
-
អ្នកសម្រេចក្ដី ២:២, ៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
២ ចំណែកអ្នករាល់គ្នាវិញ អ្នករាល់គ្នាមិនត្រូវចុះកិច្ចព្រមព្រៀងជាមួយនឹងពួកអ្នកស្រុកនេះទេ។+ អ្នករាល់គ្នាត្រូវបំផ្លាញទីបូជាទាំងប៉ុន្មានរបស់ពួកគេ›។+ ក៏ប៉ុន្តែ អ្នករាល់គ្នាមិនបានស្ដាប់បង្គាប់ខ្ញុំទេ។+ ហេតុអ្វីអ្នករាល់គ្នាធ្វើដូច្នេះ? ៣ ហេតុនេះហើយបានជាខ្ញុំនិយាយទៀតថា៖ ‹ខ្ញុំនឹងមិនបណ្ដេញពួកគេចេញពីមុខអ្នករាល់គ្នាឡើយ។+ ពួកគេនឹងទៅជាអន្ទាក់ដល់អ្នករាល់គ្នា+ ហើយព្រះទាំងប៉ុន្មានរបស់ពួកគេនឹងទាញនាំអ្នករាល់គ្នាចេញឆ្ងាយពីខ្ញុំ›»។+
-