សេចក្ដីជូនដំណឹង
◼ ឧបករណ៍ផ្សាយសំរាប់ខែ មករា: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ កុម្ភៈ ព្រះគម្ពីរ—បន្ទូលនៃព្រះឬក៏ពាក្យសំដីនៃមនុស្ស? មីនា: ចំណេះដែលនាំទៅដល់ជីវិតអស់កល្បជានិច្ច។ នឹងមានការខិតខំពិសេសដើម្បីចាប់ផ្ដើមការសិក្សាព្រះគម្ពីរតាមផ្ទះ។ មេសា: ទស្សនាវដ្ដីប៉មយាម ច្បាប់និមួយៗ។ ទុកសៀវភៅស្តើងតម្រូវនៅខ្លួនសំរាប់អស់អ្នកណាដែលចាប់អារម្មណ៍ ហើយខិតខំចាប់ផ្ដើមការសិក្សាព្រះគម្ពីរតាមផ្ទះ។
◼ អ្នកផ្សាយទាំងអស់ដែលនៅប្រជុំអប់រុំកិច្ចបំរើ សប្ដាហ៍ចាប់ផ្ដើមថ្ងៃទី១០ ខែមករា អាចទទួលកាតសេចក្ដីបង្គាប់ពេទ្យជាមុន/សេចក្ដីអនុញ្ញាតឲ្យរួច ហើយកាតអត្តសញ្ញាណសំរាប់កូនៗរបស់គេ។
◼ ចាប់ផ្ដើមខែកុម្ភៈហើយមិនហួសពីថ្ងៃទី៥ ខែមីនា សុន្ទរកថាថ្មីសំរាប់អ្នកត្រួតពិនិត្យតាមមណ្ឌលទាំងឡាយ គឺជា«អើម៉ាគេដូនពិតប្រាកដ—ហេតុអ្វី?កាលណា?»
◼ ក្រុមជំនុំទាំងឡាយគួរធ្វើការរៀបចំដ៏ស្រួលដើម្បីធ្វើពិធីបុណ្យរំឭកឆ្នាំនេះនៅថ្ងៃពុធ ថ្ងៃទី១៩ ខែមេសា បន្ទាប់ពីថ្ងៃលិច។ ទោះបីសុន្ទរកថាអាចចាប់ផ្ដើមមុនក៏ដោយ ការហុចវត្ថុតំណាងបុណ្យរំឭកនោះមិនគួរចាប់ផ្ដើមទាល់តែពេលក្រោយថ្ងៃលិចហើយ។ ឆែកមើលប្រភពពត៌មានតាមតំបន់ដើម្បីដឹងថា ថ្ងៃលិចនឹងកើតឡើងម៉ោងណាក្នុងតំបន់អ្នក។ ទោះបីគឺល្អជាងបើសិនជាក្រុមជំនុំនិមួយៗអាចធ្វើពិធីបុណ្យរំឭកដោយឡែកៗក៏ដោយ នោះប្រហែលជាមិនតែងតែមានលទ្ធភាពធ្វើអ៊ីចឹងទេ។ នៅសាលព្រះរាជាណាចក្រណាដែលមានក្រុមជំនុំជាច្រើនប្រើ នោះប្រហែលជាក្រុមជំនុំមួយឬពីរបីអាចប្រើកន្លែងមួយទៀតសំរាប់យប់នោះ។ បើសិនជាអាចធ្វើទៅបាន យើងជូនយោបល់ថា គួរមានយ៉ាងតិចបំផុត៤០នាទីដើម្បីឲ្យទាំងអស់គ្នាទទួលប្រយោជន៍ពេញលេញពីពិធីនោះ ទាំងឲ្យមានពេលដើម្បីជំរាបសួរភ្ញៀវនិងលើកទឹកចិត្តអ្នកចាប់អារម្មណ៍ថ្មី។ គួរត្រូវយកចិត្តទុកដាក់ទៅលើស្ថានភាពចរាចរនិងផ្ញើឡាន រួមបញ្ចូលការដាក់ចុះនិងទទួលអ្នកជិះ។ អ្នកចាស់ទុំគួរសម្រេចថាការរៀបចំណាគឺល្អបំផុតតាមតំបន់។
◼ សុន្ទរកថាពិសេសសំរាប់ខែបុណ្យរំឭកឆ្នាំ២០០០ នឹងត្រូវថ្លែងនៅថ្ងៃអាទិត្យ ថ្ងៃទី១៦ ខែមេសា។ ប្រធាននៃសុន្ទរកថានោះគឺជា «មូលហេតុដែលមនុស្សជាតិត្រូវការតម្លៃលោះ»។ គម្រោងនឹងត្រូវផ្ដល់ឲ្យ។ ក្រុមជំនុំណាដែលទទួលអ្នកត្រួតពិនិត្យតាមមណ្ឌលជាភ្ញៀវ សន្និបាតតាមមណ្ឌល ឬក៏ពិធីសន្និបាតពិសេសចំថ្ងៃនោះ នឹងមានសុន្ទរកថាពិសេសនៅអាទិត្យជាបន្ទាប់។ ក្រុមទាំងឡាយមិនគួរមានសុន្ទរកថាពិសេសមុនថ្ងៃទី១៦ ខែមេសា ២០០០។