-
ជំរឿនបណ្ដាជន ២៨:១១-១៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
១១ «‹រៀងរាល់ដើមខែ អ្នករាល់គ្នាត្រូវជូនគ្រឿងបូជាដុតដល់ព្រះយេហូវ៉ា គឺគោស្ទាវ២ក្បាល ចៀមឈ្មោល១ក្បាល និងកូនចៀមឈ្មោលល្អឥតខ្ចោះ៧ក្បាលអាយុមួយឆ្នាំ។+ ១២ ពេលជូនគោស្ទាវនីមួយៗ ត្រូវជូនគ្រឿងបូជាពីស្រូវ+ គឺម្សៅម៉ដ្ឋ៣ភាគ១០រង្វាល់លាយជាមួយនឹងប្រេង។ ពេលជូនចៀមឈ្មោល ត្រូវជូនគ្រឿងបូជាពីស្រូវ គឺម្សៅម៉ដ្ឋ២ភាគ១០រង្វាល់លាយជាមួយនឹងប្រេង។+ ១៣ ពេលជូនកូនចៀមឈ្មោលនីមួយៗ ត្រូវជូនគ្រឿងបូជាពីស្រូវ គឺម្សៅម៉ដ្ឋ១ភាគ១០រង្វាល់លាយជាមួយនឹងប្រេង ជាគ្រឿងបូជាដុត ដើម្បីឲ្យមានក្លិនឈ្ងុយជូនព្រះយេហូវ៉ា។+ ១៤ ពេលជូនគោស្ទាវនីមួយៗ ត្រូវជូនស្រាទំពាំងបាយជូរកន្លះហ៊ីនជាគ្រឿងបូជាជាស្រា+ ពេលជូនចៀមឈ្មោល ត្រូវជូនស្រាទំពាំងបាយជូរ១ភាគ៣ហ៊ីន+ ហើយពេលជូនកូនចៀមឈ្មោលនីមួយៗ ត្រូវជូនស្រាទំពាំងបាយជូរ១ភាគ៤ហ៊ីនជាមួយដែរ។+ នេះជាគ្រឿងបូជាដុតដែលត្រូវជូននៅរៀងរាល់ដើមខែ ពេញមួយឆ្នាំ។ ១៥ បន្ថែមពីលើគ្រឿងបូជាដុតនិងគ្រឿងបូជាជាស្រាដែលត្រូវជូនជាប្រចាំ អ្នករាល់គ្នាក៏ត្រូវជូនកូនពពែមួយដល់ព្រះយេហូវ៉ាផងដែរ ដើម្បីទុកជាគ្រឿងបូជាសម្រាប់អំពើខុសឆ្គង។
-