កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១២ ខែឧសភា
ចំរៀងលេខ៧៩
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ ដោយប្រើយោបល់ទីមួយនៅទំព័រទី៨ សូមបង្ហាញនូវរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែមិថុនា។ ប្រាប់ម្ចាស់ផ្ទះអំពីវិភាគទាន។
២០ នាទី: «ចូរស្គាល់បងប្អូនរបស់អ្នកឲ្យបានច្បាស់»។a អញ្ជើញអ្នកស្ដាប់រៀបរាប់បទពិសោធន៍ខ្លីៗអំពីរបៀបពួកគេបានស្គាល់អ្នកឯទៀតច្បាស់ជាងដោយធ្វើតាមយោបល់ក្នុងវគ្គទីប្រាំមួយ។
១៥ នាទី: «ដំណឹងល្អត្រូវបានផ្ញើទុកនឹងយើង»។b រៀបចំជាមុនឲ្យមានអ្នកផ្សាយម្នាក់ឬពីរនាក់ពន្យល់នូវរបៀបពួកគេបានកែប្រែកាលៈទេសៈខ្លួនដើម្បីផ្សព្វផ្សាយឲ្យបានច្រើនជាង។
ចំរៀងលេខ៨៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៩ ខែឧសភា
ចំរៀងលេខ១៦០
១៥ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ ពិគ្រោះអត្ថបទ«ការកសាងសាលព្រះរាជាណាចក្រទូទាំងពិភពលោកនៅប្រទេសខ្លះនាទ្វីបអឺរ៉ុប»។ ចូរលើកបញ្ជាក់ថា ការកសាងសាលព្រះរាជាណាចក្រនៅប្រទេសដែលមានធនធានតិច និងក្នុងតំបន់ត្រួតពិនិត្យរបស់ការិយាល័យសាខាដែលមើលខុសត្រូវប្រទេសយើងបានគាំទ្រដោយវិភាគទានដែលគេដាក់នៅក្នុងបេឡាសំរាប់ការសាងសង់សាលព្រះរាជាណាចក្រ។
១៥ នាទី: សេចក្ដីត្រូវការតាមតំបន់។
១៥ នាទី: «ចូរសរសើរព្រះយេហូវ៉ាដោយធ្វើបន្ទាល់ក្រៅផ្លូវការ»។ សុន្ទរកថានិងការពិគ្រោះជាមួយពួកអ្នកស្ដាប់។ នៅពេលពិគ្រោះវគ្គទី៣ សួរអ្នកស្ដាប់អំពីអ្វីដែលយើងអាចនិយាយដើម្បីចាប់ផ្ដើមការសន្ទនាអំពីព្រះគម្ពីរក្នុងកាលៈទេសៈខ្លះៗដូចតទៅនេះ: (១) ពេលដែលអង្គុយចាំជួបគ្រូពេទ្យនៅមន្ទីរពេទ្យ។ (២) ពេលជិះរថឈ្នួល។ (៣) ពេលឃើញអ្នកជិតខាងកំពុងតែធ្វើកិច្ចការផ្ទះ។ (៤) ពេលនៅជាមួយអ្នកធ្វើការគ្នីគ្នា។ (៥) ពេលនៅជាមួយមិត្តរួមថ្នាក់នៅសាលា។ រៀបចំជាមុនឲ្យមានអ្នកផ្សាយម្នាក់រៀបរាប់បទពិសោធន៍ ដែលបញ្ជាក់របៀបគាត់ទទួលបានជោគជ័យក្នុងការធ្វើបន្ទាល់ក្រៅផ្លូវការ។
ចំរៀងលេខ៨៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៦ ខែឧសភា
ចំរៀងលេខ១៧៤
១៨ នាទី: សេចក្ដីជូនដំណឹងតាមតំបន់។ រំឭកទាំងអស់គ្នាឲ្យដាក់សេចក្ដីរាយការណ៍កិច្ចផ្សាយសំរាប់ខែឧសភា។ ដោយប្រើយោបល់ទីពីរនៅទំព័រទី៨ សូមបង្ហាញនូវរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែមិថុនា ។ លើកបញ្ជាក់ពត៌មានពីប្រអប់សំនួរក្នុងកិច្ចបំរើព្រះរាជាណាចក្រយើងជាភាសាអង់គ្លេសពីខែកុម្ភៈ ឆ្នាំ១៩៨៧ ស្តីអំពីអ្នកណាគួរទទួលកិច្ចបំរើព្រះរាជាណាចក្រយើងមួយសន្លឹក។
២៧ នាទី: «ព្រះបន្ទូលរបស់ព្រះជាសេចក្ដីពិត»។c ប្រើសំនួរដែលមានស្រាប់ក្នុងអត្ថបទ។ អញ្ជើញអ្នកស្ដាប់ឲ្យលើកបញ្ជាក់របៀបពួកគេបានរៀនសេចក្ដីពិតនៅពេលដែលអ្នកផ្សាយប្រើព្រះគម្ពីរឆ្លើយសំនួររបស់ពួកគេ។ នៅពេលពិគ្រោះវគ្គទី៤ សុំអ្នកផ្សាយម្នាក់ដែលមានសមត្ថភាពបង្ហាញនូវវិធីប្រើព្រះគម្ពីរពេលជួបម្ចាស់ផ្ទះជាលើកដំបូង ដោយប្រើយោបល់ខ្លះក្នុងអត្ថបទ«ចូរកាត់ស្រាយព្រះបន្ទូលនៃសេចក្ដីពិតយ៉ាងត្រឹមត្រូវ»។—km ៥/០២ ទំព័រ៨ វគ្គ៣-៤
ចំរៀងលេខ១៨៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២ ខែមិថុនា
ចំរៀងលេខ៤២
១០ នាទី: សេចក្ដីជូនដំណឹងតាមតំបន់។ លើកឡើងយោបល់មួយឬពីរពីកិច្ចបំរើព្រះរាជាណាចក្រយើង ខែមករា ឆ្នាំ១៩៩៩ ទំព័រ៤ និងខែកញ្ញា ឆ្នាំ២០០១ ទំព័រ១ សំរាប់ការផ្ដល់សៀវភៅស្តើងតម្រូវនិងសៀវភៅចំណេះ។
២០ នាទី: ព្រះតម្រូវឲ្យមានអាពាហ៍ពិពាហ៍ដែលមានកិត្ដិយស។ សុន្ទរកថានិងការពិគ្រោះជាមួយអ្នកស្ដាប់។ នៅប្រទេសជាច្រើន ការរួមរស់ជាមួយគ្នាដោយមិនរៀបការជាទង្វើធម្មតា។ មនុស្សខ្លះអះអាងថាទង្វើបែបនេះមានផលប្រយោជន៍ល្អ។ ចូរលើកបញ្ជាក់ទស្សនៈរបស់ព្រះក្នុងព្រះគម្ពីរ ដោយសង្កត់ធ្ងន់ថាព្រះជាអ្នកបង្កើតឲ្យមានអាពាហ៍ពិពាហ៍។ (rs-E ទំព័រ២៤៨-២៤៩) ការរួមរស់ជាមួយគ្នាដោយមិនរៀបការគឺជាការសហាយស្មន់។ (fy ទំព័រ១៧) ទោះជាមនុស្សជាច្រើនជឿផ្សេងក៏ដោយ ការស្រាវជ្រាវបង្ហាញឲ្យដឹងថា ការរួមរស់ជាមួយគ្នាមុនរៀបការ កាត់បន្ថយលទ្ធភាពដែលធ្វើឲ្យអាពាហ៍ពិពាហ៍នៅស្ថិតស្ថេរ។ (gE០២ ៨/៣ ទំព័រ២៩; gE៩២ ៨/៩ ទំព័រ២៨; gE៩១ ៨/៥ ទំព័រ២៨) ពួកគ្រីស្ទានថ្វាយកិត្ដិយសចំពោះព្រះយេហូវ៉ាដោយអនុលោមទៅតាមខ្នាតតម្រារបស់ទ្រង់។ ពេលពួកគេធ្វើដូច្នេះ ខ្លួនគេក៏ទទួលផលប្រយោជន៍ផងដែរ។—អេសាយ ៤៨:១៧, ១៨
១៥ នាទី: តើអ្នកកំពុងតែទទួលប្រយោជន៍អ្វីខ្លះ? ការពិគ្រោះជាមួយអ្នកស្ដាប់ ដឹកនាំដោយអ្នកត្រួតពិនិត្យសាលា។ ចាប់ផ្ដើមពីខែមករាដែលកន្លងទៅនេះ សាលាកិច្ចបំរើព្រះធិបតេយ្យមានលំនាំថ្មី។ ចូរលើកឡើងប្រាប់ពីលក្ខណៈថ្មីៗខ្លះៗក្នុងសាលា។ បញ្ជាក់ផលប្រយោជន៍ដ៏ល្អដែលការរៀបចំថ្មីនេះបានផ្ដល់ឲ្យ។ តើមានមនុស្សថែមទៀតចុះឈ្មោះជាសិស្សទេ? តើបងប្អូនសប្បាយចិត្តជាងក្នុងការចូលរួមទេ? តើសិស្សកំពុងតែទទួលផលប្រយោជន៍អ្វីខ្លះពីការរៀបចំថ្មីនេះសំរាប់ឱវាទ? អញ្ជើញអ្នកស្ដាប់ឲ្យរៀបរាប់អំពីផលប្រយោជន៍ដែលរូបគេបានទទួលរហូតមកដល់ពេលនេះ ហើយពួកគេគិតថាកម្មវិធីថ្មីនេះនឹងជួយពួកគេតាមរបៀបផ្សេងទៀតនៅថ្ងៃខាងមុខដែរ។
ចំរៀងលេខ១១៤ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។