ប្រអប់សំនួរ
◼ ហេតុអ្វីក៏មានប្រយោជន៍ដែលពួកអ្នកស្ដាប់បើកមើលខបទគម្ពីរទាំងប៉ុន្មាន ពេលដែលអ្នកថ្លែងអញ្ជើញពួកគេធ្វើអ៊ីចឹង?
អ្វីដែលនឹងជួយសម្រេចចំនួនបទគម្ពីរដែលពួកអ្នកស្ដាប់នឹងត្រូវអញ្ជើញបើកមើល គឺជាកត្ដាផ្សេងៗដូចជាប្រធានដែលបានយកមកពិគ្រោះ ហើយថាតើសុន្ទរកថានោះរួមបញ្ចូលនូវការពិនិត្យមើលខនិមួយៗខាងចំណែកណាមួយក្នុងព្រះបន្ទូលរបស់ព្រះ។
គឺសំខាន់ដែលគាត់នឹកចាំថា ហេតុសំរាប់ការអានខគម្ពីរគឺដើម្បីបញ្ជាក់ថា អ្វីដែលគាត់ថ្លែងគឺមានក្នុងព្រះគម្ពីរ។ (កិច្ចការ ១៧:១១) គោលដៅមួយទៀតគឺចង់ពិចារណាភស្តុតាងពីបទគម្ពីរ ដើម្បីគាំទ្រអ្វីដែលកំពុងតែត្រូវពិគ្រោះនោះ និងដើម្បីឲ្យទាំងអស់គ្នាទទួលនូវការពង្រឹងនូវជំនឿ។ ពេលអានខគម្ពីរណាដ៏សំខាន់នោះ ការឃើញអ្វីដែលព្រះគម្ពីរចែងមក ក៏នឹងមានអានុភាពទ្វេគុណទៅលើចិត្តគំនិតនៃពួកអ្នកស្ដាប់ផងដែរ។ បន្ថែមនឹងការបើកមើលបទគម្ពីរ ការកត់ចំណាំ និងស្ដាប់ទាន់នូវគំនិតទាំងប៉ុន្មានដែលត្រូវថ្លែងមកគឺមានប្រយោជន៍ដែរ។
ទោះបីគម្រោងសុន្ទរកថារបស់សមាគមប្រហែលដាក់បទគម្ពីរច្រើនក្នុងការបកស្រាយប្រធានណាមួយក៏ដោយ ខគម្ពីរខ្លះដែលបានកត់ទុក គឺប្រយោជន៍ឲ្យអ្នកថ្លែងតែម្ដង ដើម្បីជួយគាត់ក្នុងកាលដែលរៀប។ ខទាំងនោះប្រហែលជាឲ្យពត៌មានខាងព្រឹត្ដិការណ៍ដែលទាក់ទង និងជួយគាត់ទទួលស្គាល់នូវគោលការណ៍ដ៏បឋមនិមួយៗខាងបទគម្ពីរ ព្រមទាំងជួយឲ្យយល់នូវរបៀបបណ្ដុះបណ្ដាលសាច់រឿងនោះ។ អ្នកថ្លែងគឺជាអ្នកសម្រេចចិត្តអំពីខគម្ពីរណាដែលជាចាំបាច់ដើម្បីពន្យល់សាច់រឿងជាបណ្ដើរៗ ហើយគាត់ក៏អញ្ជើញពួកអ្នកស្ដាប់មើលតាម ពេលដែលគាត់អាននិងពន្យល់ខគម្ពីរបែបនោះ។ អ្នកថ្លែងក៏អាចប្រាប់ពីខគម្ពីរឯទៀតដែលគាំទ្រសេចក្ដីនោះដែរ ឬអាចគ្រាន់តែរៀបរាប់សង្ខេបខទាំងនោះវិញ។
ពេលអ្នកថ្លែងអានបទគម្ពីរនានា គាត់អានពីព្រះគម្ពីរផ្ទាល់ មិនមែនពីឯកសារបោះពុម្ពចេញពីកុំព្យូទ័រទេ។ នៅពេលអ្នកថ្លែងអញ្ជើញពួកអ្នកស្ដាប់អានតាម អ្នកថ្លែងនោះគាត់ប្រាប់យ៉ាងច្បាស់នូវឈ្មោះសៀវភៅក្នុងព្រះគម្ពីរ ជំពូកលេខ និងខលេខទាំងប៉ុន្មានដែរ។ ដោយផ្អាកដើម្បីសួរសំនួរមួយ ឬដើម្បីរៀបរាប់ជាសង្ខេបពីហេតុដែលគួរអានខនោះ គាត់នឹងអនុញ្ញាតឲ្យពួកអ្នកស្ដាប់មានពេលរកបទគម្ពីរនោះឃើញ។ ការប្រាប់ពីសៀវភៅជំពូកនិងខមួយសារទៀត នឹងក៏ជួយពួកអ្នកស្ដាប់នឹកចាំនូវបទគម្ពីរបាន។ ក៏ប៉ុន្តែ គួរជៀសវាងពីការប្រាប់លេខទំព័រពីព្រោះលេខនោះគឺខុសៗគ្នាទៅតាមព្រះគម្ពីរដែលមនុស្សម្នាក់ៗជាអ្នកស្ដាប់កំពុងតែប្រើ។ ការបើកមើលបទគម្ពីរនឹងជួយពួកអ្នកស្ដាប់ទទួលប្រយោជន៍ពីអំណាចនៃព្រះបន្ទូលរបស់ព្រះ កាលដែលបានត្រូវពន្យល់ក្នុងកំឡុងការអធិប្បាយ។—ហេព្រើរ ៤:១២