កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី៨ ខែមេសា
ចំរៀងលេខ៣៩
១៣ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ លើកទឹកចិត្តបងប្អូនទាំងអស់គ្នាឲ្យទស្សនាវីដេអូ ពួកយុវជនសួរថា៖ តើខ្ញុំអាចរកមិត្តភក្ដិពិតប្រាកដបានយ៉ាងដូចម្ដេច? ដើម្បីរៀបចំសំរាប់ការពិគ្រោះនៅប្រជុំអប់រំកិច្ចបំរើចាប់ផ្ដើមសប្ដាហ៍ថ្ងៃទី២២ ខែមេសា។ ធ្វើការសម្ដែងមួយដោយប្រើយោបល់ទីមួយនៅទំព័រទី៨ អំពីរបៀបផ្ដល់ទស្សនាវដ្ដីប៉មយាម ថ្ងៃទី១ ខែឧសភា។ សូមបង្ហាញរបៀបតបឆ្លើយនឹងសំដីដែលថា៖ «ខ្ញុំមានសាសនាផ្ទាល់ខ្លួនហើយ» ដែលអាចរារាំងការសន្ទនានោះ។—សូមមើលកូនសៀវភៅរបៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ទំព័រ១០, ១១
១២ នាទី: សេចក្ដីត្រូវការតាមតំបន់។
២០ នាទី: «ចូរ‹ធ្វើល្អដល់មនុស្សទាំងអស់›ចុះ!»។a ក្រោយពិគ្រោះគ្នាដោយសំនួរនិងចម្លើយ សូមសម្ភាសន៍អ្នកផ្សាយមួយឬពីរនាក់ដែលនឹងរៀបរាប់អំពីរបៀបពួកគេកំពុងតែពង្រីកកិច្ចផ្សព្វផ្សាយរបស់គេ។
ចំរៀងលេខ១៥៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៥ ខែមេសា
ចំរៀងលេខ១០១
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: ពួកអ្នកត្រួសត្រាយនៅបន្តផ្ដល់ជំនួយដល់អ្នកឯទៀត។ ការពិភាក្សាគ្នាជាក្រុមដែលមានអ្នកត្រួតពិនិត្យកិច្ចបំរើ អ្នកដឹកនាំការសិក្សាតាមក្រុមម្នាក់ អ្នកត្រួសត្រាយម្នាក់ និងអ្នកផ្សាយម្នាក់។ អ្នកត្រួតពិនិត្យកិច្ចបំរើលើកបញ្ជាក់ពីកម្មវិធីអ្នកត្រួសត្រាយផ្ដល់ជំនួយដល់អ្នកឯទៀត ដូចត្រូវរៀបរាប់ក្នុងកិច្ចបំរើព្រះរាជាណាចក្រយើងពីខែកញ្ញា ឆ្នាំ១៩៩៨ ទំព័រទី៤។ ពេលពិភាក្សាគ្នាគាត់ពិគ្រោះជាមួយបងប្អូនម្នាក់ៗ អំពីមុខនាទីរបស់ពួកគេរៀងៗខ្លួនក្នុងកម្មវិធីនេះ និងរបៀបកម្មវិធីនេះកំពុងតែសម្រេចតាមគោលបំណង។ តើបងប្អូនបានធ្វើអ្វីខ្លះដើម្បីជួយកម្មវិធីនេះបានជោគជ័យ? អ្នកត្រួតពិនិត្យកិច្ចបំរើអញ្ជើញអ្នកផ្សាយទាំងអស់ឲ្យប្រាប់គាត់ ប្រសិនបើពួកគេចង់បានជំនួយក្នុងកិច្ចផ្សព្វផ្សាយ។ ពួកអ្នកដែលបានទទួលជំនួយនៅអតីតកាលអាចចូលរួមម្ដងទៀត ដើម្បីទទួលជំនួយបន្ថែមក្នុងផ្នែកមួយផ្សេងទៀតនៃកិច្ចបំរើ។
២០ នាទី: «សំបុត្រពីគណៈអភិបាល»។ សុន្ទរកថាដែលត្រូវថ្លែងយ៉ាងកក់ក្ដៅដោយអ្នកចាស់ទុំម្នាក់។
ចំរៀងលេខ១៩៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២២ ខែមេសា
ចំរៀងលេខ៩០
១០ នាទី: សេចក្ដីជូនដំណឹងតាមតំបន់។ សុំអ្នកងារជំនួយម្នាក់ធ្វើការសម្ដែងមួយ ដោយប្រើយោបល់ទី២នៅទំព័រទី៨ ស្តីពីរបៀបផ្ដល់ទស្សនាវដ្ដីប៉មយាម ថ្ងៃទី១ ខែឧសភា។ ក្រោយការសម្ដែងនោះ បញ្ជាក់ឡើងវិញនូវឃ្លាដើមដែលបានត្រូវប្រើដើម្បីធ្វើឲ្យម្ចាស់ផ្ទះចាប់អារម្មណ៍។
១៥ នាទី: ចូរមកឲ្យបានទាន់ពេល! សុន្ទរកថា។ សកម្មភាពផ្សេងៗដែលទាក់ទងនឹងការថ្វាយបង្គំនិងកិច្ចបំរើរបស់យើង គឺជាអ្វីដ៏សំខាន់ណាស់និងទាមទារឲ្យមាន«ពេលកំណត់»។ (សាស. ៣:១, ព្រះគម្ពីរភាសាខ្មែរសម្រាយ) យើងចង់ទទួលប្រយោជន៍ច្រើនបំផុតពីសំវិធានការសំរាប់ការបំរើនិងការថ្វាយបង្គំព្រះ។ កិច្ចប្រជុំក្រុមជំនុំនិងប្រជុំសំរាប់កិច្ចផ្សព្វផ្សាយ ត្រូវចាប់ផ្ដើមភ្លាមៗនៅពេលកំណត់។ ព្រះយេហូវ៉ាមិនដែលបង្អែបង្អង់ក្នុងការបំពេញសកម្មភាពរបស់ទ្រង់ឲ្យយឺតពេលនោះឡើយ។ (ហាបា. ២:៣) តើយើងត្រូវធ្វើឲ្យបានកាន់តែប្រសើរឡើងក្នុងការមកឲ្យបានទាន់ពេលបានឬទេ? ម្ដងម្កាល ប្រហែលជាមានរឿងធ្វើឲ្យយើងមិនអាចមកទាន់ពេលពិតមែន។ ក៏ប៉ុន្តែ បើយើងរៀបចំឲ្យបានល្អនោះ យើងមិនចាំបាច់មានទម្លាប់មកយឺត ក្រោយចំរៀងនិងសេចក្ដីអធិស្ឋានបើកកិច្ចប្រជុំ ឬក៏ក្រោយពីអ្នកផ្សាយបានរៀបចំរួចហើយនោះទេ។ ពិភាក្សានូវរបៀបស្រួលៗដែលយើងអាចបណ្ដុះឲ្យមានទម្លាប់កាន់តែប្រសើរឡើងថែមទៀត ដើម្បីជួយយើងមកទាន់ពេលសំរាប់សកម្មភាពទាំងឡាយខាងវិញ្ញាណ។—សូមមើលទស្សនាវដ្ដីប៉មយាមជាភាសាអង់គ្លេសថ្ងៃទី១៥ ខែមិថុនា ឆ្នាំ១៩៩០ ទំព័រ២៩។
២០ នាទី: «មានចិត្តសប្បាយរីករាយជាលទ្ធផល!»។b ក្នុងវគ្គទីមួយ ឲ្យបងប្អូនប្រាប់យ៉ាងខ្លីអំពីអារម្មណ៍របស់គេស្តីពីវីដេអូពួកយុវជនសួរថា៖ តើខ្ញុំអាចរកមិត្តភក្ដិពិតប្រាកដបានយ៉ាងដូចម្ដេច? ភ្លាមនោះចាប់ផ្ដើមពិគ្រោះជាមួយអ្នកស្ដាប់នូវសំនួរនិមួយៗក្នុងវគ្គ២-៧។ ក្នុងខែមិថុនា យើងនឹងទស្សនាវីដេអូភាតរភាពរបស់បងប្អូនយើង។
ចំរៀងលេខ១៩១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៩ ខែមេសា
ចំរៀងលេខ១៦២
១០ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍អំពីកិច្ចផ្សាយ។
១៥ នាទី: «កិច្ចការផ្សព្វផ្សាយនូវសារព្រះរាជាណាចក្រអាចជួយសង្គ្រោះជីវិតមនុស្សបាន!»។c អញ្ជើញអ្នកស្ដាប់ឲ្យបញ្ជាក់របៀបខគម្ពីរទាក់ទងនឹងប្រធាន។
២០ នាទី: «ពរនៃព្រះយេហូវ៉ាធ្វើឲ្យមាន»។ សុន្ទរកថាថ្លែងដោយអ្នកចាស់ទុំម្នាក់ ដែលថ្លែងឡើងយ៉ាងកក់ក្ដៅនិងលើកទឹកចិត្តផង ដោយមានមូលដ្ឋានទៅលើទស្សនាវដ្ដីប៉មយាមជាភាសាអង់គ្លេស ថ្ងៃទី១ ខែវិច្ឆិកា ឆ្នាំ២០០១ ទំព័រ២៧-៣០។
ចំរៀងលេខ២៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៦ ខែឧសភា
ចំរៀងលេខ១៤១
១០ នាទី: សេចក្ដីជូនដំណឹងតាមតំបន់។
១០ នាទី: ការពិគ្រោះនូវអត្ថបទ«ចូរទទួលប្រយោជន៍ពីទស្សនាវដ្ដីប៉មយាមនិងភ្ញាក់រឭក!ជាបន្តកុំខាន»។
២៥ នាទី: «តើធ្វើដូចម្ដេចឲ្យក្រុមគ្រួសារមានភាពរឹងមាំខាងវិញ្ញាណបាន?»។d ក្រោយបានពិគ្រោះអត្ថបទនេះ សូមរៀបរាប់នូវបទពិសោធន៍ពីទស្សនាវដ្ដីប៉មយាមថ្ងៃទី១ ខែឧសភា ឆ្នាំ១៩៩៩ ទំព័រ៨-១១។
ចំរៀងលេខ១៧ និងសេចក្ដីអធិស្ឋានបញ្ចប់
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
d កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។