កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១០ ខែមករា
ចំរៀង លេខ១០៧
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះពីកិច្ចបំរើព្រះរាជាណាចក្រយើង។
១៥ នាទី: «ការធ្វើឲ្យព្រះនាមរបស់ព្រះយេហូវ៉ាត្រូវស្គាល់ជាទូទាំងផែនដី»។ ការពិគ្រោះដោយសំនួរនិងចម្លើយ។ ប្រាប់ពីការផ្សព្វផ្សាយក្រៅផ្លូវការដោយដកស្រងពីសៀវភៅកិច្ចការផ្សាយរបស់យើង ទំព័រ៩៣-៩៤ (ភាសាអង់គ្លេស)។
២០ នាទី: ការជ្រើសរើសតាមផ្លូវច្បាប់ឲ្យទទួលការគ្រប់គ្រងសុខភាព ដោយមិនប្រើឈាម។ (កិច្ចការ ១៥:២៨, ២៩) សុន្ទរកថាដោយអ្នកចាស់ទុំម្នាក់ដែលមានគុណវុឌ្ឍិ ដោយពន្យល់ពីភាពចាំបាច់នឹងប្រុងប្រៀបជានិច្ចសំរាប់ការតម្រូវឲ្យព្យាបាលក្នុងគ្រាអាសន្ន។ បន្ទាប់ពីប្រជុំនេះ ស្មរបន្ទាល់ដែលបានទទួលបុណ្យជ្រមុជទឹកហើយអាចទទួលប័ណ្ណថ្មី ជាសេចក្ដីអនុញ្ញាតឲ្យរួច/សេចក្ដីបង្គាប់ពេទ្យជាមុនកាតកត់ទុកជាមុននូវសេចក្ដីបង្គាប់ជូនគ្រូពេទ្យឬការធ្វើឲ្យគ្រូពេទ្យបានរួចពីទោសវិញ ហើយអ្នកដែលមានកូនមិនទាន់គ្រប់អាយុដែលមិនទាន់ទទួលបុណ្យជ្រមុជទឹកអាចទទួលប័ណ្ណសម្គាល់សំរាប់កូននិមួយៗ។ ប័ណ្ណទាំងនេះមិនត្រូវបំពេញនៅយប់នេះទេ។ គួរនឹងបំពេញនោះយ៉ាងប្រយ័ត្នប្រយែងនៅផ្ទះ តែកុំចុះហត្ថលេខាទេ។ ការចុះហត្ថលេខា មើលដោយសាក្សី និងការចុះថ្ងៃខែ នឹងធ្វើឡើងក្រោយពីការសិក្សាតាមក្រុមជំនុំជាបន្ទាប់ ដោយមានជំនួយពីអ្នកដឹកនាំការសិក្សាបើត្រូវការ។ មុនដែលចុះហត្ថលេខា ធ្វើឲ្យប្រាកដថាប័ណ្ណនេះបានត្រូវបំពេញទាំងមូល។ អ្នកដែលចុះហត្ថលេខាជាសាក្សី ត្រូវឃើញអ្នកកាន់ប័ណ្ណចុះហត្ថលេខាផ្ទាល់ខ្លួន។ ពួកអ្នកផ្សាយដែលមិនទាន់ទទួលបុណ្យជ្រមុជទឹក អាចសរសេរសេចក្ដីបង្គាប់របស់គេនិងសំរាប់កូនខ្លួនផងដែរ ដោយកែប្រែពាក្យពីប័ណ្ណនេះឲ្យសមស្របនឹងកាលៈទេសៈនិងជំនឿរបស់ខ្លួន។ អ្នកដឹកនាំការសិក្សាតាមក្រុមគួរធ្វើឲ្យប្រាកដថា អស់អ្នកក្នុងក្រុមសិក្សារបស់គេអាចទទួលនូវជំនួយដែលគេចង់បាន ក្នុងការបំពេញកាតកត់ទុកជាមុននូវសេចក្ដីបង្គាប់ជូនគ្រូពេទ្យឬការធ្វើឲ្យគ្រូពេទ្យបានរួចពីទោសវិញ ហើយលិខិតប្រគល់សិទ្ធិអំណាចឬឯកសារប្រទានសិទ្ធិ។
ចំរៀង លេខ១៥៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៧ ខែមករា
ចំរៀង លេខ១២
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: សេចក្ដីត្រូវការតាមតំបន់។
២០ នាទី: «ប្រើខិត្តប័ណ្ណដើម្បីផ្ដើមឡើងការសន្ទនា»។ លើកឡើងចំណុចសំខាន់ៗពីខិត្តប័ណ្ណបួនសន្លឹកដែលនិយមប្រើប្រចាំតំបន់ផ្សាយ។ លើកឡើងសំនួរមួយដែលមានចម្លើយក្នុងខិត្តប័ណ្ណនិមួយៗ។ អញ្ជើញពួកអ្នកស្ដាប់ជូនយោបល់ពីរបៀបសំនួរនោះអាចត្រូវប្រើដើម្បីផ្ដើមឡើងនូវការសន្ទនា ហើយប្រហែលជាអាចនាំទៅដល់ការសិក្សា។ ធ្វើការសម្ដែងពីរបៀបដែលនេះអាចត្រូវធ្វើទៅបាន ដោយប្រើខិត្តប័ណ្ណពីរ។
ចំរៀង លេខ៥៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៤ ខែមករា
ចំរៀង លេខ១១០
១០ នាទី: សេចក្ដីជូនដំណឹងតាមតំបន់និងបទពិសោធន៍ពីកិច្ចផ្សព្វផ្សាយ។
១៥ នាទី: «សូមពិចារណាមើលបន្ទូលរបស់ព្រះយេហូវ៉ាជារៀងរាល់ថ្ងៃ!» សុន្ទរកថានិងការពិគ្រោះជាមួយពួកអ្នកស្ដាប់។ លើកទឹកចិត្តទាំងអស់គ្នាឲ្យឆ្លៀតប្រយោជន៍ពីកូនសៀវភៅការពិនិត្យមើលបទគម្ពីរប្រចាំថ្ងៃ—ឆ្នាំ២០០០។ ស្រងយកពាក្យខ្លះពីបុព្វកថា ទំព័រ៣-៤។ អញ្ជើញអ្នកផ្សាយឲ្យរៀបរាប់ពីរបៀបដែលគេតែម្នាក់ឯងនិងជាក្រុមគ្រួសារ អាចខិតខំពិចារណាមើលខបទគម្ពីរនិងអត្ថាធិប្បាយជាទៀងទាត់មិនខានជារៀងរាលថ្ងៃ។
២០ នាទី: «តើអ្នកនឹងនៅទីនោះទេ?» សុន្ទរកថានិងបទពិសោធន៍ដឹកនាំដោយអ្នកចាស់ទុំម្នាក់។ ការប្រជុំធំបានមានតួនាទីសំខាន់ក្នុងការចំរើនកម្លាំងនៃរាស្ត្ររបស់ព្រះ តាំងពីសម័យព្រះគម្ពីររហូតមកដល់សម័យយើងនេះ។ (សូមមើលសៀវភៅពួកអ្នកប្រកាស ទំព័រ២៥៤ វគ្គ១-៣ និងសៀវភៅការយល់ធ្លុះជ្រៅ ក្បាលទី១ ទំព័រ៨២១ វគ្គ៥ (ភាសាអង់គ្លេស) លើកទឹកចិត្តទាំងអស់គ្នាឲ្យចាប់ផ្ដើមរៀបចំឥឡូវនេះ ដើម្បីចូលរួមគ្រប់បីថ្ងៃនៃមហាសន្និបាតតាមតំបន់សំរាប់ឆ្នាំនេះ។ អញ្ជើញពួកអ្នកស្ដាប់ឲ្យរៀបរាប់ពីបទពិសោធន៍ ដែលបញ្ជាក់ការខិតខំព្យាយាមរបស់គេដើម្បីចូលរួម ហើយការពលីរបស់គេពីមុនបាននាំឲ្យមានរង្វាន់ខាងវិញ្ញាណ។
ចំរៀង លេខ១៥៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣១ ខែមករា
ចំរៀង លេខ១៦
១២ នាទី: សេចក្ដីជូនដំណឹងតាមតំបន់។ រំឭកទាំងអស់គ្នាឲ្យដាក់សេចក្ដីរាយការណ៍ពីកិច្ចផ្សាយសំរាប់ខែមករា។ ប្រាប់ពីឧបករណ៍ផ្សាយសំរាប់ខែកុម្ភៈ ជាសៀវភៅបន្ទូលរបស់ព្រះ។ ធ្វើការសម្ដែងពីរបៀបប្រអប់នៅទំព័រទី៥អាចត្រូវប្រើជាមូលដ្ឋានដើម្បីផ្ដើមឡើងការសន្ទនា។
១៥ នាទី: ចម្លើយចំពោះសំនួរមួយអំពី‹ការសម្គាល់›។ សុន្ទរកថាថ្លែងដោយអ្នកចាស់ទុំម្នាក់ មានមូលដ្ឋានទៅលើទស្សនាវដ្ដីប៉មយាម ថ្ងៃទី១៥ ខែកក្កដា ឆ្នាំ១៩៩៩ ទំព័រ២៩-៣១ (ភាសាអង់គ្លេស)។
១៨ នាទី: របៀបជួយអ្នកដទៃសម្គាល់សាសនាពិត។ ការពិគ្រោះរវាងអ្នកងារជំនួយម្នាក់និងអ្នកផ្សាយពីរបីនាក់ដែលមានសមត្ថភាព អំពីរបៀបដែលមនុស្សប្រហែលជាកោតសរសើរនឹងពួកស្មរបន្ទាល់ព្រះយេហូវ៉ា ប៉ុន្តែមិនយល់ច្បាស់ពីភាពខុសគ្នារវាងសាសនាដទៃនិងសាសនារបស់យើង។ សើរើនូវចំណុច១០យ៉ាងនៅទំព័រទី២០នៃទស្សនាវដ្ដីភ្ញាក់រឭក! ថ្ងៃទី៨ ខែឧសភា ឆ្នាំ១៩៩៥ (ភាសាអង់គ្លេស)។ ពន្យល់ពីរបៀបដែលការយល់ដឹងពីកត្ដាទាំងនេះ អាចជួយមនុស្សស្មោះត្រង់ឃើញភាពខុសគ្នារវាងការថ្វាយបង្គំពិតនិងការថ្វាយបង្គំក្លែងក្លាយ ហើយនិងភាពចាំបាច់នៃការរៀនពីរាស្ត្ររបស់ព្រះយេហូវ៉ានិងការសេពគប់ជាមួយនឹងយើង។
ចំរៀង លេខ៦០ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៧ ខែកុម្ភៈ
ចំរៀង លេខ១១៣
៨ នាទី: សេចក្ដីជូនដំណឹងតាមតំបន់។
១៧ នាទី: ការពិនិត្យមើលសាឡើងវិញនូវទំនាយរបស់លោកដានីយ៉ែល! សុន្ទរកថានិងការពិគ្រោះជាមួយពួកអ្នកស្ដាប់។ លើកឡើងនូវចំណុចសំខាន់ៗពីសៀវភៅថ្មីនោះ (ភាសាអង់គ្លេស) ដូចជា ចំណងជើងជំពូកនិមួយៗដែលទាក់ទាញចាប់អារម្មណ៍ រូបភាពដ៏រស់រវើក ប្រអប់នៅចុងការពិគ្រោះនិមួយៗដែលមានសំនួរដែលស្ទង់អង្កេត ផែនទីនិងតារាងដែលបញ្ជាក់ពត៌មានល្អិតល្អន់។ ពិចារណានូវការពន្យល់ដ៏លើកទឹកចិត្តអំពីរបៀបដែលមីកែលនឹងឈរឡើងតាមរបៀបពិសេស។ (ទំព័រ២៨៨-២៩០) ពិគ្រោះនូវសារសំខាន់នៃការកាន់ខ្ជាប់សេចក្ដីស៊ូទ្រាំរបស់យើងជាគ្រូបង្រៀនព្រះបន្ទូលរបស់ព្រះ។ (ទំព័រ៣១១-៣១២) យើងទាំងអស់គ្នាដែលចេះភាសាមួយដែលសៀវភៅនោះបានត្រូវបកប្រែទៅជាហើយ គួរអានយ៉ាងផ្ចិតផ្ចង់ហើយជំរុញអ្នកចាប់អារម្មណ៍ឲ្យអានដូចគ្នា។
២០ នាទី: ពួកគេបានធ្វើការសម្រេចដែលប្រកបដោយប្រាជ្ញា។ សុន្ទរកថាមានមូលដ្ឋានលើទស្សនាវដ្ដីប៉មយាម ថ្ងៃទី១ ខែមករា ឆ្នាំ១៩៩៨ ទំព័រ២៥-២៨ វគ្គ៣-១៦។ រៀបរាប់បទពិសោធន៍នៃអ្នកត្រួសត្រាយដែលមានចិត្តរំភើប ទាំងបង្ហាញមូលហេតុពួកគេមានអារម្មណ៍ថាជីវិតរបស់គេបានត្រូវប្រើតាមវិធីមួយដែលផ្ដល់រង្វាន់និងប្រយោជន៍ច្រើនបំផុត ហើយក៏ឲ្យអំណរនិងការពេញចិត្តជាច្រើនផងដែរ។ លើកទឹកចិត្តទាំងអស់គ្នាដែលបានមក ឲ្យសញ្ជឹងគិតអំពីបទពិសោធន៍ទាំងនេះ ហើយប្រមាណមើលសមត្ថភាពរបស់គេដើម្បីត្រួសត្រាយ។
ចំរៀង លេខ១៨២ និងសេចក្ដីអធិស្ឋានបញ្ចប់។