សចក្ដីជូនដំណឹង
◼ ឧបករណ៍ផ្សាយសំរាប់ខែ ធ្នូ: សៀវភៅព្រះគម្ពីរ បន្ទូលនៃព្រះឬក៏ពាក្យសំដីនៃមនុស្ស? ឬមួយក៏សៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ មករា: សៀវភៅស្តើងណាដែលមាន៣២ទំព័រដែលក្រុមជំនុំនៅមាន។ កុម្ភៈ: សៀវភៅស្តើងមិត្តសំឡាញ់របស់ព្រះ។ មីនា: ចំណេះដែលនាំទៅដល់ជីវិតអស់កល្បជានិច្ច។ សូមឲ្យទាំងអស់គ្នាខំព្យាយាមចាប់ផ្ដើមមានការសិក្សាព្រះគម្ពីរថ្មី។
◼ លិខិតអញ្ជើញចូលរួមពិធីបុណ្យរំឭកសំរាប់ឆ្នាំ២០០៣នឹងត្រូវផ្ញើទៅក្រុមជំនុំរបស់អ្នកនៅបន្ដិចទៀត ជាភាសាដែលក្រុមជំនុំនិមួយៗប្រើ។ បើសិនជាមានភាសាផ្សេងទៀតដែលត្រូវប្រើក្នុងតំបន់របស់អ្នក ហើយអ្នកចង់បានលិខិតអញ្ជើញមួយចំនួនជាភាសាទាំងនោះ លិខិតនោះគួរត្រូវស្នើសុំភ្លាមៗដោយប្រើប័ណ្ណសុំប្រកាសនវត្ថុ (S-14)។ លិខិតអញ្ជើញសំរាប់ពិធីបុណ្យរំឭកអាចទទួលជាភាសាខ្មែរ ចិន ចិន (សំរាយ) ជប៉ុន វៀតណាម និងអង់គ្លេស។ សូមស្នើសុំតែភាសាណាដែលត្រូវការចាំបាច់ក្នុងតំបន់របស់អ្នក។
◼ សូមកត់សម្គាល់ថា ពិធីបុណ្យរំឭកប្រចាំឆ្នាំ២០០៤ នឹងត្រូវប្រារព្ធឡើងនៅថ្ងៃអាទិត្យ ទី៤ ខែមេសា ក្រោយពីថ្ងៃលិច។ ការប្រាប់នូវថ្ងៃខែឲ្យដឹងទុកជាមុននេះ គឺដើម្បីឲ្យបងប្អូនមានឱកាសអាចរៀបចំទុកជាមុន ឬធ្វើកិច្ចសន្យាសំរាប់ជួលសាលប្រជុំផ្សេងទៀត ក្នុងករណីមានក្រុមជំនុំជាច្រើនដែលប្រើសាលព្រះរាជាណាចក្រតែមួយ ហើយក្រុមជំនុំខ្លះត្រូវរកកន្លែងផ្សេងទៀត។ អ្នកចាស់ទុំគួរមានកិច្ចព្រមព្រៀងជាមួយអ្នកចាត់ការខាងសាល ដើម្បីកុំឲ្យមានការរំខានពីសកម្មភាពឯទៀតនៅក្នុងសាលនោះ ហើយដើម្បីឲ្យពិធីបុណ្យរំឭកអាចប្រព្រឹត្តឡើងដោយមានដំណើរការល្អនិងមានរបៀបរៀបរយល្អផងដែរ។ ដោយព្រោះពិធីបុណ្យនេះជាពិធីដ៏សំខាន់មួយ ដូច្នេះក្រុមអ្នកចាស់ទុំគួរជ្រើសរើសអ្នកចាស់ទុំម្នាក់ដែលមានសមត្ថភាពច្រើនជាងឲ្យធ្វើជាអ្នកអធិប្បាយនៅពិធីបុណ្យរំឭក ជាជាងឆ្លាស់គ្នាម្នាក់ម្ដងៗ ឬប្រើបងប្រុសដដែលៗរាល់តែឆ្នាំ។ បើសិនជាមានបងប្រុសម្នាក់ដែលមានសមត្ថភាពគ្រប់គ្រាន់ហើយជាអ្នកចាក់ប្រេងតាំងនោះ អ្នកចាស់ទុំត្រូវជ្រើសរើសគាត់ជាអ្នកថ្លែង។
◼ អ្នកផ្សាយទាំងអស់ដែលបានទទួលបុណ្យជ្រមុជទឹកហើយ ដែលមានវត្តមាននៅឯប្រជុំអប់រំកិច្ចបំរើសប្ដាហ៍ចាប់ផ្ដើមពីថ្ងៃទី៦ ខែមករា អាចទទួលនូវលិខិតបណ្ដាំជនរងគ្រោះ និងប័ណ្ណសម្គាល់សំរាប់កូនៗ។