-
យេរេមា ២៧:៦, ៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
៦ មើល! ខ្ញុំបានប្រគល់ទឹកដីទាំងមូលទៅក្នុងកណ្ដាប់ដៃនេប៊ូក្នេសា+ស្ដេចស្រុកបាប៊ីឡូនដែលជាអ្នកបម្រើខ្ញុំហើយ។ សូម្បីតែសត្វព្រៃដែលនៅឯវាល ក៏ខ្ញុំឲ្យពួកវានៅក្រោមអំណាចគាត់ដែរ។ ៧ ប្រជាជាតិទាំងអស់នឹងបម្រើគាត់ កូនគាត់ និងចៅគាត់ រហូតដល់គ្រាកំណត់នៃស្រុកគាត់មកដល់។+ ពេលនោះ ប្រជាជាតិជាច្រើននិងបណ្ដាស្ដេចដ៏ខ្លាំងក្លា នឹងយកគាត់ធ្វើជាខ្ញុំបម្រើពួកគេវិញ›។+
-
-
សាការី ២:៧-៩គម្ពីរបរិសុទ្ធសេចក្ដីបកប្រែពិភពលោកថ្មី
-
-
៧ «មកចុះ ស៊ីយ៉ូន! អ្នករាល់គ្នាដែលកំពុងអាស្រ័យជាមួយនឹងកូនស្រីនៃក្រុងបាប៊ីឡូន*អើយ ចូរគេចចេញមក!+ ៨ ក្រោយពីព្រះយេហូវ៉ានៃបណ្ដាកងទ័ពស្ថានសួគ៌បានទទួលការលើកតម្កើង លោកបានចាត់ខ្ញុំឲ្យទៅឯប្រជាជាតិនានាដែលប្លន់អ្នករាល់គ្នា។+ លោកមានប្រសាសន៍ថា៖ ‹អ្នកណាក៏ដោយដែលប៉ះពាល់អ្នករាល់គ្នា ក៏ដូចជាពាល់ប្រស្រីភ្នែករបស់ខ្ញុំដែរ។+ ៩ ពីព្រោះខ្ញុំនឹងលើកដៃប្រឆាំងពួកគេ ហើយទាសកររបស់ពួកគេនឹងប្លន់ពួកគេវិញ›។+ រួចអ្នករាល់គ្នានឹងដឹងច្បាស់ថា ព្រះយេហូវ៉ានៃបណ្ដាកងទ័ពស្ថានសួគ៌បានចាត់ខ្ញុំឲ្យមក។
-