សេចក្ដីជូនដំណឹង
◼ ឧបករណ៍ផ្សាយសំរាប់ខែសីហា: សៀវភៅស្តើងណាដែលមាន៣២ទំព័រដូចជា: តើព្រះពិតជាស្រឡាញ់មនុស្សយើងមែនឬ? ចូរសប្បាយនឹងជីវិតនៅលើផែនដីជានិរន្តរ៍ «មើល! អញធ្វើទាំងអស់ឡើងជាថ្មី» ស្មរបន្ទាល់ព្រះយេហូវ៉ា តើពួកគេជាអ្នកណា? តើគេជឿអ្វីខ្លះ? វិញ្ញាណនៃមនុស្សស្លាប់ តើគេអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? រដ្ឋាភិបាលដែលនឹងនាំមកនូវទីមនោរម តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? របៀបទទួលបានជីវិតដ៏គាប់ចិត្ត។ កញ្ញា: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ តុលា: ទស្សនាវដ្ដីប៉មយាម។ បើជួបអ្នកចាប់អារម្មណ៍អាចផ្ដល់ឲ្យសៀវភៅស្តើងតម្រូវ។ ជាពិសេសសូមខំព្យាយាមចាប់ផ្ដើមការសិក្សាព្រះគម្ពីរ។ វិច្ឆិកា: សៀវភៅស្តើងតើព្រះពិតជាស្រឡាញ់មនុស្សយើងមែនឬ? សូមខំព្យាយាមចាប់ផ្ដើមការសិក្សាព្រះគម្ពីរ។
◼ ប្រធានត្រួតពិនិត្យឬក៏អ្នកណាម្នាក់ដែលគាត់ចាត់តាំងគួរជំរះបញ្ជីគណនីរបស់ក្រុមជំនុំនៅថ្ងៃទី១ ខែកញ្ញា ឬបើអាចបាន សូមធ្វើនៅថ្ងៃបន្ទាប់យ៉ាងប្រញាប់បំផុត។ ពេលកិច្ចការនេះបានធ្វើរួចហើយ សូមជំរាបប្រាប់ក្រុមជំនុំ ដោយអានសេចក្ដីរាយការណ៍គណនីជាបន្ទាប់។
◼ ក្រុមជំនុំទាំងឡាយគួរចាប់ផ្ដើមស្នើសុំប្រក្រតិទិនស្មរបន្ទាល់ព្រះយេហូវ៉ា ឆ្នាំ២០០៥ សៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០៥ និងសៀវភៅប្រចាំឆ្នាំនៃស្មរបន្ទាល់ព្រះយេហូវ៉ា ឆ្នាំ២០០៥ នេះដាក់ជាប់នឹងប័ណ្ណស្នើសុំប្រកាសនវត្ថុជាបន្ទាប់។ សំបុត្រដែលថា«សេចក្ដីជូនដំណឹងដល់ក្រុមជំនុំទាំងឡាយ»ត្រូវផ្ញើទៅក្រុមជំនុំជារៀងរាល់ខែដោយរាយនាមភាសាទាំងប៉ុន្មានដែលអាចស្នើសុំសៀវភៅទាំងនោះបាន។
◼ បញ្ជីសារពើភណ្ឌសំរាប់ប្រកាសនវត្ថុនិងទស្សនាវដ្ដីទាំងអស់ដែលក្រុមជំនុំស្តុកទុក ត្រូវធ្វើឡើងនៅចំថ្ងៃទី៣១ ខែសីហា ឆ្នាំ២០០៤ ឬក៏ជិតបំផុតនៃថ្ងៃនោះតាមតែលទ្ធភាព។ បញ្ជីសារពើភណ្ឌនោះ គឺស្រដៀងនឹងការរាប់ដែលអ្នកទទួលខុសត្រូវផ្នែកប្រកាសនវត្ថុត្រូវធ្វើជារៀងរាល់ខែ ហើយចំនួនសរុបត្រូវកត់លើក្រដាស(S-18)។ ចំនួនសរុបទស្សនាវដ្ដីអាចសួរអ្នកទទួលខុសត្រូវផ្នែកទស្សនាវដ្ដី។ ស្មៀនរបស់ក្រុមជំនុំដែលមានភារកិច្ចសម្របសម្រួលគួរត្រួតពិនិត្យបញ្ជីសារពើភណ្ឌ។ គាត់ជាមួយនឹងប្រធានត្រួតពិនិត្យក្នុងក្រុមជំនុំដែលនឹងសម្របសម្រួលនោះ ត្រូវចុះហត្ថលេខាលើក្រដាសដែលត្រូវបំពេញ។ ក្រុមជំនុំនិមួយៗដែលទទួលខុសត្រូវផ្នែកសម្របសម្រួល នឹងទទួលបញ្ជីសារពើភណ្ឌចំនួនបីច្បាប់(S-18)។ សូមផ្ញើច្បាប់ដើមទៅដល់ការិយាល័យបកប្រែមិនហួសពីថ្ងៃទី៦ ខែកញ្ញា។ ទុកច្បាប់ចម្លងមួយដើម្បីដាក់ជាមួយឯកសាររបស់អ្នក។ ច្បាប់ទីបីអាចប្រើដើម្បីសរសេរព្រាង។