-
កូរិនថូសទី១ ២:៩, ១០គម្ពីរបរិសុទ្ធសេចក្ដីបកប្រែពិភពលោកថ្មី
-
-
៩ ប៉ុន្តែ ដូចបទគម្ពីរចែងថា៖ «ភ្នែកមិនធ្លាប់ឃើញ ត្រចៀកមិនធ្លាប់ឮ ហើយចិត្តរបស់មនុស្សមិនដែលនឹកស្មានដល់អ្វីដែលព្រះបានរៀបចំទុកសម្រាប់អ្នកដែលស្រឡាញ់លោកឡើយ»។+ ១០ ពីព្រោះព្រះបានបើកបង្ហាញការទាំងនោះដល់យើង+តាមរយៈឫទ្ធានុភាពរបស់លោក+ ព្រោះឫទ្ធានុភាពរបស់លោកស្ទង់មើលអ្វីៗទាំងអស់ សូម្បីតែសេចក្ដីជ្រាលជ្រៅរបស់ព្រះ។+
-
-
អេភេសូរ ១:៩-១២គម្ពីរបរិសុទ្ធសេចក្ដីបកប្រែពិភពលោកថ្មី
-
-
៩ ដោយធ្វើឲ្យយើងស្គាល់អាថ៌កំបាំងដ៏ពិសិដ្ឋ+អំពីបំណងប្រាថ្នារបស់លោក។ អាថ៌កំបាំងនោះគឺអំពីអ្វីដែលលោកពេញចិត្តធ្វើ តាមការតាំងចិត្តរបស់លោក ១០ ដើម្បីរៀបចំរបៀបចាត់ចែងមួយនៅពេលដែលគ្រាកំណត់បានមកដល់ទីបញ្ចប់ ពោលគឺដើម្បីបង្រួបបង្រួមអ្វីៗទាំងអស់ក្នុងគ្រិស្ត គឺអ្វីៗនៅស្ថានសួគ៌និងអ្វីៗនៅផែនដី។+ គឺក្នុងគ្រិស្តហើយ ដែលអ្វីៗទាំងអស់នឹងត្រូវបង្រួបបង្រួម។ ១១ យើងបានត្រូវតែងតាំងឲ្យទទួលមត៌ករួមគ្នាជាមួយនឹងលោក+ ដោយសារយើងបានត្រូវជ្រើសរើសទុកជាមុនស្របតាមគោលបំណងរបស់ព្រះដែលធ្វើអ្វីៗទាំងអស់តាមបំណងប្រាថ្នារបស់លោក ១២ ដើម្បីឲ្យយើងដែលបានសង្ឃឹមលើគ្រិស្តមុនគេ ធ្វើឲ្យសិរីរុងរឿងរបស់ព្រះបានទទួលការសរសើរតម្កើង។
-
-
កូឡុស ១:២៦, ២៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៦ គឺប្រកាសអាថ៌កំបាំងដ៏ពិសិដ្ឋ+ដែលបានត្រូវលាក់ពីពិភពលោក*+ និងមនុស្សដែលរស់នៅជំនាន់មុនៗ។ ប៉ុន្តែ ឥឡូវអាថ៌កំបាំងដ៏ពិសិដ្ឋនេះបានត្រូវបើកបង្ហាញដល់ពួកអ្នកបរិសុទ្ធរបស់លោក។+ ២៧ ព្រះពេញចិត្តធ្វើឲ្យពួកអ្នកបរិសុទ្ធរបស់លោកដែលនៅក្នុងចំណោមប្រជាជាតិនានា ដឹងអំពីទ្រព្យវិសេសនៃអាថ៌កំបាំងដ៏ពិសិដ្ឋនេះ+ គឺគ្រិស្តកំពុងរួបរួមជាមួយនឹងអ្នករាល់គ្នា ដែលមានន័យថាអ្នករាល់គ្នាមានសេចក្ដីសង្ឃឹមរួមចំណែកក្នុងសិរីរុងរឿងរបស់លោក។+
-