កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១៣ ខែឧសភា
ចំរៀងលេខ៣៧
១៥ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ ដោយប្រើយោបល់ទីមួយនៅទំព័រទី៨ សូមបង្ហាញនូវរបៀបផ្ដល់ឲ្យទស្សនាវដ្ដីប៉មយាម ពីថ្ងៃទី១ ខែមិថុនា។ សូមប្រើពាក្យសំដីដែលអាចរារាំងការសន្ទនាត្រង់ចំណុច «ខ្ញុំមានការរវល់»។—សូមមើលកូនសៀវភៅរបៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ទំព័រ១១-១២។
៣០ នាទី: «របៀបបញ្ចុះបញ្ចូលឲ្យមានសិស្ស ដោយប្រើសៀវភៅចំណេះ»។ ស្រង់សេចក្ដីពីវគ្គ១-២សំរាប់ពាក្យផ្ដើម។ ពិគ្រោះវគ្គ៣-១៣ដោយសំនួរនិងចម្លើយ។ សូមធ្វើការសម្ដែងមួយអំពីការសិក្សាព្រះគម្ពីរ។ បង្ហាញនូវរបៀបបង្ហាត់បង្រៀនសិស្សឲ្យចេះរៀបចំមេរៀន ដោយគូសចំណាំពាក្យឬឃ្លាណាដែលឆ្លើយយ៉ាងចំបំផុតនូវសំនួរខាងក្រោម។ យើងនឹងពិភាក្សាវគ្គដែលសល់ក្នុងសន្លឹកបន្ថែមជាបន្តនៅឯកម្មវិធីការប្រជុំអប់រំកិច្ចបំរើសប្ដាហ៍ក្រោយ។
ចំរៀងលេខ១១៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២០ ខែឧសភា
ចំរៀងលេខ១៣
១៥ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ មើលប្រអប់សំនួរ។
៣០ នាទី: «របៀបបញ្ចុះបញ្ចូលឲ្យមានសិស្ស ដោយប្រើសៀវភៅចំណេះ»។ ការពិគ្រោះវគ្គ១៤-២៦ ជាមួយពួកអ្នកស្ដាប់។ ក្នុងកំឡុងពេលពិគ្រោះវគ្គ១៤-១៦ សូមធ្វើការសម្ដែងមួយដែលបង្ហាញអំពីអ្វីដែលយើងអាចនិយាយដើម្បីលើកទឹកចិត្តសិស្សសិក្សាព្រះគម្ពីរឲ្យចូលរួមកិច្ចប្រជុំសាធារណៈ និងការសិក្សាទស្សនាវដ្ដីប៉មយាម។ សូមរៀបចំជាមុននូវបទពិសោធន៍ខ្លះៗតាមតំបន់ របស់ពួកអ្នកដែលកំពុងតែដឹកនាំការសិក្សាក្នុងសៀវភៅចំណេះ។ ពួកគេអាចរៀបរាប់យ៉ាងវិជ្ជមានអំពីរបៀបដែលគេបានអនុវត្តតាមយោបល់ក្នុងសន្លឹកបន្ថែមនេះ ហើយយោបល់ក្នុងនោះជួយគេយ៉ាងណាក្នុងការដឹកនាំការសិក្សាព្រះគម្ពីរតាមផ្ទះឲ្យបានរីកចំរើនច្រើនជាង។ សូមលើកទឹកចិត្តបងប្អូនទាំងអស់គ្នាឲ្យរក្សាទុកសន្លឹកបន្ថែមនេះ និងមើលវាសារឡើងវិញជារៀងរាល់ដងដែលគេចាប់ផ្ដើមការសិក្សាថ្មី។
ចំរៀងលេខ១៦៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៧ ខែឧសភា
ចំរៀងលេខ២០៨
១២ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែឧសភា។ ប្រើយោបល់ទីពីរនៅទំព័រទី៨ និងឲ្យអ្នកផ្សាយវ័យចាស់ម្នាក់ធ្វើការសម្ដែងពីរបៀបផ្ដល់ឲ្យទស្សនាវដ្ដីប៉មយាម ពីថ្ងៃទី១ ខែមិថុនា។ ក្រោយពីការសម្ដែងនោះ សូមលើកបញ្ជាក់ពីការងាយស្រួលឲ្យយើងប្រើខគម្ពីរមួយពេលផ្សព្វផ្សាយនោះ។
១៨ នាទី: «ចូរកាត់ស្រាយព្រះបន្ទូលនៃសេចក្ដីពិតយ៉ាងត្រឹមត្រូវ»។a នេះរួមបញ្ចូលការសម្ដែងមួយដែលបង្ហាញនូវទិដ្ឋភាពពិតៗ តាមយោបល់ក្នុងវគ្គទី៤។ សូមធ្វើការសម្ដែងមួយទៀតអំពីពាក្យផ្សាយណាដែលមានប្រសិទ្ធិភាព ដែលធ្លាប់ប្រើតាមតំបន់ដើម្បីលើកទឹកចិត្ត ឬសំរាលទុក្ខមនុស្សដែលធ្លាក់ទឹកចិត្ត ដោយសារស្ថានការណ៍ពិភពលោកនាពេលថ្មីៗនេះ។ អាចមានការរៀបរាប់បទពិសោធន៍ខ្លីមួយក៏បាន។ សុំពួកអ្នកស្ដាប់ឲ្យប្រាប់នូវហេតុដែលគេគិតថា ការប្រើព្រះគម្ពីរនឹងធ្វើឲ្យការធ្វើបន្ទាល់មានប្រសិទ្ធិភាពច្រើនជាង។
១៥ នាទី: ទស្សនៈពីព្រះគម្ពីរ តើជំនឿពិតជាអ្វីទៅ? សុន្ទរកថាតាមព្រះគម្ពីរដែលមានមូលដ្ឋានទៅលើទស្សនាវដ្ដីភ្ញាក់រឭក! ថ្ងៃទី៨ ខែមីនា ឆ្នាំ២០០០ ទំព័រទី២៦និង២៧ (ជាភាសាអង់គ្លេស)។ សូមជួយពួកអ្នកស្ដាប់ឲ្យយល់ដឹងថា ជំនឿពិតមានប្រយោជន៍មែន។
ចំរៀងលេខ៩៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣ ខែមិថុនា
ចំរៀងលេខ១៧៨
១៥ នាទី: សេចក្ដីជូនដំណឹងតាមតំបន់។ សូមរៀបចំឲ្យពួកអ្នកផ្សាយរៀបរាប់អំពីពរដែលមកពីការចូលរួមកិច្ចផ្សាយជាអ្នកត្រួសត្រាយជំនួយឬពេញពេល ក្នុងកំឡុងខែមីនា ខែមេសា ឬខែឧសភា។
១៥ នាទី: «តើអ្នកកំពុងតែប្រើសៀវភៅស្តើងតម្រូវ ដើម្បីចាប់ផ្ដើមការសិក្សាទេ?»។ ចាប់ផ្ដើមដោយមានអ្នកផ្សាយម្នាក់ដែលបានរៀបចំយ៉ាងល្អ ឲ្យធ្វើការសម្ដែងមួយពីរបៀបចាប់ផ្ដើមនូវការសិក្សាដោយប្រើគំរូនៅក្នុងវគ្គទី២។ រួចមក សូមបញ្ជាក់នូវលក្ខណៈសំខាន់ៗនៃសៀវភៅស្តើងនោះនិងពន្យល់ថា សៀវភៅស្តើងនោះបានត្រូវរៀបចំដើម្បីជួយចាប់ផ្ដើមនូវការសិក្សា។ សួរពួកអ្នកស្ដាប់ថា តើពួកគេបានជោគជ័យតាមវិធីណាខ្លះ? បញ្ចប់ដោយធ្វើការសម្ដែងខាងលើនេះម្ដងទៀត។
១៥ នាទី: «ជំនឿរបស់យើងជំរុញឲ្យមានការប្រព្រឹត្តដ៏ល្អ»។b ពេលពិគ្រោះវគ្គទី២ សូមសម្ភាសន៍ស្មរបន្ទាល់ដ៏ខ្នះខ្នែងម្នាក់យ៉ាងខ្លី។ ឲ្យអ្នកផ្សាយនោះជួយពន្យល់ពីរបៀបដែលការធ្វើបន្ទាល់ដល់អ្នកដទៃ ជាវិធីគាត់បង្ហាញជំនឿខ្លួន ថែមទាំងពង្រឹងជំនឿរបស់ខ្លួនផងដែរ។
ចំរៀងលេខ៥៦ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។