សេចក្ដីជូនដំណឹង
▪ ឧបករណ៍ផ្សាយសំរាប់ខែ មករា: សៀវភៅ ព្រះគម្ពីរ—បន្ទូលនៃព្រះឬក៏ពាក្យសំដីនៃមនុស្ស? កុម្ភៈ: សៀវភៅរឿងព្រះគម្ពីររបស់ខ្ញុំ។ មីនា: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ សូមយកចិត្តទុកដាក់ក្នុងការបង្កើតឲ្យមានសិស្សព្រះគម្ពីរតាមផ្ទះ។ មេសា: ការជាវប៉មយាម។
▪ ពួកអ្នកផ្សាយទាំងអស់ដែលបានធ្វើបុណ្យជ្រមុជទឹក ដែលមានវត្តមានក្នុងការប្រជុំអប់រំកិច្ចបំរើនៃសប្ដាហ៍ថ្ងៃទី៥ ខែមករា នឹងទទួលប័ណ្ណនៃសេចក្ដីអនុញ្ញាតឲ្យរួច/សេចក្ដីបង្គាប់ពេទ្យជាមុន និងប័ណ្ណសម្គាល់សំរាប់កូនចៅរបស់គេ។
▪ ចាប់ផ្ដើមក្នុងខែកុម្ភៈ ហើយមិនឲ្យហួសថ្ងៃទី១ ខែមីនា ការអធិប្បាយសាធារណៈថ្មីសំរាប់អ្នកត្រួតពិនិត្យមណ្ឌល គឺមានចំណងជើង «តើអ្នកមានយោបល់ត្រូវគ្នានឹងទស្សនៈរបស់ព្រះនៃជីវិតទេ»?
▪ ក្រុមជំនុំទាំងឡាយត្រូវរៀបចំឲ្យបានស្រួលដើម្បីធ្វើពិធីបុណ្យរំឭកនៅឆ្នាំនេះ ថ្ងៃសៅរ៍ ទី១១ ខែមេសា ក្រោយពីថ្ងៃលិច។ ទោះជាការអធិប្បាយប្រហែលចាប់ផ្ដើមមុនក្ដី ការហុចវត្ថុតំណាងនៃពិធីបុណ្យរំឭក មិនត្រូវចាប់ផ្ដើម មុនថ្ងៃលិចឡើយ។ សូមពិនិត្យមើលប្រភពតាមតំបន់ ដើម្បីឲ្យដឹងថាតើថ្ងៃលិចនឹងមាននៅពេលណាក្នុងតំបន់របស់អ្នក។ ថ្វីបើជាការល្អសំរាប់ក្រុមជំនុំនិមួយៗក្នុងការធ្វើពិធីបុណ្យរំឭកខ្លួនគេ តែមិនអាចធ្វើបានរាល់ដងទេ។ ពេលណាដែលក្រុមជំនុំជាច្រើនប្រើសាលព្រះរាជាណាចក្រជាមួយគ្នា ប្រហែលក្រុមជំនុំមួយឬឯទៀត អាចរកកន្លែងផ្សេងសំរាប់វេលាយប់នោះ។ ការធ្វើពិធីបុណ្យរំឭក មិនត្រូវចាប់ផ្ដើមដ៏យឺតម្ល៉េះ ដែលពួកចាប់អារម្មណ៍ថ្មីៗមានការពិបាកនឹងទៅប្រជុំនោះទេ។ ហើយតារាងនេះក៏មិនត្រូវឲ្យរវល់ដ៏ម្ល៉េះ ដែលឥតមានពេលមុនឬក្រោយពីការធ្វើបុណ្យ ដើម្បីគំនាប់ដល់ភ្ញៀវទាំងឡាយ ឬធ្វើការចាត់ចែងផ្ដល់ជំនួយខាងវិញ្ញាណដល់ពួកចាប់អារម្មណ៍ទាំងនេះ ឬទទួលការលើកទឹកចិត្តគ្នាទៅវិញទៅមក។ ក្រោយពីបានពិនិត្យមើលកត្ដាទាំងអស់ហើយ ពួកអ្នកចាស់ទុំត្រូវសម្រេចចិត្តនូវការចាត់ចែងណាមួយ ដែលនឹងជួយអស់អ្នកដែលមកពិធីបុណ្យរំឭក ដើម្បីឲ្យបានប្រយោជន៍ពេញលេញពីវេលាដ៏ពិសេសនេះ។
▪ ការអធិប្បាយសាធារណៈដ៏ពិសេសសំរាប់ឆ្នាំ១៩៩៨ នៃរដូវធ្វើពិធីបុណ្យរំឭក នោះនឹងថ្លែងនៅថ្ងៃអាទិត្យទី២៩ ខែមីនា។ គឺនឹងផ្ដល់ឲ្យគម្រោងនៃការអធិប្បាយ។ ក្រុមជំនុំទាំងឡាយណាដែលមានអ្នកត្រួតពិនិត្យមណ្ឌល សន្និបាតតាមមណ្ឌល ឬពិធីសន្និបាតពិសេសក្នុងសប្ដាហ៍នោះ អាចថ្លែងការអធិប្បាយពិសេសនេះ នៅអាទិត្យជាបន្ទាប់។ គ្មានក្រុមជំនុំណាមួយត្រូវថ្លែងការអធិប្បាយពិសេសនេះ មុនថ្ងៃទី២៩ ខែមីនា ១៩៩៨ឡើយ។
▪ ក្រុមអ្នកចាស់ទុំត្រូវដឹងអំពីការកែសម្រួលជាបន្ទាប់ ពេលទៅសន្និបាតប្រចាំតំបន់៖ នៅពេលមានពិធីសន្និបាតពិសេស ក្រុមជំនុំត្រូវមានកិច្ចប្រជុំធម្មតាប្រចាំសប្ដាហ៍ ឥតមានតែប្រជុំសាធារណៈនិងការសិក្សាប៉មយាមប៉ុណ្ណោះ។ នៅពេលបានកំណត់ឲ្យទៅសន្និបាតតាមមណ្ឌល ក្រុមជំនុំឥតមានសាលាកិច្ចបំរើព្រះធិបតេយ្យនិងការប្រជុំអប់រំកិច្ចបំរើ តែក្នុងសប្ដាហ៍នោះគឺមានការសិក្សាតាមក្រុមជំនុំជាធម្មតា។
▪ ចាប់ផ្ដើមសប្ដាហ៍នៃថ្ងៃទី៤ ខែឧសភា ១៩៩៨ ហើយរហូតដល់ថ្ងៃទី១៤ ខែកញ្ញា ១៩៩៨ ព្រះគម្ពីរ—បន្ទូលនៃព្រះឬក៏ពាក្យសំដីនៃមនុស្ស? នឹងត្រូវយកមកពិគ្រោះក្នុងការសិក្សាតាមក្រុមជំនុំ។
▪ ប្រកាសនវត្ថុថ្មី:
ព្រះនាមនៃព្រះដែលនឹងនៅឋិតថេរដ៏អស់កល្បជានិច្ច—ភាសាវៀតណាម