សេចក្ដីជូនដំណឹង
▪ ឧបករណ៍ផ្សាយសំរាប់ខែមេសានិងឧសភា: ទស្សនាវដ្ដីប៉មយាម។ ពេលអ្នកត្រឡប់ទៅជួបមនុស្សដែលបង្ហាញចំណាប់អារម្មណ៍ ដែលអាចរួមបញ្ចូលអស់អ្នកដែលមកបុណ្យរំឭក ឬបានមកចូលរួមក្នុងពិធីណាមួយដែលក្រុមជំនុំបានរៀបចំ តែមិនបានចូលរួមយ៉ាងសកម្មជាមួយនឹងក្រុមជំនុំ សូមយកចិត្តទុកដាក់ផ្ដល់ឲ្យសៀវភៅចូរថ្វាយបង្គំព្រះពិតតែមួយ។ ចូរខំព្យាយាមដើម្បីចាប់ផ្ដើមការសិក្សាព្រះគម្ពីរជាមួយគេ ជាពិសេសបើបុគ្គលទាំងនេះបានសិក្សាសៀវភៅចំណេះ និងសៀវភៅស្តើងតម្រូវរួចហើយ។ មិថុនា:សៀវភៅចំណេះ ឬក៏សៀវភៅស្តើងតម្រូវ។ បើម្ចាស់ផ្ទះមានប្រកាសនវត្ថុទាំងនេះរួចហើយ សូមផ្ដល់ឲ្យសៀវភៅស្តើងណាដែលក្រុមជំនុំនៅមាន។ កក្កដានិងសីហា: សៀវភៅស្តើងណាដែលមាន៣២ទំព័រដែលក្រុមជំនុំនៅមាន ដូចជា: តើព្រះពិតជាស្រឡាញ់មនុស្សយើងមែនឬ? ចូរសប្បាយនឹងជីវិតនៅលើផែនដីជានិរន្តរ៍ «មើល! អញធ្វើទាំងអស់ឡើងជាថ្មី» រដ្ឋាភិបាលដែលនឹងនាំមកនូវទីមនោរម តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច?
▪ ការិយាល័យសាខាត្រូវមានលេខទូរស័ព្ទនិងអាស័យដ្ឋានថ្មីរបស់ប្រធានត្រួតពិនិត្យនិងលេខាក្រុមជំនុំ។ ប្រសិនណាលេខទូរស័ព្ទឬអាស័យដ្ឋានផ្លាស់ប្ដូរនោះ គណៈកម្មាធិការកិច្ចបំរើក្រុមជំនុំត្រូវបំពេញនិងចុះហត្ថលេខាលើប័ណ្ណ (S-29) ជាប័ណ្ណផ្លាស់ប្ដូរអាស័យដ្ឋានរបស់ប្រធានត្រួតពិនិត្យ/លេខា រួចបញ្ជូនទៅការិយាល័យសាខាឲ្យបានឆាប់បំផុត។ នេះរួមបញ្ចូលការផ្លាស់ប្ដូរក្នុងលេខតំបន់ផងដែរ។
▪ ស្មៀននៃក្រុមជំនុំនានាគួរមានក្រដាសសំរាប់ចុះឈ្មោះមួយចំនួនគ្រប់គ្រាន់គឺក្រដាសសំរាប់ចុះឈ្មោះអ្នកត្រួសត្រាយពេញពេល (S-205) និងក្រដាសសំរាប់ចុះឈ្មោះអ្នកត្រួសត្រាយជំនួយ (S-205b)។ ក្រដាសចុះឈ្មោះទាំងនេះអាចសុំបានតាមរយៈបញ្ជីសុំប្រកាសនវត្ថុ (S-14)។ សូមមានក្រដាសចុះឈ្មោះមួយចំនួនគ្រប់គ្រាន់យ៉ាងហោចណាស់សំរាប់មួយឆ្នាំ។ សូមមើលមួយសាទៀតនូវក្រដាសចុះឈ្មោះសំរាប់អ្នកត្រួសត្រាយពេញពេល ដើម្បីប្រាកដថាបានត្រូវបំពេញទាំងអស់ហើយ។ ប្រសិនបើអ្នកចុះឈ្មោះមិនអាចចាំថ្ងៃខែឆ្នាំនៃពិធីបុណ្យជ្រមុជទឹករបស់ខ្លួន គេត្រូវស្មានអំពីថ្ងៃខែឆ្នាំនោះ ហើយកត់កំណត់មួយ។
▪ នៅពេលដែលយើងរៀបគម្រោងចង់ធ្វើដំណើរទៅលេងប្រទេសផ្សេងទៀត រួមទាំងការទៅចូលរួមកិច្ចប្រជុំក្រុមជំនុំ សន្និបាតតាមមណ្ឌល ឬមហាសន្និបាតតាមតំបន់ នោះការសុំពត៌មានអំពីថ្ងៃខែ ពេលវេលា និងទីកន្លែងនានា ត្រូវផ្ញើទៅការិយាល័យសាខាដែលទទួលខុសត្រូវកិច្ចការនៅប្រទេសនោះ។ មានបញ្ជីអាស័យដ្ឋាននានាដែលនៅទំព័រចុងក្រោយនៃសៀវភៅប្រចាំឆ្នាំ។