សេចក្ដីជូនដំណឹង
◼ ឧបករណ៍ផ្សាយសំរាប់ខែកក្កដានិងសីហា: សៀវភៅស្តើងណាដែលមាន៣២ទំព័រ ដូចជា: តើព្រះពិតជាស្រឡាញ់មនុស្សយើងមែនឬ? ចូរសប្បាយនឹងជីវិតនៅលើផែនដីជានិរន្តរ៍ «មើល! អញធ្វើទាំងអស់ឡើងជាថ្មី» ស្មរបន្ទាល់ព្រះយេហូវ៉ា តើពួកគេជាអ្នកណា? តើគេជឿអ្វីខ្លះ? វិញ្ញាណនៃមនុស្សស្លាប់ តើគេអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? រដ្ឋាភិបាលដែលនឹងនាំមកនូវទីមនោរម តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? និងរបៀបទទួលបានជីវិតដ៏គាប់ចិត្ត។ កញ្ញា: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ តុលា: ទស្សនាវដ្ដីប៉មយាម។ បើជួបមនុស្សណាដែលមានចំណាប់អារម្មណ៍ អាចផ្ដល់ឲ្យសៀវភៅស្តើងតម្រូវ ជាពិសេសសូមខំព្យាយាមដើម្បីចាប់ផ្ដើមការសិក្សាព្រះគម្ពីរ។
◼ ចាប់ពីខែកញ្ញាទៅ អ្នកត្រួតពិនិត្យតាមមណ្ឌលនឹងថ្លែងសុន្ទរកថាសាធារណៈ ដែលមានចំណងជើងថា «ចូរប្រឈមមុខនឹងអនាគតដោយជំនឿនិងសេចក្ដីក្លាហាន»។
◼ ពេលកំពុងតែផ្សព្វផ្សាយនៅតំបន់គ្មានក្រុមជំនុំផ្សាយ នោះអ្នកផ្សាយអាចផ្ដល់សៀវភៅស្តើងតម្រូវឬក៏សៀវភៅចំណេះបាន។ ប្រសិនបើម្ចាស់ផ្ទះមានប្រកាសនវត្ថុទាំងពីរនេះរួចហើយ អ្នកផ្សាយអាចផ្ដល់ប្រកាសនវត្ថុណាមួយផ្សេងទៀត។ អ្នកផ្សាយទាំងអស់ត្រូវមានប្រកាសនវត្ថុផ្សេងៗជាប់ខ្លួន ដើម្បីទុកនៅផ្ទះដែលគ្មានអ្នកណានៅឬក៏ផ្ដល់ដល់មនុស្សណាដែលមិនព្រមទទួលប្រកាសនវត្ថុផ្សេងទៀត។ ត្រូវមានការព្យាយាមត្រឡប់ទៅជួបអ្នកចាប់អារម្មណ៍ ជាពិសេសបើតំបន់គ្មានក្រុមជំនុំផ្សាយគឺនៅជិតក្រុមជំនុំមួយ។
◼ លេខាក្រុមជំនុំនានាគួរទុកឲ្យមានបញ្ជីមួយចំនួនគ្រប់គ្រាន់នៃបញ្ជីនិមួយៗដូចតទៅនេះ ការដាក់ពាក្យសុំបំរើជាអ្នកត្រួសត្រាយពេញពេល (S-205) និងការដាក់ពាក្យសុំបំរើជាអ្នកត្រួសត្រាយជំនួយ (S-205b)។ គឺអាចស្នើសុំបញ្ជីទាំងនេះតាមរយៈបញ្ជីសុំប្រកាសនវត្ថុ (S-14)។ សូមទុកឲ្យមានមួយចំនួនគ្រប់គ្រាន់យ៉ាងហោចណាស់សំរាប់មួយឆ្នាំ។
◼ មុននឹងផ្ញើប័ណ្ណនៃអ្នកត្រួសត្រាយពេញពេលទៅការិយាល័យសាខា នោះលេខាក្រុមជំនុំគួរពិនិត្យមើលបញ្ជីចុះឈ្មោះនោះឲ្យប្រាកដថាពិតជាបំពេញបានត្រឹមត្រូវហើយ។ បើបុគ្គលនោះមិនអាចចាំនូវថ្ងៃខែដែលពួកគេបានទទួលបុណ្យជ្រមុជទឹកទេ នោះត្រូវស្មានហើយកត់ទុកថ្ងៃខែនោះ។ លេខាត្រូវកត់ទុកថ្ងៃខែដែលត្រូវស្មាននោះក្នុងកាតសកម្មភាពផ្សព្វផ្សាយរបស់អ្នកផ្សាយ។
◼ នៅពេលដែលយើងរៀបគម្រោងធ្វើដំណើរដើរលេងប្រទេសផ្សេងនោះ រួមទាំងចូលរួមកិច្ចប្រជុំក្រុមជំនុំ សន្និបាតតាមមណ្ឌល ឬមហាសន្និបាតតាមតំបន់ នោះការសុំពត៌មានអំពីថ្ងៃខែ វេលាម៉ោង និងទីកន្លែងនានា ត្រូវផ្ញើទៅការិយាល័យសាខាដែលទទួលខុសត្រូវកិច្ចការផ្សាយនៅប្រទេសនោះ។ មានបញ្ជីអាស័យដ្ឋាននានានៅទំព័រចុងក្រោយនៃ សៀវភៅប្រចាំឆ្នាំថ្មីៗនេះ។
◼ ការិយាល័យសាខាត្រូវមានលេខទូរស័ព្ទនិងអាស័យដ្ឋានថ្មីៗរបស់ប្រធានត្រួតពិនិត្យនិងលេខាក្រុមជំនុំ។ ប្រសិនណាលេខទូរស័ព្ទឬអាស័យដ្ឋានផ្លាស់ប្ដូរនោះ គណៈកម្មាធិការកិច្ចបំរើក្រុមជំនុំត្រូវបំពេញនិងចុះហត្ថលេខាលើប័ណ្ណ (S-29) ជាប័ណ្ណផ្លាស់ប្ដូរអាស័យដ្ឋានរបស់ប្រធានត្រួតពិនិត្យឬលេខា រួចបញ្ជូនទៅការិយាល័យសាខាយ៉ាងឆាប់បំផុត។ នេះរួមបញ្ចូលការផ្លាស់ប្ដូរលេខទូរស័ព្ទតំបន់ផងដែរ។