-
ម៉ាថាយ ១៤:១៩-២១គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៩ បន្ទាប់មក លោកប្រាប់បណ្ដាជនឲ្យអង្គុយលើស្មៅ។ លោកក៏បានយកនំប៉័ងប្រាំដុំនិងត្រីពីរកន្ទុយនោះ ហើយងើយភ្នែកមើលទៅស្ថានសួគ៌ រួចអធិដ្ឋាន។+ ក្រោយនោះ លោកកាច់នំប៉័ង ចែកឲ្យពួកអ្នកកាន់តាម ហើយពួកគាត់ក៏ចែកឲ្យបណ្ដាជន។ ២០ ដូច្នេះ គ្រប់គ្នាបានបរិភោគឆ្អែត ហើយពួកគាត់បានប្រមូលអាហារដែលនៅសល់បាន១២កញ្ជើ។+ ២១ ឯអ្នកដែលបានបរិភោគ មានបុរសប្រហែល៥.០០០នាក់ ដោយមិនរាប់ស្ត្រីនិងកូនក្មេងទេ។+
-
-
ម៉ាកុស ៦:៣៩-៤៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣៩ បន្ទាប់មក លោកប្រាប់បណ្ដាជនឲ្យអង្គុយជាក្រុមៗលើស្មៅខៀវខ្ចី។+ ៤០ រួចបណ្ដាជនបានអង្គុយជាក្រុមៗ ក្រុមខ្លះ១០០នាក់ និងក្រុមខ្លះ៥០នាក់។ ៤១ ក្រោយមក លោកយកនំប៉័ងប្រាំដុំនិងត្រីពីរកន្ទុយនោះ ងើយភ្នែកមើលទៅស្ថានសួគ៌ ហើយអធិដ្ឋាន។+ រួចមក លោកកាច់នំប៉័ង ហើយឲ្យអ្នកកាន់តាមលោកចែកដល់បណ្ដាជន។ លោកក៏បានចែកត្រីពីរកន្ទុយនោះដល់គ្រប់ៗគ្នាដែរ។ ៤២ ដូច្នេះ គ្រប់គ្នាបានបរិភោគឆ្អែត។ ៤៣ បន្ទាប់មក ពួកគាត់បានប្រមូលនំប៉័ងដែលនៅសល់ បាន១២កញ្ជើ ដោយមិនរាប់ត្រីដែលនៅសល់ទេ។+ ៤៤ ចំនួនបុរសដែលបានបរិភោគនំប៉័ងនោះ មាន៥.០០០នាក់។
-
-
លូកា ៩:១៤-១៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៤ នៅទីនោះ មានបុរសប្រហែល៥.០០០នាក់។ ប៉ុន្តែ លោកមានប្រសាសន៍ទៅពួកអ្នកកាន់តាមលោកថា៖ «ចូរឲ្យពួកគេអង្គុយជាក្រុមៗ ក្នុងមួយក្រុម៥០នាក់»។ ១៥ រួចពួកអ្នកកាន់តាមក៏ធ្វើតាម ដោយឲ្យមនុស្សទាំងនោះអង្គុយ។ ១៦ បន្ទាប់មក លោកយកនំប៉័ងប្រាំដុំនិងត្រីពីរកន្ទុយនោះ ងើយភ្នែកមើលទៅស្ថានសួគ៌ អធិដ្ឋាន* រួចកាច់ ហើយឲ្យអ្នកកាន់តាមចែកដល់បណ្ដាជន។ ១៧ ដូច្នេះ គ្រប់គ្នាបានបរិភោគឆ្អែត។ បន្ទាប់មក ពួកគាត់ប្រមូលអាហារដែលនៅសល់ បាន១២កញ្ជើ។+
-