កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី៨ ខែតុលា
ចំរៀងលេខ១០៩
១៥ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ លើកទឹកចិត្តគ្រប់គ្នាឲ្យមើលកាសែតវីដេអូដែលមានចំណងជើងថា មានសាមគ្គីភាពដោយសារការបង្រៀនពីព្រះ ដើម្បីរៀបចំសំរាប់ការពិគ្រោះក្នុងការប្រជុំអប់រំកិច្ចបំរើនៅសប្ដាហ៍ចាប់ផ្ដើមថ្ងៃទី២២ ខែតុលា។ ដោយប្រើយោបល់នៅទំព័រទី៤ សូមធ្វើការសម្ដែងមួយយ៉ាងខ្លី ពីការស្នើផ្ដល់ទស្សនាវដ្ដីប៉មយាម ថ្ងៃទី១ ខែតុលា។
៣០ នាទី: «ចូរប្រមូលភាពក្លាហានដើម្បីត្រឡប់ទៅជួបគេ»។ សំនួរនិងចម្លើយ។ ពិនិត្យមើលនូវរបៀបដែលអាចអនុវត្តតាមយោបល់នានាក្នុងអត្ថបទនោះ ពេលផ្សព្វផ្សាយតាមតំបន់ផ្សាយរបស់ក្រុមជំនុំ។ ធ្វើការសម្ដែងមួយដោយប្រើសៀវភៅស្តើងតម្រូវ អំពីរបៀបត្រឡប់ទៅជួបម្ចាស់ផ្ទះម្នាក់ដែលបានទទួលទស្សនាវដ្ដីពេលថ្មីៗនេះ។ លើកទឹកចិត្តអ្នកស្ដាប់យ៉ាងកក់ក្ដៅ ឲ្យរៀបកាលវិភាគដ៏ល្អមួយ និងកំណត់ពេលជារៀងរាល់សប្ដាហ៍ដើម្បីធ្វើការត្រឡប់ទៅជួបគេ។
ចំរៀងលេខ១៥១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៥ ខែតុលា
ចំរៀងលេខ១១៣
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: តើអ្នកមាន«ចិត្តចេះស្ដាប់បង្គាប់»ឬទេ? (ពង្សាវតារក្សត្រទី១ ៣:៩, ព.ថ.) សុន្ទរកថាដោយអ្នកចាស់ទុំម្នាក់ មានទស្សនាវដ្ដីប៉មយាមជាភាសាអង់គ្លេសធ្វើជាមូលដ្ឋាន ពីថ្ងៃទី១៥ ខែកក្កដា ឆ្នាំ១៩៩៨ ទំព័រ២៩-៣១។ ពិគ្រោះអំពីរបៀបដែលយើងអាចបង្ហាញចិត្តចេះស្ដាប់បង្គាប់ ពេលធ្វើការជាមួយក្រុមជំនុំ។
២០ នាទី: ចូរប្រើទស្សនាវដ្ដីរបស់យើងឲ្យបានប្រសើរ។ អ្នកត្រួតពិនិត្យកិច្ចបំរើនិងអ្នកបំរើផ្នែកទស្សនាវដ្ដី ពិគ្រោះអំពីកង្វល់របស់គេស្តីអំពីការចែកទស្សនាវដ្ដីតាមតំបន់។ ប្រាប់អំពីចំនួនទស្សនាវដ្ដីដែលក្រុមជំនុំទទួលជារៀងរាល់ខែ ហើយយកចំនួននោះមកប្រៀបធៀបនឹងចំនួនទស្សនាវដ្ដីដែលបានចែកចាយអស់ប៉ុន្មានក្បាលដែលមានក្នុងរបាយការណ៍។ តាមមើលទៅ មានច្រើនក្បាលបានត្រូវគរទុកឬបោះចោល។ តើអ្នកផ្សាយអាចប្រើទស្សនាវដ្ដីរបស់យើងបានប្រសើរជាងដោយរបៀបណា? បងប្អូនពីរនាក់នេះពិគ្រោះអំពីចំណុចទាំងប្រាំពីរ តាមផ្នែកការប្រជុំអប់រំកិច្ចបំរើដែលមានចំណងជើងថា «ចូរឲ្យឆាប់រហ័សប្រើទស្សនាវដ្ដី!» សំរាប់សប្ដាហ៍ចាប់ផ្ដើមថ្ងៃទី៤ ខែតុលា ឆ្នាំ១៩៩៩។ មើលមួយសារទៀតនូវបទពិសោធន៍ក្នុងទស្សនាវដ្ដីប៉មយាមជាភាសាអង់គ្លេស ពីថ្ងៃទី១៥ ខែកុម្ភៈ ឆ្នាំ១៩៩៨ ទំព័រ២៨-២៩ និងពិនិត្យមើលរបៀបណាខ្លះដែលអាចអនុវត្តតាមយោបល់នោះនាតំបន់នេះ។ លើកទឹកចិត្តឲ្យគ្រប់គ្នាសាកនិយាយតាមសំដីជាយោបល់ដែលត្រូវបញ្ជាក់ជារៀងរាល់ខែក្នុងកិច្ចបំរើព្រះរាជាណាចក្រយើង។
ចំរៀងលេខ១៥៦ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២២ ខែតុលា
ចំរៀងលេខ១២០
១០ នាទី: សេចក្ដីជូនដំណឹងតាមតំបន់។ ដោយប្រើយោបល់នៅទំព័រទី៤ សូមធ្វើការសម្ដែងដ៏ខ្លីមួយ ពីការបង្ហាញនូវទស្សនាវដ្ដីប៉មយាម ថ្ងៃទី១ ខែវិច្ឆិកា។
១០ នាទី: តើអ្នកនឹងតបឆ្លើយយ៉ាងណា? សូមលើកបញ្ជាក់យ៉ាងសង្ខេប អំពីទំព័រទី២០៤-២០៥ក្នុងសៀវភៅការវែកញែក (ជាភាសាអង់គ្លេស) ដែលមានចម្លើយយ៉ាងច្បាស់ចំពោះសំនួរដែលសួរថា៖ «តើដោយដូចម្ដេចបានជាស្មរបន្ទាល់ព្រះយេហូវ៉ាពន្យល់អំពីព្រះគម្ពីរដូច្នេះ?»។ សូមធ្វើការសម្ដែងមួយដែលបានរៀបចំយ៉ាងល្អ អំពីរបៀបតបឆ្លើយនឹងសំនួរនេះពេលត្រឡប់ទៅជួបគេវិញ ព្រមទាំងសេចក្ដីអញ្ជើញដ៏កក់ក្ដៅឲ្យគេមកចូលរួមកិច្ចប្រជុំតាមក្រុមជំនុំ។
២៥ នាទី: «មានសាមគ្គីភាពដោយសារការបង្រៀនពីព្រះ បង្ហាញឲ្យឃើញសាមគ្គីភាពពិតរវាងបងប្អូន»។ ការពិគ្រោះជាមួយអ្នកស្ដាប់។ ប្រើវគ្គដំបូងជាពាក្យលំនាំ និងវគ្គចុងក្រោយជាសេចក្ដីបញ្ចប់ផ្នែកនេះ។ ដើម្បីជំរុញឲ្យមានការពិគ្រោះដ៏រស់រវើកអំពីកាសែតវីដេអូនេះ សូមសួរសំនួរនិមួយៗដែលបានត្រូវបោះពុម្ពហើយនេះ។ បើមានអ្នកណាម្នាក់ក្នុងក្រុមជំនុំធ្លាប់ទៅមហាសន្និបាតនៅឯប្រទេសផ្សេងៗ សូមឲ្យគេរៀបរាប់អំពីអារម្មណ៍របស់ខ្លួន អំពីការឃើញដោយភ្នែកផ្ទាល់ នូវសាមគ្គីភាពអន្តរជាតិនៃអង្គការរបស់យើង។ បើមិនអ៊ីចឹង សូមអ្នកខ្លះរៀបរាប់បទពិសោធន៍ដ៏ស្មោះសផ្សេងៗ ពីសៀវភៅប្រចាំឆ្នាំ ឆ្នាំ១៩៩៤ ទំព័រ៧-៩ និងឆ្នាំ១៩៩៥ ទំព័រ៨-១១ (ជាភាសាអង់គ្លេស)។ ក្នុងខែធ្នូយើងនឹងមើលសាឡើងវិញកាសែតវីដេអូដែលមានចំណងជើងថា រហូតដល់ចុងផែនដី។
ចំរៀងលេខ៤៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៩ ខែតុលា
ចំរៀងលេខ១៦៤
១២ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែតុលា។ ឧបករណ៍ផ្សាយសំរាប់ខែវិច្ឆិកា ជាសៀវភៅតម្រូវ ឬក៏សៀវភៅចំណេះ។ សូមធ្វើការសម្ដែងដ៏ខ្លីមួយដែលថា: «គ្រានេះជាគ្រាដែលប្រកបទៅដោយបញ្ហាសេដ្ឋកិច្ច មនុស្សជាច្រើនមានការពិបាករកស៊ីណាស់។ តើអ្នកគិតថា រដ្ឋាភិបាលរបស់មនុស្សនឹងដោះស្រាយបញ្ហានេះដោយមិនចេះរើសមុខទេឬ? [អនុញ្ញាតឲ្យឆ្លើយ] ខ្ញុំបានត្រូវលើកទឹកចិត្តដោយសេចក្ដីសន្យាមួយនេះពីព្រះគម្ពីរ»។ អានទំនុកដំកើង ៧២:១២-១៤។ រួចមក សូមស្នើផ្ដល់សៀវភៅតម្រូវ ឬក៏សៀវភៅចំណេះ ដោយរួមបញ្ចូលចំណុចសមល្អពីប្រកាសនវត្ថុណាមួយនោះ។
១៥ នាទី: សេចក្ដីត្រូវការតាមតំបន់។
១៨ នាទី: «តើអ្នកទទួលទានអាហារខាងវិញ្ញាណបានគ្រប់គ្រាន់ឬទេ?»។a អញ្ជើញអ្នកស្ដាប់ឆ្លើយបន្ថែម ពីទស្សនាវដ្ដីប៉មយាមជាភាសាអង់គ្លេស ពីថ្ងៃទី១៥ ខែមេសា ឆ្នាំ១៩៩៧ ទំព័រទី២៨-៣១ ដើម្បីពន្យល់នូវមូលហេតុដែលយើងត្រូវខំព្យាយាមរក្សាឲ្យមានទំលាប់ដ៏ល្អខាងការទទួលទានអាហារខាងវិញ្ញាណ និងរបៀបដែលយើងអាចធ្វើដូច្នេះដែរ។
ចំរៀងលេខ១៨១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៥ ខែវិច្ឆិកា
ចំរៀងលេខ១៦៧
១០ នាទី: សេចក្ដីជូនដំណឹងតាមតំបន់។
១៨ នាទី: ការរៀបចំជាក្រុមគ្រួសារសំរាប់កិច្ចប្រជុំ។ បិតាម្នាក់សន្ទនាជាមួយក្រុមគ្រួសាររបស់គាត់ អំពីរបៀបដែលគ្រប់គ្នាអាចរៀបចំដើម្បីរួមចំណែកក្នុងកិច្ចប្រជុំឲ្យបានគ្រប់គ្រាន់។ ដោយប្រើចំណុចណែនាំពីទស្សនាវដ្ដីប៉មយាម ថ្ងៃទី១ ខែតុលា ឆ្នាំ២០០០ ទំព័រ១៩ វគ្គ៩ គេរៀបចំចម្លើយដែលគេចង់ឆ្លើយក្នុងកំឡុងការសិក្សាទស្សនាវដ្ដីប៉មយាមនាសប្ដាហ៍នេះ។ (១) សមាជិកម្នាក់ៗជ្រើសរើសសំនួរមួយឬពីរដែលគេចង់ឆ្លើយ។ (២) ក្រោយបានមើលវគ្គនិមួយៗនោះ គេរៀបចំឆ្លើយតាមពាក្យសំដីរបស់ខ្លួនគេផ្ទាល់។ (៣) គេជ្រើសរើសបទគម្ពីរសំខាន់ៗដែលបានកត់ទុកនោះ ពិគ្រោះអំពីរបៀបខនិមួយៗជាប់ទាក់ទងនឹងប្រធាន ថែមទាំងសម្រេចចិត្តចង់និយាយយ៉ាងណាដើម្បីបង្ហាញថា បទគម្ពីរនានានោះទាក់ទងនឹងមេរៀននោះយ៉ាងណា។ គ្រប់គ្នាមានចិត្តចង់រួមចំណែកក្នុងកិច្ចប្រជុំ។
១៧ នាទី: «តើយើងមានគោលដៅអ្វី?»។b សូមបញ្ជាក់សារៈសំខាន់ឲ្យយើងជួយសិស្សទទួលស្គាល់ប្រយោជន៍ដែលមកពីការចូលរួមកិច្ចប្រជុំ។ រួមបញ្ចូលការសំដែងមួយដែលបានរៀបចំយ៉ាងល្អ អំពីរបៀបធ្វើដូច្នេះ ដោយប្រើជំពូកទី១៧ វគ្គ៦-៨ ក្នុងសៀវភៅចំណេះ។
ចំរៀងលេខ១៨៦ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។