ប្រអប់សំណួរ
◼ ប្រសិនបើអ្នកថ្លែងសុន្ទរកថាសាធារណៈមកមិនទាន់ម៉ោងប្រជុំ តើត្រូវធ្វើយ៉ាងណា?
យូរៗម្ដង មានកាលៈទេសៈដែលធ្វើឲ្យបងប្រុសមកមិនទាន់ម៉ោងប្រជុំ ដើម្បីថ្លែងសុន្ទរកថារបស់គាត់។ ប្រសិនបើមានមូលហេតុឲ្យជឿថា បន្ដិចទៀតគាត់នឹងមកដល់ ពួកអ្នកចាស់ទុំអាចសម្រេចចិត្តសិក្សាទស្សនាវដ្ដីប៉មយាមមុនសិន។ បន្ទាប់មក គាត់អាចថ្លែងសុន្ទរកថាសាធារណៈរបស់គាត់។ ចុះយ៉ាងណាវិញ បើដឹងច្បាស់ថា អ្នកថ្លែងនោះមិនមកទេ? ប្រហែលជាចាស់ទុំម្នាក់ក្នុងក្រុមជំនុំ អាចថ្លែងសុន្ទរកថាណាមួយ ដែលគាត់បានរៀបចំរួចហើយ។
ធម្មតា ការគ្រោងទុកជាមុនយ៉ាងដិតដល់នឹងបង្ការបញ្ហានេះ។ អ្នកចាត់ចែងសុន្ទរកថាសាធារណៈគួរទាក់ទងអ្នកថ្លែងនីមួយៗ យ៉ាងហោចណាស់មួយអាទិត្យមុន ដើម្បីរំលឹកគាត់អំពីរឿងនេះ។ គាត់គួររំលឹកអ្នកថ្លែងនោះអំពីម៉ោងប្រជុំ អាសយដ្ឋាននៃសាលប្រជុំ និងលេខទូរស័ព្ទ ហើយប្រាប់ឲ្យច្បាស់នូវរបៀបរកសាលប្រជុំ។ អ្នកថ្លែងនោះគួរកត់ព័ត៌មាននោះឲ្យបានត្រឹមត្រូវ។ គាត់គួរយកចិត្តទុកដាក់នឹងភារកិច្ចនេះ ដោយខំធ្វើការកែសម្រួលក្នុងកិច្ចការផ្ទាល់ខ្លួនរបស់គាត់ ដើម្បីឲ្យគាត់អាចបំពេញភារកិច្ចរបស់ខ្លួន។ ប្រសិនបើមានអ្វីដែលនឹងរារាំងគាត់មិនឲ្យបំពេញភារកិច្ចនេះ គាត់គួរទាក់ទងអ្នកចាត់ចែងសុន្ទរកថាសាធារណៈឲ្យបានឆាប់រហ័ស ដើម្បីឲ្យមានអ្នកថ្លែងផ្សេងទៀតមកជំនួសវិញ។ គាត់គួរខំប្រឹងជៀសវាងលុបចោលការថ្លែងសុន្ទរកថាពេលជិតដល់ថ្ងៃថ្លែងសុន្ទរកថានោះ។ ប្រសិនបើមានអ្វីធ្វើឲ្យអ្នកថ្លែងមកយឺត ហើយនឹងមកដល់បីបួននាទីទៀត គាត់គួរទូរស័ព្ទទៅសាលប្រជុំ ដើម្បីឲ្យបងប្អូននៅក្រុមជំនុំដឹងថាត្រូវចាត់ចែងធ្វើយ៉ាងណា។
ការអបអរចំពោះភារកិច្ចថ្លែងសុន្ទរកថាសាធារណៈ ការគ្រោងទុកជាមុន និងការរំលឹក ហើយការមើលត្រួតពិនិត្យឲ្យបានដិតដល់ នឹងធ្វើឲ្យក្រុមជំនុំអាចមានសុន្ទរកថាសាធារណៈដែលមានប្រយោជន៍រៀងរាល់សប្ដាហ៍។