កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១៤ ខែកុម្ភៈ
ចំរៀង លេខ១១៣
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះពីកិច្ចបំរើព្រះរាជាណាចក្រយើង។
១៥ នាទី: «ចូរផ្សាយព្រះបន្ទូល . . . ជាបន្ទាន់»។ កំណត់ពាក្យលំនាំឲ្យតិចជាងមួយនាទី ហើយបន្តជាការពិគ្រោះតាមរយៈសំនួរនិងចម្លើយ។ រួមបញ្ចូលពាក្យពីសៀវភៅកិច្ចបំរើរបស់យើង ទំព័រ១៧០ (ភាសាអង់គ្លេស)។ ជូនយោបល់ខ្លះៗដែលមានប្រយោជន៍ សំរាប់ការបង្កើនសកម្មភាពផ្សព្វផ្សាយក្នុងកំឡុងរដូវត្រជាក់។
២០ នាទី: «របៀបដែលអាចបណ្ដុះបណ្ដាលសមត្ថភាពបញ្ជាក់ហេតុផល»។ សុន្ទរកថានិងការសម្ដែង។ ចូរពន្យល់មូលហេតុដែលសមត្ថភាពបញ្ជាក់ហេតុផលគឺជាសំខាន់ក្នុងកិច្ចបំរើ ហើយពីវិធីនោះដែលអាចត្រូវទទួលបាន។ ឲ្យអ្នកផ្សាយពីរនាក់ដែលមានសមត្ថភាព ពិភាក្សារបៀបរៀបចំសំរាប់កិច្ចបំរើ ដោយធ្វើតាមជំហានដែលត្រូវរៀបរាប់ក្នុងវគ្គទី៣នៃអត្ថបទនោះ ហើយធ្វើការសម្ដែងពីវិធីនិយាយសម្ដែងរបស់ខ្លួន។
ចំរៀង លេខ១៨២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២១ ខែកុម្ភៈ
ចំរៀង លេខ១៧
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: ‹ពួកស្ត្រីដែលធ្វើការយ៉ាងនឿយហត់ក្នុងព្រះអម្ចាស់›។ កំណត់ពាក្យលំនាំឲ្យតិចជាងមួយនាទី ហើយបន្តជាការពិគ្រោះដោយសំនួរនិងចម្លើយ។ រួមបញ្ចូលពាក្យពន្យល់ពីទស្សនាវដ្ដីប៉មយាម ថ្ងៃទី១ ខែធ្នូ ឆ្នាំ១៩៩៦ ទំព័រ២៧ វគ្គ១៨-១៩។ សរសើរយ៉ាងកក់ក្ដៅនូវបងប្អូនស្រីសំរាប់ការគាំទ្រដោយស្ម័គ្រចិត្តរបស់ពួកគេ កិច្ចបំរើដ៏មានប្រយោជន៍ដែលគេប្រព្រឹត្តទៅដើម្បីអ្នកដទៃ ហើយកិច្ចផ្សព្វផ្សាយដ៏ខ្នះខ្នែង។
២០ នាទី: «តើអ្វីដែលអាចជួយយើងឈរយ៉ាងមាំមួនក្នុងជំនឿ?»។ សុន្ទរកថាដោយអ្នកចាស់ទុំម្នាក់។ យើងរស់នៅគ្រាលំបាកណាស់ ហើយយើងទាំងអស់គ្នាត្រូវការនូវជំនួយ។ សើរើនូវអ្វីដែលពួកអ្នកចាស់ទុំនឹងងារជំនួយអាចធ្វើ ដើម្បីចំរើនកម្លាំងអ្នកដែលមានបញ្ហាដែលធ្វើឲ្យធ្លាក់ទឹកចិត្ត។ (មើលចំណងជើង «ការឃ្វាលដែលស្អាងឡើងនូវចិត្ត» ក្នុងទស្សនាវដ្ដីប៉មយាមពី ថ្ងៃទី១៥ ខែកញ្ញា ឆ្នាំ១៩៩៣ ទំព័រ២១-២៣ (ភាសាអង់គ្លេស)។ ពន្យល់ពីរបៀបយើងអាចលើកទឹកចិត្តគ្នាទៅវិញទៅមក តាមវិធីផ្សេងទៀតដែលនឹងធ្វើឲ្យមានភាពខាងវិញ្ញាណរឹងមាំ។—រ៉ូម ១:១១, ១២
ចំរៀង លេខ៨២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៨ ខែកុម្ភៈ
ចំរៀង លេខ៤៦
១០ នាទី: សេចក្ដីជូនដំណឹងតាមតំបន់។ រំឭកទាំងអស់គ្នាឲ្យដាក់សេចក្ដីរាយការណ៍កិច្ចផ្សាយសំរាប់ខែកុម្ភៈ។ សើរើយ៉ាងខ្លីនូវ«ជំហានបួនដ៏ងាយស្រួល»ដែលត្រូវរាយរាប់ក្នុងឯកសារកិច្ចបំរើព្រះរាជាណាចក្រយើងពីខែមុន សំរាប់ការប្រើខិត្តប័ណ្ណដើម្បីផ្ដើមការសន្ទនា។ បង្ហាញពីរបៀបខិត្តប័ណ្ណពិភពលោកថ្មីដ៏ក្សេមក្សាន្តអាចត្រូវប្រើដើម្បីនាំឲ្យស្គាល់សៀវភៅចំណេះ។ ក្រោយពីបានលើកឡើងសំនួរពីវគ្គដើមនៃខិត្តប័ណ្ណ អានវគ្គទីមួយនៅទំព័របី រួមបញ្ចូលទំនុកដំកើង ៣៧:២៩។ បើសិនជាឃើញនូវចំណាប់អារម្មណ៍ បើកសៀវភៅចំណេះមើលទំព័រទី៥ អានក្នុងប្រអប់ ហើយស្នើការសិក្សា។ ក្នុងកំឡុងខែនេះ ទាំងអស់គ្នាគួរខិតខំចាប់ផ្ដើមការសិក្សាព្រះគម្ពីរថ្មីៗតាមផ្ទះ។
៥ នាទី: ប្រអប់សំនួរ។ សុន្ទរកថាដោយអ្នកចាស់ទុំម្នាក់។
១២ នាទី: អ្នកចាស់ទុំម្នាក់សើរើនូវចំណុចសំខាន់ៗពីសំបុត្រពីថ្ងៃទី១៥ ខែតុលា ឆ្នាំ១៩៩៩ ជូនចំពោះក្រុមជំនុំទាំងឡាយ ពីការកែប្រែការរៀបចំចែកចាយប្រកាសនវត្ថុ។
១៨ នាទី: «ការផ្សព្វផ្សាយដំណឹងល្អដោយជំនឿស៊ប់ដ៏មុតមាំ»។ ចូរផ្ដើមការនិយាយដ៏ស្មោះអស់ពីចិត្តដែលមានរយៈពីរឬក៏បីនាទី ដែលមានមូលដ្ឋានលើសន្លឹកបន្ថែម ដោយប្រើបទគម្ពីរដែលមាននៅក្នុងវគ្គទី១ និងទី២។ រួចមក ពិគ្រោះវគ្គ៣-១២ ដោយប្រើសំនួរនិងចម្លើយ។
ចំរៀង លេខ៦១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៦ ខែមីនា
ចំរៀង លេខ១១៦
៥ នាទី: សេចក្ដីជូនដំណឹងតាមតំបន់។
១០ នាទី: សេចក្ដីត្រូវការតាមតំបន់។
១០ នាទី: «ប្រយ័ត្ននូវរបៀបដែលអ្នកស្ដាប់»។ មេគ្រួសារម្នាក់ពិគ្រោះជាមួយនឹងប្រពន្ធនិងកូនពីអ្វីដែលគេអាចធ្វើ ដើម្បីទទួលប្រយោជន៍ច្រើនជាងពីកិច្ចប្រជុំក្រុមជំនុំ សន្និបាត និងមហាសន្និបាត។ គាត់គួរតែដឹងថាសមាជិកគ្រួសារគ្រប់គ្នាអាចផ្ចង់ចិត្តស្ដាប់បានល្អជាង។ ពួកគាត់សើរើយោបល់ដែលត្រូវរាយរាប់ហើយពិចារណារបៀបនោះអាចត្រូវយកមកអនុវត្តតាម រួមបញ្ចូលសេចក្ដីត្រូវការឲ្យមានការពិភាក្សាច្រើនជាងបន្ទាប់ពីចប់ប្រជុំអំពីអ្វីដែល បានត្រូវរៀន។ ពួកគាត់ពិចារណារបៀបប្រព្រឹត្តតាមការតាំងចិត្តរបស់គេ ដោយមិនឲ្យខានចូលរួមប្រជុំឬក៏ផ្នែកណាមួយនៃមហាសន្និបាតឬសន្និបាត បើសិនជាមានលទ្ធភាព។
២០ នាទី: «ការផ្សព្វផ្សាយដំណឹងល្អដោយជំនឿស៊ប់ដ៏មុតមាំ»។ ក្រោយពីពិនិត្យសារឡើងវិញដ៏សង្ខេបពីការពិគ្រោះនៅសប្ដាហ៍មុននូវ១២វគ្គដំបូង ចូរនាំមុខការពិគ្រោះដោយប្រើសំនួរនិងចម្លើយពីវគ្គ ១៣-២៤។ ចូរឆ្លៀតយកប្រយោជន៍ប្រើបទគម្ពីដែលមានក្នុងនោះ។
ចំរៀង លេខ១៨៦ និងសេចក្ដីអធិស្ឋានបញ្ចប់។