កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១០ ខែកញ្ញា
ចំរៀង លេខ៨៦
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។
១៣ នាទី: សេចក្ដីត្រូវការតាមតំបន់។
២២ នាទី: «តើអ្នកបំពេញកិច្ចបំរើរបស់អ្នកយ៉ាងផ្ចិតផ្ចង់ឬទេ?»។a ក្រោយបានពិគ្រោះវគ្គ១-៣ ដោយសួរសំនួរ សូមធ្វើការបង្ហាញយ៉ាងខ្លីមួយ អំពីរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែកញ្ញា។ ក្រោយបានពិគ្រោះវគ្គទី៤ សូមធ្វើការបង្ហាញតាមយោបល់នោះ ដោយប្រើសៀវភៅចំណេះ។
ចំរៀង លេខ១២៤ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៧ ខែកញ្ញា
ចំរៀង លេខ៩២
១៥ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ សូមធ្វើការបង្ហាញមួយអំពីរបៀបស្នើផ្ដល់ឧបករណ៍ផ្សាយសំរាប់ខែនេះ គឺសៀវភៅព្រះគម្ពីរ—បន្ទូលនៃព្រះឬក៏ពាក្យសំដីនៃមនុស្ស?
១៥ នាទី: ក្នុងកំឡុងពេលមួយឆ្នាំទៅនេះ តើយើងបានសម្រេចការយ៉ាងណាដែរ? សុន្ទរកថាដោយអ្នកត្រួតពិនិត្យកិច្ចបំរើ។ ជំរាបប្រាប់នូវចំណុចគួរឲ្យកត់សម្គាល់ពីសេចក្ដីរាយការណ៍នៃក្រុមជំនុំ សំរាប់ឆ្នាំកិច្ចបំរើ២០០១។ សូមសរសើរទាំងអស់គ្នា ដោយព្រោះអ្វីៗដ៏ល្អដែលត្រូវបានសម្រេចនោះ។ លើកបញ្ជាក់ថា ក្រុមជំនុំបានល្អយ៉ាងណាក្នុងការចូលរួមកិច្ចប្រជុំ ភាពទៀងទាត់ក្នុងកិច្ចបំរើផ្សាយ និងក្នុងកិច្ចការបង្រៀនព្រះគម្ពីរ ទាំងជូនយោបល់ដែលស្រួលធ្វើតាមដើម្បីរីកចំរើនឡើងទៀត។ សូមទុកគោលដៅដែលខ្លួនអាចសម្រេចក្នុងកំឡុងពេលមួយឆ្នាំទៅមុខនេះ។
១៥ នាទី: ប្រអប់សំនួរ។ ជាសុន្ទរកថា។ មើលសារឡើងវិញនូវតារាងសំរាប់ការប្រជុំកិច្ចផ្សាយបំរើប្រចាំសប្ដាហ៍របស់ក្រុមជំនុំ។ ជួយពន្យល់អំពីរបៀបគ្រប់គ្នាដែលចូលរួមកិច្ចប្រជុំទាំងនោះ អាចរួមចំណែកដើម្បីឲ្យមានការពិគ្រោះបែបណាដែលបង្កើតផល។ លើកទឹកចិត្តឲ្យក្រុមជំនុំជួយគាំទ្រកម្មវិធីទាំងនេះសំរាប់កិច្ចបំរើផ្សាយ។
ចំរៀង លេខ១២៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៤ ខែកញ្ញា
ចំរៀង លេខ៩៧
១៥ នាទី: សេចក្ដីជូនដំណឹងតាមតំបន់។ ដោយប្រើយោបល់ពីអត្ថបទ«អ្វីដែលយើងអាចនិយាយអំពីទស្សនាវដ្ដីយើង» សូមធ្វើការបង្ហាញពីរដែលបានរៀបចំយ៉ាងល្អ អំពីរបៀបស្នើផ្ដល់ទស្សនាវដ្ដី គឺមួយដោយប្រើទស្សនាវដ្ដីប៉មយាម ពីថ្ងៃទី១ ខែតុលា និងមួយទៀតពីថ្ងៃទី១ ខែកញ្ញា។
៣០ នាទី: ចូរស្រឡាញ់ព្រះ មិនមែនរបស់របរខាងលោកីយ៍ឡើយ។ (យ៉ូហានទី១ ២:១៥-១៧) សុន្ទរកថានិងការពិគ្រោះជាមួយពួកអ្នកស្ដាប់ ដើម្បីសើរើឡើងវិញនូវកម្មវិធីសន្និបាតតាមមណ្ឌលនាឆ្នាំកិច្ចបំរើកន្លងទៅនេះ។ សូមអញ្ជើញអ្នកផ្សាយខ្លះៗរៀបរាប់អំពីចំណុចសំខាន់ៗដែលគេបានរៀន និងរបៀបដែលគេបានអនុវត្តតាមចំណុចនោះផ្ទាល់ខ្លួន ឬជាក្រុមគ្រួសារក៏បាន។ (គឺអាចរៀបចំអត្ថាធិប្បាយនិមួយៗនេះជាមុនក៏បាន) សូមលើកបញ្ជាក់អំពីផ្នែកកម្មវិធីទាំងប៉ុន្មានដូចតទៅនេះ: (១) «សេចក្ដីស្រឡាញ់ចំពោះព្រះ ជំរុញទឹកចិត្តយើងក្នុងកិច្ចបំរើផ្សាយ»។ សេចក្ដីស្រឡាញ់បែបនេះអាចជួយយើងទប់ទល់នឹងអារម្មណ៍មិនល្អ ដែលអាចរារាំងកិច្ចផ្សព្វផ្សាយរបស់យើង ដូចជាភាពខ្មូរមុខ និងការមានអារម្មណ៍ថាខ្លួនគ្មានសមត្ថភាព ហើយការខ្លាចមនុស្ស។ (២) «ពួកអ្នកដែលស្រឡាញ់ព្រះយេហូវ៉ា ស្អប់អ្វីដែលអាក្រក់»។ (wE៩៩ ១/១០ ២៨-៣១) ទំនាក់ទំនងជាមួយនឹងព្រះយេហូវ៉ាស្រេចទៅលើការស្អប់អ្វីដែលទ្រង់ស្អប់ដែរ មិនគ្រាន់តែអ្វីដែលច្បាស់ជាអាក្រក់ប៉ុណ្ណោះ តែក៏ត្រូវស្អប់នូវអំពើអាក្រក់ខ្លះដែលមើលទៅដូចជាល្អ។ ការធ្វើដូច្នេះតម្រូវឲ្យខំប្រឹងប្រែងណាស់។ (៣) «ចូរខំតាមផ្លូវមួយដ៏ប្រសើរលើសលប់ គឺជាសេចក្ដីស្រឡាញ់»។ (wE៩២ ១៥/៧ ២៧-៣០) កូរិនថូសទី១ ១៣:៤-៨ បង្ហាញនូវហេតុដែលយើងទ្រាំទ្រដោយអត់ធ្មត់ នូវភាពមិនគ្រប់ល័ក្ខណ៍របស់អ្នកដទៃ ទាំងជៀសវាងការគិតតែពីប្រយោជន៍ខ្លួនឯង ឬការប្រកួតប្រជែងយកឈ្នះគ្នា និងមិននិយាយដើមអាក្រក់ពីគេ។ សេចក្ដីស្រឡាញ់ជំរុញយើងឲ្យរក្សាភាពស្មោះត្រង់ចំពោះអង្គការរបស់ព្រះយេហូវ៉ា។ (៤) «តើយើងមានទស្សនៈយ៉ាងណាអំពីរបស់របរក្នុងលោកីយ៍នេះ?»។ យើងមិនត្រូវស្រឡាញ់របស់ក្នុងលោកីយ៍ឡើយ ក៏មិនត្រូវបណ្ដោយតាមសេចក្ដីប៉ងប្រាថ្នាខាងសាច់ឈាម ឬដើរវង្វេងដោយព្រោះសេចក្ដីប្រាថ្នារបស់ភ្នែក ឬក៏អួតអាងអំពីវត្ថុទ្រព្យទេ។ (៥) «ការមិនធ្វើជារបស់ផងលោកីយ៍ នោះជាអ្វីដែលការពារយើង»។ កូរិនថូសទី២ ៦:១៤-១៧ បង្ហាញនូវរបៀបដែលជំនឿ ទំនៀមទំលាប់ និងការប្រព្រឹត្តខ្លះៗអាចធ្វើឲ្យព្រះមិនសព្វព្រះហឫទ័យនឹងយើង។ យើងត្រូវតែយល់ឃើញនិងជៀសវាងពីអន្ទាក់នានាដែលអារក្សបង្កើតមក។ (៦) «សេចក្ដីសន្យាពីព្រះសំរាប់អស់អ្នកដែលស្រឡាញ់ទ្រង់»។ (w E៨៦ ១៥/៦ ៥-៦) ពរពីព្រះយេហូវ៉ាធ្វើឲ្យយើងរីករាយថែមទៀតក្នុងជីវិត ព្រមទាំងចំរើនភាពខាងវិញ្ញាណរបស់យើងដែរ។—ធីម៉ូថេទី១ ៦:១៧-១៩
ចំរៀង លេខ១៣៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១ ខែតុលា
ចំរៀង លេខ១០៦
១០ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែកញ្ញា។
១៥ នាទី: តើខ្ញុំអាចធ្វើការបានប្រសើរជាងនៅសាលា តាមរបៀបណា? អ្នកចាស់ទុំម្នាក់និងភរិយាគាត់ ឬក៏អ្នកងារជំនួយម្នាក់និងភរិយារបស់គាត់ និយាយជាមួយកូនម្នាក់របស់គាត់ដែលរៀននៅសាលា។ មាតាបិតាខ្វល់ខ្វាយដោយសង្កេតឃើញថា កូនរៀនខ្សោយនៅសាលាព្រោះមិនបានពិន្ទុជាប់មធ្យមភាគទេ។ គាត់មើលសើរើឡើងវិញនូវយោបល់ក្នុងសៀវភៅយុវជនសួរ (ជាភាសាអង់គ្លេស) ជំពូកទី១៨ និងពិគ្រោះអំពីអ្វីដែលកូនត្រូវធ្វើដើម្បីចំរើនឡើងវិញ។ មាតាបិតាបញ្ជាក់ពីសារៈសំខាន់នៃការទទួលនូវការអប់រំដ៏ល្អក្នុងបឋមសិក្សានោះ ដើម្បីទទួលប្រយោជន៍ពីសមត្ថភាពរបស់ខ្លួន ក្នុងការបំពេញកិច្ចបំរើផ្សាយដ៏ពិសិដ្ឋ។
២០ នាទី: «តើការរកស៊ីជាឧបសគ្គបង្អាក់កិច្ចការផ្សព្វផ្សាយឬទេ?»។b សូមបញ្ជាក់ថា ការរក្សាឲ្យមានតុល្យភាពខាងការរកស៊ីនោះជាការសំខាន់ ព្រមទាំងត្រូវរៀបចំឲ្យមានអាទិភាពដែលចាត់ទុកប្រយោជន៍ខាងព្រះរាជាណាចក្រជាមុន។ អញ្ជើញមេគ្រួសារប៉ុន្មាននាក់ក្នុងក្រុមជំនុំ ឲ្យរៀបរាប់អំពីរបៀបដែលគេកំពុងតែដោះស្រាយនឹងការពិបាកដែលមកពីការរកលុយផ្គត់ផ្គង់ក្រុមគ្រួសាររបស់គេ ដោយមិនលះចោលសេចក្ដីដែលគេត្រូវការខាងវិញ្ញាណទេ។
ចំរៀង លេខ១៣៧ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។