មាតិកា — បណ្ណាល័យអ៊ីនធឺណិតរបស់ប៉មយាម

តើអ្នកទាញយកប្រយោជន៍យ៉ាងពេញលេញពីសេចក្ដីអធិដ្ឋានដែលជាការរៀបចំរបស់ព្រះឬទេ? សូមពិចារណាអំពីរបៀបដែលការអធិដ្ឋានអាចជួយអ្នក ពេលដែលអ្នកមានទុក្ខកង្វល់ ពេលដែលអ្នកធ្វើការសម្រេចចិត្តដ៏សំខាន់ និងពេលដែលអ្នកខំព្យាយាមទប់ទល់នឹងការល្បួង។

អត្ថបទសិក្សាទី២

សាវ័កប៉ូលបានប្រាប់គ្រិស្តសាសនិកនៅទីក្រុងរ៉ូមឲ្យផ្ដោតគំនិតទៅលើអ្វីដែលនាំឲ្យបានជីវិតនិងសេចក្ដីសុខសាន្ត។ អត្ថបទនេះជួយអ្នកឲ្យពិចារណាអំពីរបៀបដែលអ្នកអាចទទួលប្រយោជន៍ពីឱវាទដែលគាត់បានផ្ដល់ឲ្យពួកគេ។

អត្ថបទសិក្សាទី៣

ដូចបានបង្ហាញក្នុងអត្ថបទនេះ បុរសស្មោះត្រង់ពីសម័យបុរាណបានរស់នៅជា«អ្នកស្នាក់នៅបណ្ដោះអាសន្ន»។ ពួកអ្នកកាន់តាមលោកយេស៊ូនៅជំនាន់ដើមក៏បានធ្វើដូច្នេះដែរ។ ប៉ុន្តែចុះយ៉ាងណាចំពោះគ្រិស្តសាសនិកពិតនៅសព្វថ្ងៃនេះវិញ? អត្ថបទនេះជួយអ្នកឲ្យយល់អត្ថន័យនៃការរស់នៅជាអ្នកស្នាក់នៅបណ្ដោះអាសន្នក្នុងពិភពលោកដ៏អាក្រក់នេះ។

អត្ថបទសិក្សាទី៤, ៥

យើងត្រូវការពួកបុរសដែលអាចនាំមុខក្នុងការគោរពប្រណិប័តន៍ព្រះ។ លោកយេស៊ូបានជួយបុរសជាច្រើននាក់ឲ្យទទួលយកដំណឹងល្អ ហើយក្រោយមកជួយពួកគេឲ្យមានគុណសម្បត្ដិគ្រប់គ្រាន់ដើម្បីទទួលឯកសិទ្ធិក្នុងកិច្ចបម្រើ។ ដោយសិក្សាអំពីវិធីដែលលោកបង្ហាត់បង្រៀនពួកគេ យើងនឹងរៀនអំពីរបៀបដែលយើងអាចជួយពួកបុរសដែលយើងជួបក្នុងកិច្ចការផ្សព្វផ្សាយ និងអំពីរបៀបដែលយើងអាចជួយបងប្អូនប្រុសៗដែលទទួលការជ្រមុជទឹកហើយនៅក្នុងក្រុមជំនុំឲ្យមានលក្ខណៈគ្រប់គ្រាន់ដើម្បីទទួលឯកសិទ្ធិក្នុងអង្គការរបស់ព្រះយេហូវ៉ា។