ចម្រៀងសរសើរព្រះ
ជូនចំពោះមេភ្លេង សូមប្រើឧបករណ៍មានខ្សែតាមសំឡេងសែមីនិត។* ទំនុករបស់ដាវីឌ។
៦ ឱព្រះយេហូវ៉ា សូមកុំកែតម្រង់ខ្ញុំពេលដែលលោកក្រោធ
ហើយសូមកុំប្រដៅខ្ញុំក្នុងកាលដែលលោកខឹង។+
២ ឱព្រះយេហូវ៉ា សូមអាណិតមេត្តាដល់ខ្ញុំផង ព្រោះកម្លាំងខ្ញុំចុះខ្សោយណាស់។
ឱព្រះយេហូវ៉ា សូមជួយខ្ញុំឲ្យមាំមួនឡើង+ ព្រោះខ្ញុំភ័យខ្លាច។*
៤ ឱព្រះយេហូវ៉ា សូមលោកត្រឡប់មកសង្គ្រោះខ្ញុំផង+
សូមរំដោះខ្ញុំ ដោយយល់ដល់សេចក្ដីស្រឡាញ់ដ៏ស្មោះត្រង់របស់លោក។+
៥ ព្រោះមនុស្សស្លាប់មិនអាចនិយាយ*អំពីលោកបានឡើយ។
នៅក្នុងផ្នូរ* តើអ្នកណានឹងសរសើរលោកបាន?+
៦ ខ្ញុំដកដង្ហើមធំរហូតដល់ល្វើយ+
ពេញមួយយប់ ទឹកភ្នែកខ្ញុំហូរជោកគ្រែ។
ខ្ញុំយំឡើងលិចដំណេក។+
៧ ខ្ញុំកើតទុក្ខខ្លាំងដល់ម្ល៉េះបានជាភ្នែកខ្ញុំមើលអ្វីលែងច្បាស់+
ភ្នែកខ្ញុំព្រាលៗ ដោយសារអស់អ្នកដែលយាយីខ្ញុំ។
៨ អស់អ្នកដែលប្រព្រឹត្តអំពើទុច្ចរិត ចូរចេញឲ្យឆ្ងាយពីខ្ញុំទៅ
ព្រោះព្រះយេហូវ៉ានឹងឮសំឡេងខ្ញុំយំ។+
៩ ព្រះយេហូវ៉ានឹងឮពេលខ្ញុំសុំលោកឲ្យជួយ+
ព្រះយេហូវ៉ានឹងស្ដាប់សេចក្ដីអធិដ្ឋានរបស់ខ្ញុំ។
១០ សត្រូវទាំងអស់របស់ខ្ញុំនឹងត្រូវអាប់ឱនហើយស្រងាកចិត្ត
ពួកគេនឹងដកថយភ្លាមមួយរំពេចទាំងក្ដីអាម៉ាស់។+