ការប្រជុំអប់រំកិច្ចបំរើសំរាប់ខែតុលា
សប្ដាហ៍ចាប់ផ្ដើមថ្ងៃទី៥ ខែតុលា
ចំរៀង ១៩៩
១០ នាទី: សេចក្ដីជូនដំណឹងប្រចាំតំបន់។ សេចក្ដីជូនដំណឹងខ្លះពីកិច្ចបំរើព្រះរាជាណាចក្រយើង។
១៥ នាទី: «ផលប្រយោជន៍ពីមហាសន្និបាត៖«ផ្លូវរបស់ព្រះខាងឯជីវិត»។ សំនួរនិងចម្លើយ។
២០ នាទី: « ‹ការព្រោះពូជព្រះរាជាណាចក្រ›តាមដំណើរចែកជូនទស្សនាវដ្ដី»។ ការពិគ្រោះជាមួយនឹងពួកអ្នកស្ដាប់។ ឲ្យអ្នកផ្សាយដែលមានការពិសោធន៍ ពន្យល់ពីរបៀបដែលដំណើរចែកជូនទស្សនាវដ្ដី អាចរៀបចំឡើងហើយរក្សាទុកដែរ។ រួចមក បង្ហាញនូវរបៀបនិយាយផ្សាយទស្សនាវដ្ដី ដែលរួមការរៀបចំនឹងត្រឡប់ទៅជូនទស្សនាវដ្ដីជាបន្ទាប់ទៀត។ សូមបញ្ជាក់ពីសេចក្ដីត្រូវការឲ្យពួកអ្នកផ្សាយទាំងអស់ មានការស្នើសុំទស្សនាវដ្ដីមួយចំនួន ដើម្បីឲ្យមានទស្សនាវដ្ដីគ្រប់គ្រាន់។
ចំរៀង ១៣៣ និងការអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១២ ខែតុលា
ចំរៀង ៤២
១០ នាទី: សេចក្ដីជូនដំណឹងប្រចាំតំបន់។ សេចក្ដីរាយការណ៍ពីគណនី។
១៥ នាទី: «ពួកអ្នកត្រួតពិនិត្យដែលនាំមុខ ផ្នែកស្មៀន»។ ការអធិប្បាយដោយស្មៀនក្រុមជំនុំ ដោយពិនិត្យមើលនូវករណីកិច្ចដែលបានប្រគល់ឲ្យគាត់។ គាត់នឹងបញ្ជាក់ថា ទាំងអស់គ្នាអាចជួយ ដោយដាក់សេចក្ដីរាយការណ៍ខាងកិច្ចផ្សាយបំរើឲ្យបានទាន់ពេល។
២០ នាទី: «តើអ្នកអានទស្សនាវដ្ដីហ្នឹងឬទេ»? សំនួរនិងចម្លើយ។ ពិនិត្យមើលយោបល់ស្រួលប្រើ ពីរបៀបរៀបទុកពេល សំរាប់ការអានផ្ទាល់ខ្លួន ដែលមាននៅក្នុងសៀវភៅណែនាំខាងសាលា មេរៀនទី ៤ វគ្គ ៥-៦។
ចំរៀង ១០៧ និងការអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៩ ខែតុលា
ចំរៀង ១៦
១០ នាទី: សេចក្ដីជូនដំណឹងប្រចាំតំបន់។ យកមកពិចារណានូវចំណុចសំរាប់ពិគ្រោះ ក្នុងទស្សនាវដ្ដីថ្មីៗ។ រៀបរាប់អំពីបទពិសោធន៍ក្នុងសៀវភៅប្រចាំឆ្នាំ១៩៩៧ ទំព័រ ៤៥ និងទស្សនាវដ្ដីភ្ញាក់រឭក! ២២ តុលា ១៩៩៦ ទំព័រ ៣២។ លើកទឹកចិត្តឲ្យគ្រប់គ្នាចូលរួមការចែកផ្សាយទស្សនាវដ្ដីនៅចុងសប្ដាហ៍នេះ។
១៥ នាទី: សេចក្ដីត្រូវការប្រចាំតំបន់។
២០ នាទី: របៀបរៀបចំសំរាប់ការសិក្សាទស្សនាវដ្ដីប៉មយាម។ ការពិគ្រោះជាមួយអ្នកស្ដាប់ ដោយអ្នកដឹកនាំការសិក្សាទស្សនាវដ្ដីប៉មយាម ដែលបានដកស្រង់ចេញពីប៉មយាម ១៥ ឧសភា ១៩៨៦ ទំព័រ ១៩-២០ វគ្គ ១៦-១៨ និងសៀវភៅណែនាំខាងសាលា មេរៀនទី ៧ វគ្គ ១១ និងមេរៀនទី ១៨ វគ្គ ៤-៦។ អញ្ជើញឲ្យពួកអ្នកស្ដាប់ ឆ្លើយសំនួរដូចតទៅនេះ: (១) ហេតុអ្វីក៏ជាការចាំបាច់ ដែលយើងត្រូវទទួលប្រយោជន៍ជាអតិបរមា ពីទស្សនាវដ្ដីប៉មយាមនិមួយៗ? (២) តើយើងត្រូវតែធ្វើអ្វីនៅពេលដែលយើងទទួលទស្សនាវដ្ដីថ្មី? (៣) តើអ្វីជារបៀបល្អក្នុងការរៀបចំសំរាប់ការសិក្សាទស្សនាវដ្ដីប៉មយាម? (៤) តើត្រូវប្រុងស្មារតីយ៉ាងណាចំពោះបទគម្ពីរដែលមានក្នុងនោះ? (៥) តើតាមរបៀបណាដែលយើងអាចពិនិត្យមើលឡើងវិញនូវអ្វីដែលយើងបានរៀន? (៦) តើអ្វីជាចំណុចសំខាន់ ដែលយើងត្រូវយកមកសញ្ជឹងគិត នៅពេលដែលយើងសិក្សាផ្ទាល់ខ្លួននូវមេរៀននោះចប់? (៧) តើយើងគួរតែរៀបចំចម្លើយមួយតាមរបៀបណា? (៨) តើអាចឆ្លើយជាច្រើនយ៉ាងលើសំនួរតែមួយយ៉ាងដូចម្ដេចបាន? ឲ្យអ្នកខ្លះរៀបរាប់អំពីអ្វីដែលគេបានធ្វើផ្ទាល់ ដើម្បីជួយគេឲ្យទទួលបានផលប្រយោជន៍យ៉ាងច្រើនបំផុតពីការសិក្សាទស្សនាវដ្ដីប៉មយាម។—សូមមើលសៀវភៅ បានរៀបចំដើម្បីសម្រេចកិច្ចបំរើរបស់យើង ទំព័រ ៦៥-៦៧។
ចំរៀង ៩៥ និងការអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៦ ខែតុលា
ចំរៀង ៩៨
១០ នាទី: សេចក្ដីជូនដំណឹងប្រចាំតំបន់។ ប្រាប់អំពីប្រកាសនវត្ថុចាស់ៗដែលនៅមានក្នុងក្រុមជំនុំ ដែលអាចប្រគល់ឲ្យគេក្នុងកិច្ចការផ្សាយពេលមានឱកាសធ្វើនោះ។ ដោយព្រោះមានវិស្សមកាលនៅខែវិច្ឆិកានិងខែធ្នូ នេះគឺជាពេលល្អ សំរាប់ពួកយុវជនដែលបានជ្រមុជទឹកហើយ និងអ្នកឯទៀតឲ្យគិតអំពីការធ្វើត្រួសត្រាយជំនួយ។
២០ នាទី: ការស្ដាប់បង្គាប់តាមព្រះក្នុងគ្រួសារដែលបែកខ្ញែកខាងសាសនា។ ការអធិប្បាយដែលបានដកស្រង់ចេញពីប៉មយាម ១ មិថុនា ១៩៩៥ ទំព័រ ២៦-២៩។ បញ្ជូនការលើកទឹកចិត្តនិងការដាស់តឿនដែលនឹងជួយអស់អ្នក ដែលមានគូដែលឥតជឿព្រះ ឲ្យរក្សានូវអាកប្បកិរិយាដ៏វិជ្ជមាន ហើយឲ្យចូលរួមយ៉ាងសកម្មជាមួយនឹងក្រុមជំនុំ។
១៥ នាទី: ការទៅប្រជុំឲ្យទាន់ពេល។ ការពិគ្រោះជាមួយនឹងអ្នកដឹកនាំការសិក្សាតាមក្រុមជំនុំពីរឬក៏បីនាក់ ឬជាមួយអ្នកងារជំនួយអំពីបញ្ហាជាការមកប្រជុំយឺត។ គេទទួលស្គាល់ថាមានស្ថានការណ៍មិនប្រក្រតី ដូចជាគ្រាអាសន្ន ស្ថានភាពនៃធាតុអាកាស និងចរាចរណ៍ជាដើម ដែលអាចធ្វើឲ្យបុគ្គលម្នាក់មកយឺត។ ប៉ុន្តែ អ្នកខ្លះក៏មកយឺតជានិច្ច។ តាមរបៀបដ៏វិជ្ជមាន នោះក្រុមនេះពិគ្រោះហើយបង្ហាញពីអ្វីដែលត្រូវការដើម្បីឲ្យមកទាន់ពេល៖ (១) ការអបអរអស់ពីដួងចិត្តចំពោះឯកសិទ្ធិចូលរួមកិច្ចប្រជុំ និងសំរាប់អាហារខាងវិញ្ញាណ និងការសេពគប់ដែលមាននៅទីនោះ (២) ការគ្រោងនិងរៀបចំយ៉ាងល្អទុកជាមុន នូវរឿងផ្ទាល់ខ្លួន (៣) ការសុខចិត្តសហប្រត្ដិបត្ដិការរវាងគ្នានិងគ្នាក្នុងគ្រួសា (៤) ចេញដំណើរមុនពេល ហើយអនុញ្ញាតឲ្យមានពេល ក្រែងលោមានបញ្ហាកើតឡើង និង (៥) ដោយយកចិត្តទុកដាក់មិនចង់បណ្ដាលឲ្យមានការរំខានដល់អ្នកដទៃ ដែលកំពុងប្រជុំគ្នា។ គ្រប់គ្នាយល់ស្របថា បញ្ហានៃការមកប្រជុំយឺតអាចដោះស្រាយបាន ដោយខំប្រឹងធ្វើឲ្យបានប្រសើរឡើងជានិច្ច។
ចំរៀង ៨៦ និងការអធិស្ឋានបញ្ចប់។