កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១១ ខែវិច្ឆិកា
ចំរៀងលេខ១៦៤
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ ដោយប្រើយោបល់ទីមួយនៅទំព័រទី៨ សូមបង្ហាញនូវរបៀបស្នើផ្ដល់ទស្សនាវដ្ដីប៉មយាម ថ្ងៃទី១ ខែធ្នូ។ ក្នុងការសម្ដែងនោះ សូមពន្យល់ថាថវិកាដើម្បីធ្វើកិច្ចការទូទាំងពិភពលោកនេះបានមកពីណា។ សូមមើលទស្សនាវដ្ដីប៉មយាមទំព័រទី២។
១៥ នាទី: អ្នកដែលបានគាំទ្រការថ្វាយបង្គំដ៏ពិតនៅសម័យមុនហើយនៅសម័យនេះដែរ។ សុន្ទរកថាដែលមានមូលដ្ឋានលើទស្សនាវដ្ដីប៉មយាម ពីថ្ងៃទី១ ខែវិច្ឆិកា ឆ្នាំ២០០២ ទំព័រទី២៦-៣០ (ជាភាសាអង់គ្លេស)
២០ នាទី: «ចូរជួយអ្នកត្រួតពិនិត្យក្រុមសិក្សាសៀវភៅតាមក្រុមជំនុំរបស់អ្នក»។a ត្រូវថ្លែងដោយអ្នកចាស់ទុំម្នាក់ដែលជាអ្នកត្រួតពិនិត្យការសិក្សាសៀវភៅតាមក្រុមជំនុំ។ ពេលពិគ្រោះវគ្គទី៣ហើយ ចូររួមបញ្ចូលចំណុចខ្លះៗពីសៀវភៅសាលាកិច្ចបំរើទំព័រទី៧០។ (ជាភាសាអង់គ្លេស) សរសើរក្រុមជំនុំចំពោះការប្រព្រឹត្តដ៏ល្អដែលពួកគេបានគាំទ្រការរៀបចំនៃការសិក្សាសៀវភៅតាមក្រុម ហើយតាមរបៀបដ៏សប្បុរស សូមបញ្ជាក់ពីចំណុចណាដែលគេប្រហែលជាត្រូវធ្វើឲ្យប្រសើរឡើង។
ចំរៀងលេខ១១៤ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៨ ខែវិច្ឆិកា
ចំរៀងលេខ៣៤
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ ប្រាប់អំពីការរៀបចំកិច្ចបំរើផ្សាយសំរាប់ថ្ងៃទី២៨ ខែវិច្ឆិកា។
១០ នាទី: ប្រអប់សំនួរ។ សុន្ទរកថាដោយអ្នកចាស់ទុំដែលមានសមត្ថភាព។
២៥ នាទី: «មេគ្រួសារទាំងឡាយអើយ! ចូររក្សាឲ្យមានទំលាប់ល្អខាងវិញ្ញាណ»។ បន្ទាប់ពីសុន្ទរកថាលំនាំដែលមានមូលដ្ឋានពីវគ្គទី១-៣ ធ្វើការពិគ្រោះជាមួយពួកអ្នកស្ដាប់អំពីវគ្គទី៤-១៣។ បើមានពេល សូមអានវគ្គទី៧, ៨, ១១ និង១២។ រួមបញ្ចូលការសម្ភាសន៍ជាមួយនឹងមាតាឬបិតាម្នាក់ឬពីរនាក់។ តើមានអ្វីខ្លះដែលបានជួយក្រុមគ្រួសារគាត់មានទម្លាប់បំពេញនូវសកម្មភាពខាងវិញ្ញាណជាទៀងទាត់? តើក្រុមគ្រួសារគាត់ត្រូវខំប្រឹងយ៉ាងណា? តើពួកគាត់បានទទួលប្រយោជន៍អ្វីខ្លះ? បញ្ចប់ដោយអធិប្បាយយ៉ាងខ្លីអំពីពត៌មានក្នុងវគ្គទី១៤។
ចំរៀងលេខ១២៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៥ ខែវិច្ឆិកា
ចំរៀងលេខ១១៣
១០ នាទី: សេចក្ដីជូនដំណឹងតាមតំបន់។ គូស្វាមីភរិយាមួយគូកំពុងតែផ្សព្វផ្សាយជាមួយគ្នា ហើយស្វាមីបង្ហាញនូវរបៀបនិយាយតាមយោបល់នៅទំព័រទី៨ដើម្បីស្នើផ្ដល់ទស្សនាវដ្ដីប៉មយាមសំរាប់ថ្ងៃទី១ ខែធ្នូ។
១៥ នាទី: «ចូរជួយមនុស្សឲ្យស្គាល់នូវសេចក្ដីពិតអំពីព្រះយេស៊ូ»។b រួមបញ្ចូលចំណុចខ្លះៗពីសៀវភៅសាលាកិច្ចបំរើទំព័រទី២៧៨។ (ជាភាសាអង់គ្លេស)
២០ នាទី: «ចូរយកចិត្តទុកដាក់ដោយសេចក្ដីស្រឡាញ់ចំពោះ ‹កូនកំព្រា›»។ ចាប់ផ្ដើមដោយនិយាយរយៈពេលបីនាទីអំពីទស្សនៈរបស់ព្រះយេហូវ៉ាចំពោះក្មេងប្រុសស្រីដែលកំព្រាឪពុក។ សុន្ទរកថានេះមានមូលដ្ឋានពីវគ្គទីមួយ ហើយពីសៀវភៅការយល់ធ្លុះជ្រៅ ក្បាលទី១ទំព័រទី៨១៦។ ចូរពិគ្រោះវគ្គជាបន្តបន្ទាប់ដោយសំនួរនិងចម្លើយ។ លើកបញ្ជាក់វិធីដែលមានប្រយោជន៍ដែលអ្នកឯទៀតអាចលើកទឹកចិត្តហើយផ្ដល់ជាជំនួយបាន។ ពេលពិគ្រោះវគ្គទី៣ និងទី៤ សូមរួមបញ្ចូលចំណុចខ្លះពីទស្សនាវដ្ដីភ្ញាក់រឭក! ថ្ងៃទី៨ ខែតុលា ឆ្នាំ១៩៩៥ ទំព័រទី៨និងទី៩។
ចំរៀងលេខ១៨៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២ ខែធ្នូ
ចំរៀងលេខ៦៥
៨ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែវិច្ឆិកា។ ដោយនិយាយសង្ខេប រៀបរាប់នូវវិធីមួយដើម្បីស្នើផ្ដល់សៀវភៅអ្នកអាចរស់នៅជានិរន្តរ៍។ សូមមើលកិច្ចបំរើព្រះរាជាណាចក្រយើងសំរាប់ខែមិថុនា ឆ្នាំ១៩៩៨ ទំព័រទី៨។
១២ នាទី: សេចក្ដីត្រូវការតាមតំបន់។
២៥ នាទី: «របៀបប្រើសៀវភៅស្តើងថ្មីឲ្យបានប្រយោជន៍ច្រើនបំផុត»។c ធ្វើការសម្ដែងមួយដែលបង្ហាញពាក្យផ្សព្វផ្សាយក្នុងវគ្គទី២, ៣, និង៥។ លើកទឹកចិត្តបងប្អូនឲ្យប្រើសៀវភៅនេះក្នុងកិច្ចផ្សព្វផ្សាយ។
ចំរៀងលេខ៤២ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។