សេចក្ដីជូនដំណឹង
▪ ឧបករណ៍ផ្សាយសំរាប់ខែកញ្ញា: សៀវភៅ ព្រះគម្ពីរ—បន្ទូលនៃព្រះឬក៏ពាក្យសំដីនៃមនុស្ស? តុលា: ទស្សនាវដ្ដីប៉មយាម។ ពេលដែលធ្វើការត្រឡប់ទៅជួបនិងឃើញថា គេមានចំណាប់អារម្មណ៍ អ្នកអាចស្នើឲ្យគេជាវទស្សនាវដ្ដីបាន។ វិច្ឆិកា: សៀវភៅស្តើង តីព្រះតម្រូវអ្វីពីយើង? ឬក៏ សៀវភៅ ចំណេះដែលនាំទៅដល់ជីវិតអស់កល្បជានិច្ច។ បើសិនជាគេមានសៀវភៅទាំងនេះហើយ នោះយើងអាចស្នើផ្ដល់ប្រកាសនវត្ថុផ្សេងទៀតពីមុនៗ។ ធ្នូ: សៀវភៅរឿងព្រះគម្ពីររបស់ខ្ញុំ ឬក៏សៀវភៅព្រះគម្ពីរ—បន្ទូលនៃព្រះឬក៏ពាក្យសំដីនៃមនុស្ស? ឬសៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។
▪ សូមរំឭកពួកអ្នកចាស់ទុំឲ្យធ្វើតាមការណែនាំដែលបានផ្ដល់មកនៅក្នុងទស្សនាវដ្ដីប៉មយាម ពីថ្ងៃទី១៥ ខែមេសា ឆ្នាំ១៩៩១ ទំព័រ២១-២៣ (ជាភាសាអង់គ្លេស) ដែលស្តីអំពីបុគ្គលណាបានត្រូវបណ្ដាច់មិត្តភាព ឬក៏បានដកខ្លួនចេញនោះ ប្រហែលជាមានទំនងចង់ទទួលមិត្តភាពវិញនោះ។
▪ អស់អ្នកណាដែលរួមចំណែកក្នុងក្រុមជំនុំមួយ គួរផ្ញើប័ណ្ណទាំងអស់សំរាប់ជាវថ្មីឬជាបន្តនូវទស្សនាវដ្ដីប៉មយាម និងភ្ញាក់រឭក! តាមរយៈក្រុមជំនុំ ដោយរួមបញ្ចូលប័ណ្ណជាវសំរាប់ខ្លួនគេផ្ទាល់ផងដែរ។
▪ សមាគមយើងមិនបំពេញនូវការស្នើសុំប្រកាសនវត្ថុឯកជនរបស់អ្នកផ្សព្វផ្សាយទេ។ ជារៀងរាល់ខែ មុននឹងផ្ញើការស្នើសុំប្រកាសនវត្ថុក្រុមជំនុំប្រចាំខែទៅសមាគម ប្រធានអ្នកត្រួតពិនិត្យគួររៀបចំឲ្យមានសេចក្ដីជូនដំណឹង ដើម្បីឲ្យបងប្អូនណាដែលចង់ទទួលប្រកាសនវត្ថុសំរាប់ខ្លួនគេផ្ទាល់ អាចប្រាប់បងប្រុសដែលទទួលខុសត្រូវប្រកាសនវត្ថុនោះ។ សូមនឹកចាំពីប្រកាសនវត្ថុណាដែលជាការស្នើសុំពិសេស។
▪ ប្រកាសនវត្ថុថ្មីដែលយើងអាចទទួល:
លិបិក្រមប្រកាសនវត្ថុប៉មយាម សំរាប់ឆ្នាំ១៩៨៦-២០០០—ភាសាអង់គ្លេស
▪ កាសែតវីដេអូថ្មីដែលយើងអាចទទួល:
បុរសម្នាក់ដ៏ឧត្តមបំផុតដែលធ្លាប់មានព្រះជន្មរស់នៅ—តាមកាសែតវីដេអូ ក្បាលទី១—ភាសាមនុស្សគនៅប្រទេសអាមេរិក