កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី៩ ខែកញ្ញា
ចំរៀងលេខ២០៩
១៣ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ ដោយប្រើយោបល់ទីមួយនៅទំព័រទី៨ សូមបង្ហាញនូវរបៀបជូនទស្សនាវដ្ដីប៉មយាម ពីថ្ងៃទី១ ខែតុលា។
១៧ នាទី: «ការជួយអ្នកដទៃឲ្យសរសើរព្រះយេហូវ៉ា»។a បើមានពេល ប្រាប់នូវចំណុចមួយឬពីរដ៏ល្អ ពីសៀវភៅការវែកញែក ទំព័រ១៩៦-១៩៩ (ជាភាសាអង់គ្លេស)។
១៥ នាទី: ហេតុអ្វីគ្មានជំនឿ? ត្រូវថ្លែងជាសុន្ទរកថា។ យើងជួបមនុស្សដែលមិនសូវមានជំនឿ។ (២ថែ. ៣:២) មុនដំបូង យើងគួរតែសម្គាល់នូវអ្វីដែលមានអានុភាពលើទស្សនៈរបស់គេ អំពីរឿងព្រះ ដើម្បីឲ្យយើងប្រាប់សេចក្ដីពិតអំពីព្រះយេហូវ៉ាតាមរបៀបដែលមានឥទ្ធិពលទៅលើចិត្តរបស់គេ។ សូមមើលកត្ដាបួនយ៉ាងដែលបានត្រូវរៀបរាប់ក្នុងសៀវភៅការវែកញែក ទំព័រ១២៩-១៣០ ជាអ្វីដែលអាចរារាំងមនុស្សមិនឲ្យមានជំនឿ។ រើសកត្ដាមួយក្នុងចំណោមកត្ដាទាំងបួននោះ ហើយសម្ដែងរបៀបនិយាយក្នុងករណីបែបនេះ។ បើមានពេល សូមរៀបរាប់របៀបផ្ដើមនិយាយទាក់ទងគេដែលមានប្រសិទ្ធិភាព ឬក៏ធ្វើតាមយោបល់ពីទស្សនាវដ្ដីភ្ញាក់រឭក! ថ្ងៃទី២២ ខែសីហា ឆ្នាំ១៩៩៣ ទំព័រ១៤-១៥។ (ជាភាសាអង់គ្លេស)
ចំរៀងលេខ១២២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៦ ខែកញ្ញា
ចំរៀងលេខ១៦៣
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ ដើម្បីរៀបចំសំរាប់ការប្រជុំអប់រំកិច្ចបំរើសប្ដាហ៍ក្រោយ សូមលើកទឹកចិត្តទាំងអស់គ្នាឲ្យសើរើឡើងវិញនូវកំណត់សរសេរនៃកម្មវិធីសន្និបាតតាមមណ្ឌលលើកមុន។
១៨ នាទី: តើយើងបានសម្រេចអ្វីខ្លះកាលពីឆ្នាំមុន? សុន្ទរកថាដោយអ្នកត្រួតពិនិត្យកិច្ចបំរើ។ ជំរាបប្រាប់នូវរបស់ល្អៗពីសេចក្ដីរាយការណ៍នៃក្រុមជំនុំសំរាប់ឆ្នាំ២០០២ខាងកិច្ចបំរើ។ ចូរសរសើរទាំងអស់គ្នា ដោយបានសម្រេចនូវកិច្ចការជាច្រើន។ សូមលើកបញ្ជាក់ថា ក្រុមជំនុំបានរីកចំរើនយ៉ាងប្រសើរខាងការចូលរួមកិច្ចប្រជុំ ការត្រឡប់ទៅជួប ការបង្រៀនព្រះគម្ពីរ និងការត្រួសត្រាយជំនួយ ទាំងជូនយោបល់ដែលស្រួលធ្វើតាមដើម្បី ឲ្យបានរីកចំរើនថែមទៀត។ សូមទុកគោលដៅដែលខ្លួនអាចសម្រេចក្នុងកំឡុងពេលមួយឆ្នាំទៅមុខនេះ។
១៧ នាទី: ការពិបាកដែលមាតាឬបិតាដែលគ្មានគូត្រូវប្រឈមមុខ។ អ្នកចាស់ទុំម្នាក់នឹងសម្ភាសន៍មាតាឬបិតាម្នាក់ឬពីរនាក់ដែលគ្មានគូ (ឬបុគ្គលដែលមានស្វាមីឬភរិយាដែលមិនមែនជាស្មរបន្ទាល់) ដើម្បីឲ្យឃើញនូវវិធីដែលគេស៊ូទ្រាំនឹងបញ្ហាទាក់ទងនឹងការបង្វឹកបង្វឺន ការប្រដៅ និងការណែនាំកូនរបស់គេចំពោះរឿងខាងវិញ្ញាណ។ តើតាមរបៀបណាដែលគាត់អាចសម្រេចនូវភារកិច្ចក្នុងគ្រួសារ ការចូលរួមកិច្ចប្រជុំ ព្រមទាំងកិច្ចបំរើផ្សាយជាទៀងទាត់។ លើកបញ្ជាក់យោបល់ខ្លះៗ ដែលមានក្នុងសៀវភៅសុភមង្គលគ្រួសារ ទំព័រ១០៤-១១០។ (ជាភាសាអង់គ្លេស) សូមប្រាប់ពីវិធីដ៏ល្អផ្សេងៗ ដែលអ្នកឯទៀតអាចជួយបាន ដូចបានបញ្ជាក់នូវទំព័រ១១៣-១១៥។
ចំរៀងលេខ១៤៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៣ ខែកញ្ញា
ចំរៀងលេខ១០៧
១០ នាទី: សេចក្ដីជូនដំណឹងតាមតំបន់។ ដោយប្រើយោបល់ទីពីរនៅទំព័រទី៨ សូមឲ្យអ្នកចាស់ទុំម្នាក់បង្ហាញនូវរបៀបជូនទស្សនាវដ្ដីប៉មយាម ពីថ្ងៃទី១ ខែតុលា។ បន្ទាប់ពីការសម្ដែង សូមលើកបញ្ជាក់ម្ដងទៀត នូវឃ្លាផ្ដើមមួយឬពីរដែលបានប្រើដើម្បីនាំឲ្យម្ចាស់ផ្ទះមានចំណាប់អារម្មណ៍។
១០ នាទី: សេចក្ដីត្រូវការតាមតំបន់។
២៥ នាទី: «ចូរកោតខ្លាចដល់ព្រះ ហើយសរសើរសិរីល្អរបស់ទ្រង់»។ (វិវរ. ១៤:៧) សុន្ទរកថានិងការពិគ្រាះជាមួយអ្នកស្ដាប់ ដើម្បីសើរើឡើងវិញនូវកម្មវិធីសន្និបាតតាមមណ្ឌលនាឆ្នាំកិច្ចបំរើកន្លងទៅនេះ។ សូមអញ្ជើញបងប្អូនក្នុងក្រុមជំនុំរៀបរាប់អំពីចំណុចសំខាន់ៗដែលគេបានរៀន និងរបៀបដែលគេបានអនុវត្តតាមចំណុចនោះផ្ទាល់ខ្លួន ឬជាក្រុមគ្រួសារក៏បាន។ (សូមអញ្ជើញឲ្យបងប្អូនខ្លះរៀបចំអត្ថាធិប្បាយជាមុន) សូមលើកបញ្ជាក់អំពីផ្នែកកម្មវិធីទាំងប៉ុន្មានដូចតទៅនេះ: (១) «ចូរជួយអ្នកថ្មីបណ្ដុះនូវចិត្តកោតខ្លាចចំពោះព្រះ»។ តើតាមរបៀបណាដែលយើងអាចជួយអ្នកចាប់អារម្មណ៍ដែលបានចូលរួមពិធីបុណ្យរំឭក ឲ្យលូតលាស់ទៅមុខ ហើយក្លាយទៅជាអ្នកបំរើព្រះយេហូវ៉ាដែលមានសកម្មភាព? (២) «ការកោតខ្លាចព្រះយេហូវ៉ាតម្រូវឲ្យស្អប់អំពើអាក្រក់»។ (wE៨៧ ១៥/៤ ១៦-១៨) តើតាមរបៀបណាដែលសុភាសិត ៦:១៦-១៩ អាចជួយយើងបែរចេញពីការប្រព្រឹត្តដែលព្រះយេហូវ៉ាស្អប់នោះ ពោលគឺអំនួត ការភូតភរ ការស្វះស្វែងរកវត្ថុទ្រព្យ ការកំសាន្តដ៏មិនល្អ និងការប្រើប្រព័ន្ធអ៊ិនថឺណិតដោយផ្ដេសផ្ដាស? (៣) «ចូរឲ្យអ្នកមានមិត្តភាពកាន់តែជិតស្និទ្ធថែមទៀតជាមួយអ្នកដែលជាទីស្រឡាញ់របស់អ្នក»។ យើងស្រឡាញ់ព្រះយេហូវ៉ា ព្រះយេស៊ូ សមាជិកគ្រួសារ និងអ្នកឯទៀតក្នុងក្រុមជំនុំ។ តើមិត្តភាពកាន់តែជិតស្និទ្ធថែមទៀតជាមួយបុគ្គលដែលបានរៀបរាប់នៅខាងលើ អាចការពារយើងពីលោកីយ៍យ៉ាងដូចម្ដេច? (៤) «ចូរកោតខ្លាចព្រះយេហូវ៉ាមិនមែនមនុស្សទេ»។ តើការកោតខ្លាចដែលមិនសព្វព្រះហឫទ័យព្រះយេហូវ៉ា បានជួយអ្នកយកឈ្នះលើភាពខ្មាសអៀនពេលដើរផ្សព្វផ្សាយ និងកាន់ជាប់នូវគោលការណ៍របស់ព្រះពេលនៅឯកន្លែងធ្វើការឬសាលារៀន ឬក៏ទប់ទល់នឹងការបង្ខិតបង្ខំពីនិយោជកឲ្យខានចូលរួមកិច្ចប្រជុំ សន្និបាត និងមហាសន្និបាតឬទេ? (៥) «ចូរធ្វើអ្វីៗទាំងអស់ដើម្បីសិរីលំអរបស់ព្រះ»។ (ទំនុក. ១១៩:៣៧; ហេ. ៤:១៣) តើហេតុអ្វីបានជាការកោតខ្លាចដល់ព្រះ គួរបង្ការយើងពីការផឹកស្រាហួសប្រមាណ ការមើលរូបអាសអាភាស ឬការប្រព្រឹត្តអំពើបាបដែលលួចលាក់នោះ? (៦) «ចូរជឿនទៅមុខក្នុងសេចក្ដីកោតខ្លាចព្រះយេហូវ៉ា»។ តើអ្នកបានប្រសិទ្ធិពរអ្វីពីព្រះយេហូវ៉ា ដោយព្រោះអ្នកអនុញ្ញាតឲ្យវិញ្ញាណរបស់ទ្រង់មានអានុភាពលើជីវិតរបស់អ្នកគ្រប់ជំពូក?—ទំនុក. ៣១:១៩; ៣៣:១៨; ៣៤:៩, ១៧; ១៤៥:១៩។
ចំរៀងលេខ១៧១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣០ ខែកញ្ញា
ចំរៀងលេខ១១៦
១៥ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែកញ្ញា។ ពិគ្រោះអត្ថបទ «កិច្ចការសាងសង់សាលព្រះរាជាណាចក្រ មានដំណើរការឈានទៅមុខ»
១៥ នាទី: តើអ្វីដែលធ្វើឲ្យទស្សនាវដ្ដីយើង ខុសប្លែកពីទស្សនាវដ្ដីឯទៀត? សុន្ទរកថានិងការពិគ្រោះជាមួយពួកអ្នកស្ដាប់។ ក្នុងកំឡុងខែតុលា យើងនឹងផ្ដល់ទស្សនាវដ្ដីប៉មយាម។ សូមពិគ្រោះមូលហេតុដែលអត្ថបទក្នុងទស្សនាវដ្ដីប៉មយាម គឺខុសប្លែកពីទស្សនាវដ្ដីឯទៀត: (១) អត្ថបទទាំងនោះលើកដំកើងព្រះនាមរបស់ព្រះយេហូវ៉ា។ (២) អត្ថបទទាំងនោះនាំឲ្យមានជំនឿទៅលើព្រះយេស៊ូ។ (៣) អត្ថបទទាំងនោះប្រកាសប្រាប់ព្រះរាជាណាចក្ររបស់ព្រះ។ (៤) អត្ថបទទាំងនោះនាំឲ្យយើងទុកចិត្តព្រះគម្ពីរជាមូលដ្ឋានផ្ដាច់ព្រ័ត្រ។ (៥) អត្ថបទទាំងនោះពន្យល់នូវការសម្រេចបទទំនាយក្នុងព្រះគម្ពីរ។ (៦) អត្ថបទទាំងនោះពន្យល់នូវសារៈសំខាន់នៃព្រឹត្ដិការណ៍ក្នុងពិភពលោក។ (៧) អត្ថបទទាំងនោះបង្ហាញពីរបៀបស៊ូទ្រាំនឹងបញ្ហាដែលយើងជួបប្រទះនៅសព្វថ្ងៃនេះ។ (៨) អត្ថបទទាំងនោះអាចនាំឲ្យមនុស្សដែលមានជីវប្រវត្ដិនិងឋានៈផ្សេងៗចាប់អារម្មណ៍។ (៩) អត្ថបទទាំងនោះតែងតែរក្សាអព្យាក្រឹតភាពខាងរឿងនយោបាយ។ សូមធ្វើការសម្ដែងពីរដ៏ខ្លី ដែលបង្ហាញពីរបៀបដែលចំណុចមួយក្នុងចំណោមចំណុចទាំងប៉ុន្មាន អាចប្រើបានដើម្បីចាប់ផ្ដើមការសន្ទនា។
១៥ នាទី: «ចូរបង្ហាញចិត្តកតញ្ញូចំពោះធនធានខាងព្រះធិបតេយ្យដ៏មានតម្លៃ»។b ត្រូវធ្វើដោយអ្នកចាស់ទុំម្នាក់។ រួមបញ្ចូលសេចក្ដីខ្លះៗអំពីអ្វីដែលបងប្អូនបានសង្កេតឃើញក្នុងតំបន់ ហើយអ្វីដែលក្រុមជំនុំអាចធ្វើដើម្បីប្រើឧបករណ៍ផ្សាយដោយប្រាជ្ញា។ លើកទឹកចិត្តទាំងអស់គ្នាឲ្យកំណត់ការស្នើសុំឧបករណ៍ផ្សាយជាចំនួនដែលគេត្រូវការតែប៉ុណ្ណោះ។ សូមនឹកចាំពី ឯកសិទ្ធិជូនវិភាគទានគាំទ្រកិច្ចការទូទាំងពិភពលោក។ សូមមើលអត្ថបទ «ចែកជាមួយអ្នកឯទៀតស្របតាមតម្រូវការរបស់គេ» ក្នុងកិច្ចបំរើព្រះរាជាណាចក្រយើង ខែវិច្ឆិកា ឆ្នាំ១៩៩៦ ទំព័រ៣។ (ជាភាសាអង់គ្លេស)
ចំរៀងលេខ២១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៧ ខែតុលា
ចំរៀងលេខ១២៩
១០ នាទី: សេចក្ដីជូនដំណឹងតាមតំបន់។
១៥ នាទី: កាន់ជំហរយ៉ាងមុតមាំចំពោះសេចក្ដីពិតនៅឯសាលារៀន។ សម្ភាសន៍អ្នកផ្សាយវ័យក្មេងម្នាក់ឬពីរនាក់ ដែលចូលរៀនវិញ ហើយយល់ពីតម្រូវការឲ្យពួកគេកំណត់ពេលសេពគប់នឹងសិស្សរៀនថ្នាក់ជាមួយគ្នាដែលមិនជឿ។ តើគេមានបំណងដោះស្រាយបញ្ហា និងការល្បួងដែលគេនឹងជួបប្រទះ ដែលទាក់ទងនឹងថ្ងៃបុណ្យជាតិ ពិធីជប់លៀងឬប្រជុំនៅឯសាលា កីឡាក្រៅម៉ោងរៀន និងការប្រព្រឹត្តដ៏ស្មោកគ្រោក? រួមបញ្ចូលយោបល់ពីរបៀបដែលគេមានបំណងផ្សព្វផ្សាយនៅឯសាលា។
២០ នាទី: «មូលហេតុដែលយើងឲ្យសេចក្ដីរាយការណ៍អំពីកិច្ចបំរើផ្សាយរបស់យើង»។c ត្រូវថ្លែងដោយលេខាក្រុមជំនុំ។ ដោយលើកឡើងគំរូពីព្រះគម្ពីរ សូមពន្យល់ហេតុដ៏សំខាន់ឲ្យយើងធ្វើសេចក្ដីរាយការណ៍ដ៏ច្បាស់លាស់ ដែលអាចលើកទឹកចិត្តបងប្អូនយើងដែរ។ សូមជំរាបនូវអំណរគុណ ដោយព្រោះបងប្អូនរួមគ្នាធ្វើសេចក្ដីរាយការណ៍ដ៏ច្បាស់លាស់។
ចំរៀងលេខ១០៥ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។