-
បណ្ដាស្ដេចទី១ ៧:១៥-២២គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៥ ហ៊ីរ៉ាមបានធ្វើសសរស្ពាន់ពីរ+ សសរនីមួយៗមានកម្ពស់១៨ហត្ថ ហើយបើយកខ្សែមកវាស់ជុំវិញសសរនីមួយៗ ឃើញមានប្រវែង១២ហត្ថ។+ ១៦ គាត់ក៏ធ្វើក្បាលសសរពីរ ពីស្ពាន់ដើម្បីដាក់លើសសរ។ ក្បាលសសរមួយមានកម្ពស់ប្រាំហត្ថ ក្បាលសសរមួយទៀតក៏មានកម្ពស់ប្រាំហត្ថដែរ។ ១៧ ក្បាលសសរនីមួយៗ មានកម្រងច្រវាក់ប្រទាក់គ្នាជាក្បាច់ក្រឡាអួន+ ៧ជួរលើក្បាលសសរមួយ ៧ជួរលើក្បាលសសរមួយទៀត។ ១៨ គាត់ធ្វើផ្លែទទឹមជាពីរជួរដាក់លើក្បាច់ក្រឡាអួន ដើម្បីលម្អក្បាលសសរនោះ ហើយគាត់ធ្វើដូចគ្នាសម្រាប់ក្បាលសសរទាំងពីរ។ ១៩ ក្បាលសសរដែលនៅខាងមុខសាល មានក្បាច់ជាផ្កាលីលីដែលមានកម្ពស់បួនហត្ថ។ ២០ ត្រង់ផ្នែករីកធំនៃក្បាលសសរទាំងពីរមានក្បាច់ក្រឡាអួន និងផ្លែទទឹមចំនួន២០០ ដាក់ជាជួរជុំវិញ។+
២១ គាត់បានដាក់បញ្ឈរសសរទាំងពីរនៅមុខសាលនៃវិហារ។+ មួយនៅខាងស្ដាំដៃ* គាត់ឲ្យឈ្មោះថាយ៉ាគីន* មួយនៅខាងឆ្វេងដៃ* គាត់ឲ្យឈ្មោះថាបូអូស។*+ ២២ នៅផ្នែកខាងលើសសរទាំងពីរមានក្បាច់ផ្កាលីលី។ ដូច្នេះ ការធ្វើសសរនោះបានចប់សព្វគ្រប់។
-
-
ប្រវត្តិហេតុទី២ ៤:១១-១៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
១១ ហ៊ីរ៉ាមក៏បានធ្វើធុងសម្រាប់ដាក់ផេះ ប៉ែល និងចានគោមដែរ។+
ដូច្នេះ គាត់បានធ្វើកិច្ចការទាំងអស់ឲ្យស្ដេចសាឡូម៉ូនសម្រាប់វិហាររបស់ព្រះពិតចប់សព្វគ្រប់។ ស្នាដៃទាំងនោះមានដូចតទៅ៖+ ១២ សសរពីរដើម+ និងក្បាលសសរទាំងពីរដែលមានរាងដូចចានក្រឡូម ក្បាច់ក្រឡាអួន+ដែលលម្អលើក្បាលសសរទាំងពីរនោះ ១៣ ផ្លែទទឹម៤០០+សម្រាប់ដាក់លើក្បាច់ក្រឡាអួនទាំងពីរ ក្បាច់ក្រឡាអួននីមួយៗមានផ្លែទទឹមពីរជួរ ដើម្បីលម្អលើក្បាលសសរទាំងពីរនោះ+
-
-
យេរេមា ៥២:២២, ២៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
២២ ក្បាលសសរធ្វើពីស្ពាន់មានកម្ពស់៥ហត្ថ។+ ក្បាច់ក្រឡាអួននិងផ្លែទទឹមនៅជុំវិញក្បាលសសរទាំងពីរក៏ធ្វើពីស្ពាន់ដែរ។ ឯសសរមួយទៀត ក៏មានលក្ខណៈដូចគ្នា ហើយក៏មានផ្លែទទឹមដែរ។ ២៣ ផ្លែទទឹមជុំវិញក្បាលសសរមានចំនួន៩៦ ហើយសរុបទាំងអស់មានផ្លែទទឹមចំនួន១០០លើក្បាច់ក្រឡាអួន។+
-