-
ជំរឿនបណ្ដាជន ៤:១៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៥ «កាលណារើជំរំ អេរ៉ុននិងកូនប្រុសៗរបស់គាត់ ត្រូវគ្របកន្លែងបរិសុទ្ធ+និងឧបករណ៍ទាំងអស់ក្នុងនោះឲ្យបានរួចរាល់។ បន្ទាប់មក កូនចៅរបស់កូហាតត្រូវចូលមកសែងរបស់ទាំងនោះ។+ ប៉ុន្តែ ពួកគេមិនត្រូវប៉ះកន្លែងបរិសុទ្ធឡើយ។ ព្រោះបើប៉ះ ពួកគេនឹងត្រូវស្លាប់ជាមិនខាន។+ នេះហើយជាកិច្ចការទាំងប៉ុន្មានដែលវង្សត្រកូលកូហាតត្រូវបំពេញនៅឯត្រសាលជំនុំ។
-
-
ជំរឿនបណ្ដាជន ៤:២៤-២៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៤ កូនចៅគើសុនមានភារកិច្ចមើលថែ និងសែងរបស់ដូចតទៅ៖+ ២៥ ពួកគេត្រូវសែងផ្ទាំងក្រណាត់គ្របត្រសាលជំនុំ+ គឺផ្ទាំងក្រណាត់សាច់ល្អ ផ្ទាំងស្បែកធ្វើពីរោមពពែ ផ្ទាំងស្បែកចៀមឈ្មោល និងផ្ទាំងស្បែកទន់*ដែលនៅលើបំផុត+ ព្រមទាំងវាំងននបាំងច្រកចូលត្រសាលជំនុំ។+ ២៦ ពួកគេក៏ត្រូវសែងរនាំងទីធ្លា+ដែលនៅជុំវិញត្រសាលជំនុំនិងទីបូជា រួមទាំងវាំងននច្រកចូលទីធ្លា+ ខ្សែចងត្រសាលនិងគ្រឿងត្រសាល និងអ្វីផ្សេងទៀតដែលទាក់ទងនឹងកិច្ចការនោះដែរ។ នេះហើយជាភារកិច្ចរបស់ពួកគេ។
-
-
ជំរឿនបណ្ដាជន ៤:៣១-៣៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣១ ពួកគេមានភារកិច្ចនៅឯត្រសាលជំនុំ គឺសែងរបស់ដូចតទៅ៖+ ក្ដារស៊ុម+ត្រសាលជំនុំ រនុក+ សសរ+ និងជើងទ្រ+ ៣២ បង្គោល+រនាំងជុំវិញទីធ្លា ជើងទ្រ+ ស្នឹងត្រសាល+ ខ្សែចងត្រសាលនិងគ្រឿងត្រសាល ព្រមទាំងអ្វីៗទាំងអស់ដែលទាក់ទងនឹងកិច្ចបម្រើនេះ។ អ្នកត្រូវប្រាប់ឈ្មោះប្រដាប់ប្រដាទាំងនោះឲ្យពួកគេសែង។ ៣៣ នេះហើយជាកិច្ចការទាំងប៉ុន្មានដែលវង្សត្រកូលមេរេរ៉ាយ+ត្រូវបំពេញនៅឯត្រសាលជំនុំ។ ពួកគេធ្វើការនៅក្រោមការណែនាំរបស់អ៊ីតតាម៉ាជាកូនអេរ៉ុនជាសង្ឃ»។+
-