កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១២ ខែមីនា
ចំរៀង លេខ១១២
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។
១៥ នាទី: សេចក្ដីត្រូវការតាមតំបន់។
២០ នាទី: «ខែមេសាជាពេលដែល‹ឲ្យយើងធ្វើការនឿយហត់ ព្រមទាំងខំប្រឹងប្រែងផង›» (វគ្គ១-១៣)។ ប្រធានត្រួតពិនិត្យគួរធ្វើផ្នែកមួយនេះ។ ការពិគ្រោះដោយចិត្តរំភើប អំពីអ្វីដែលយើងប្រាថ្នាចង់សម្រេចក្នុងខែមេសា។ លើកទឹកចិត្តទាំងអស់គ្នាក្នុងក្រុមជំនុំឲ្យរួមចំណែកខ្លួនគេផ្ទាល់ ដើម្បីបំពេញគោលដៅចង់ឲ្យបាន១០០ភាគរយនៃអ្នកផ្សាយចូលរួមកិច្ចបំរើក្នុងខែនោះ។
ចំរៀង លេខ១៤៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៩ ខែមីនា
ចំរៀង លេខ១៦៦
៨ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៧ នាទី: ចូរទទួលប្រយោជន៍ពីសៀវភៅប្រចាំឆ្នាំ ឆ្នាំ២០០១។ សុន្ទរកថានិងការពិគ្រោះជាមួយពួកអ្នកស្ដាប់។ ពិនិត្យមើល«ចំនួនសរុបទាំងអស់សំរាប់ឆ្នាំ២០០០» នៅទំព័រទី៣១ (ជាភាសាអង់គ្លេស)។ យកមកពិគ្រោះនូវ«សំបុត្រមួយពីគណៈអភិបាល» នៅទំព័រ៣-៥។ ឲ្យអ្នកខ្លះពីពួកអ្នកស្ដាប់ រៀបរាប់ពីសេចក្ដីរាយការណ៍ណា ឬបទពិសោធន៍ណាមួយពីសៀវភៅប្រចាំឆ្នាំ ដែលបានលើកទឹកចិត្តគេណាស់ និងបានជួយពង្រឹងជំនឿគេផងដែរ។ លើកទឹកចិត្តក្រុមគ្រួសារនានាអានសៀវភៅប្រចាំឆ្នាំទាំងមូលជាមួយនឹងគ្នា ដូចក្រុមគ្រួសារបេតអែលទូទាំងផែនដីធ្វើក្នុងកំឡុងពេលមួយឆ្នាំ។ បញ្ជាក់អំពីសំនួរនានានៅទំព័រទី២៥៥ ដែលអាចយកមកប្រើដើម្បីមើលសើរើឡើងវិញនូវអ្វីដែលយើងបានរៀន។ សុំយោបល់ខ្លះៗអំពីរបៀបប្រើសៀវភៅប្រចាំឆ្នាំដើម្បីជួយសិស្សព្រះគម្ពីរអបអរកាន់តែប្រសើរឡើងចំពោះអង្គការរបស់ព្រះយេហូវ៉ា នឹងឯកសិទ្ធិរួមចំណែកអង្គការនោះដែរ។
២០ នាទី: «ខែមេសាជាពេលដែល‹ឲ្យយើងធ្វើការនឿយហត់ ព្រមទាំងខំប្រឹងប្រែងផង›» (វគ្គ១៤-៣០)។ អ្នកត្រួតពិនិត្យកិច្ចបំរើគួរធ្វើផ្នែកមួយនេះ។ សុន្ទរកថាមួយនិងមានសំនួរថែមទាំងមានចម្លើយនៅផ្នែកខ្លះៗ។ ទាំងអស់គ្នាគួររៀបចំកាលវិភាគមួយដ៏ស្រួលធ្វើតាម ដើម្បីចូលរួមកិច្ចបំរើយ៉ាងច្រើនបំផុតដែលខ្លួនអាចធ្វើទៅបានក្នុងខែមេសា។ រៀបរាប់ប្រាប់អំពីកម្មវិធីទាំងឡាយដែលបានរៀបចំសំរាប់ខែមេសា ស្តីអំពីការប្រជុំត្រៀមចូលធ្វើកិច្ចបំរើផ្សាយ។ លើកទឹកចិត្តឲ្យអស់អ្នកណាដែលអាចធ្វើជាអ្នកត្រួសត្រាយជំនួយ ចូរធ្វើអ៊ីចឹងចុះ! និងទទួលប័ណ្ណចុះឈ្មោះក្រោយពីប្រជុំចប់។
ចំរៀង លេខ១៨៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៦ ខែមីនា
ចំរៀង លេខ២០៤
១០ នាទី: សេចក្ដីជូនដំណឹងតាមតំបន់។ ពន្យល់ថា មិនទាន់ហួសកំណត់ទេ ដើម្បីដាក់ពាក្យសុំធ្វើជាអ្នកត្រួសត្រាយជំនួយក្នុងខែមេសា។ លើកទឹកចិត្តទាំងអស់គ្នាអានតាមអំនានព្រះគម្ពីរខាងពិធីបុណ្យរំឭក ដែលបានកំណត់សំរាប់ថ្ងៃទី៣-៨ ខែមេសា ដូចបានកត់ទុកក្នុងកូនសៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០១។ ជំរាបប្រាប់អំពីពេលណាដែលយើងនឹងមានកម្មវិធីសិក្សាទស្សនាវដ្ដីប៉មយាម ក្នុងកំឡុងមួយសប្ដាហ៍ទាក់ទងពិធីបុណ្យរំឭក។ កុំភ្លេចសុន្ទរកថាសាធារណៈដ៏ពិសេសនៅថ្ងៃអាទិត្យមុខនេះ គឺថ្ងៃទី១ ខែមេសា ដែលសុន្ទរកថានោះមានប្រធានថា៖ «តើអ្នកណាអាចត្រូវសង្គ្រោះបាន?»។ ដាស់តឿនឲ្យគ្រប់គ្នាចូលរួមកិច្ចបំរើផ្សាយនៅថ្ងៃមួយនោះ ទាំងមានការចាប់ផ្ដើមផ្សាយដ៏ល្អក្នុងខែមេសា។
២០ នាទី: «ចូរឲ្យយើងទាំងអស់គ្នាលើកកិត្ដិយសចំពោះព្រះយេហូវ៉ានិងព្រះរាជបុត្រារបស់ទ្រង់»។ សុន្ទរកថាដែលថ្លែងឡើងដោយអ្នកចាស់ទុំម្នាក់ ទាំងជំរុញទឹកចិត្តដោយប្រើខគម្ពីរ។ លើកទឹកចិត្តគ្រប់គ្នាចូលរួមយ៉ាងច្រើនបំផុតដែលខ្លួនអាចធ្វើទៅបាន ក្នុងកម្មវិធីពិសេសដែលបានត្រូវរៀបចំសំរាប់ខែមេសា និងខំព្យាយាមជាបន្ថែមដើម្បីអញ្ជើញគេមកឯពិធីបុណ្យរំឭក។
១៥ នាទី: ការរៀបចំស្នើផ្ដល់ទស្សនាវដ្ដី។ យើងនឹងស្នើផ្ដល់ទស្សនាវដ្ដីប៉មយាមក្នុងខែមេសា។ មើលសារឡើងវិញនូវកិច្ចបំរើព្រះរាជាណាចក្រយើងជាភាសាអង់គ្លេស ពីខែតុលា ឆ្នាំ១៩៩៦ ទំព័រ៨ វគ្គ៣និងវគ្គ១០។ លើកបញ្ជាក់នូវ (១) អត្ថបទមួយ (២) ប្រធានមួយដ៏គួរនឹងយកមកពិគ្រោះ (៣) សំនួរមួយដើម្បីបង្កើតឲ្យមានចំណាប់អារម្មណ៍ និង(៤) ខដ៏សមត្រឹមត្រូវមួយពីព្រះគម្ពីរ ដែលអាចមានប្រសិទ្ធិភាពក្នុងការបង្ហាញទស្សនាវដ្ដីថ្មីៗនេះ។ ខំប្រើសៀវភៅស្តើងតម្រូវ ឬសៀវភៅចំណេះ ដើម្បីផ្ដើមការសិក្សាព្រះគម្ពីរជាមួយពួកអ្នកដែលចាប់អារម្មណ៍។ បញ្ចប់ផ្នែកនេះដោយមានការសំដែងមួយដែលបានរៀបចំជាមុនឲ្យបានល្អ អំពីរបៀបធ្វើដូច្នេះនៅពេលដែលជួបគេជាដំបូងនោះ។
ចំរៀង លេខ២០៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២ ខែមេសា
ចំរៀង លេខ២២០
៩ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែមីនា។ ពិនិត្យមើល«កំណត់ចំណាំអំពីពិធីបុណ្យរំឭក»។
១៨ នាទី: «សេចក្ដីស្រឡាញ់ជំរុញចិត្តយើងឲ្យផ្សព្វផ្សាយ»។aបញ្ជាក់នូវបទគម្ពីរនានាក្នុងអត្ថបទនេះ។ រួមបញ្ចូលគំនិតផ្សេងៗដែលមានក្នុងសៀវភៅការយល់ធ្លុះជ្រៅ ក្បាលទី២ ទំព័រ៦៧៣ វគ្គ១ (ជាភាសាអង់គ្លេស)។ អញ្ជើញអ្នកផ្សាយម្នាក់ដែលធ្លាប់មានសកម្មភាពច្រើនឆ្នាំទៅហើយ ឲ្យរៀបរាប់ប្រាប់អំពីរបៀបដែលសេចក្ដីស្រឡាញ់ចំពោះព្រះ បានជំរុញចិត្តគាត់ឲ្យតស៊ូក្នុងកិច្ចការផ្សព្វផ្សាយនោះ។ ដាស់តឿនអ្នកផ្សាយទាំងឡាយឲ្យចូលរួមកិច្ចការធ្វើបន្ទាល់ក្នុងកំឡុងខែមេសា និងជារៀងរាល់ខែក្រោយពីនោះទៅទៀត។
១៨ នាទី: «ជួយអ្នកឯទៀតមកឯកិច្ចប្រជុំ»។bពីសន្លឹកបន្ថែមក្នុងឯកសារកិច្ចបំរើព្រះរាជាណាចក្រយើងជាភាសាអង់គ្លេស ពីខែមិថុនា ឆ្នាំ១៩៩៦ វគ្គ១៤-១៦ ក៏ជូនយោបល់បន្ថែមអំពីការនាំឲ្យសិស្សព្រះគម្ពីរទទួលស្គាល់អង្គការយើង។ បង្ហាញពីរបៀបដែលយើងអាចប្រើភ្លាមៗ នូវសៀវភៅស្តើងតម្រូវ (មេរៀនទី៥ វគ្គ៧) ព្រមទាំងសៀវភៅចំណេះ (ជំពូកទី៥ វគ្គ២២) ដើម្បីលើកទឹកចិត្តឲ្យចូលប្រជុំ។ ដើម្បីបង្ហាញនូវរបៀបធ្វើអ៊ីចឹង ធ្វើការសម្ដែងមួយដែលបានរៀបចំជាមុនឲ្យបានល្អ អំពីអ្នកផ្សាយម្នាក់ដែលមានសមត្ថភាព ដែលកំពុងតែលើកទឹកចិត្តយ៉ាងកក់ក្ដៅនូវសិស្សម្នាក់ឲ្យឆ្លៀតមកប្រជុំ។
ចំរៀង លេខ៤៧ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។