សេចក្ដីជូនដំណឹង
◼ ឧបករណ៍ផ្សាយសំរាប់ខែមីនា: សៀវភៅស្តើងចូរចាំយាមចុះ! បើម្ចាស់ផ្ទះចាប់អារម្មណ៍យ៉ាងស្មោះនោះ បង្ហាញសៀវភៅចំណេះហើយព្យាយាមចាប់ផ្ដើមការសិក្សា។ មេសានិងឧសភា: ទស្សនាវដ្ដីប៉មយាម។ ពេលត្រឡប់ទៅជួបអ្នកចាប់អារម្មណ៍ ចូរទៅជួបអ្នកដែលបានចូលរួមពិធីបុណ្យរំឭកឬការប្រជុំសំខាន់ៗផ្សេងទៀតសូម្បីតែអត់ចូលរួមសកម្មភាពផ្សេងទៀតក្នុងក្រុមជំនុំ។ សូមខំព្យាយាមជូនសៀវភៅចូរថ្វាយបង្គំព្រះ។ សូមខំព្យាយាមចាប់ផ្ដើមការសិក្សាព្រះគម្ពីរ ជាពិសេស បើបុគ្គលនោះបានសិក្សាសៀវភៅចំណេះ និងសៀវភៅស្តើងតម្រូវរួចហើយ។ មិថុនា: សៀវភៅរឿងព្រះគម្ពីររបស់ខ្ញុំ។ បើម្ចាស់ផ្ទះឥតមានកូន សូមស្នើផ្ដល់សៀវភៅស្តើងតម្រូវ។ សូមខំព្យាយាមចាប់ផ្ដើមការសិក្សាព្រះគម្ពីរ។
◼ ពេលទស្សនាវដ្ដីថ្មីមកដល់ក្រុមជំនុំ នោះគឺសំខាន់ឲ្យបងប្អូនប្រុសៗដែលទទួលខុសត្រូវខាងទស្សនាវដ្ដីនៅសាលប្រជុំ ចែកទស្សនាវដ្ដីប៉មយាមភ្លាមៗ។ បើធ្វើដូច្នេះ គឺឲ្យបងប្អូនជាអ្នកផ្សាយមានឱកាសអានទស្សនាវដ្ដីផ្ទាល់ខ្លួន មុនគេផ្ដល់ទស្សនាវដ្ដីក្នុងកិច្ចបំរើផ្សាយ។ ពេលកិច្ចបំរើព្រះរាជាណាចក្រយើងមកដល់ក្រុមជំនុំនោះ ត្រូវចែកឲ្យបងប្អូនជាអ្នកផ្សាយភ្លាមៗដែរ។ កិច្ចបំរើព្រះរាជាណាចក្រយើងក៏អាចចែកតាមការសិក្សាក្រុមជំនុំ។
◼ នៅពេលដែលយើងរៀបគម្រោងធ្វើដំណើរដើរលេងប្រទេសផ្សេង រួមទាំងចូលរួមកិច្ចប្រជុំក្រុមជំនុំ សន្និបាត ឬមហាសន្និបាតតាមតំបន់ នោះការសុំពត៌មានអំពីថ្ងៃខែ វេលាម៉ោង និងទីកន្លែងនានា ត្រូវផ្ញើទៅការិយាល័យសាខាដែលទទួលខុសត្រូវកិច្ចការផ្សាយនៅប្រទេសនោះ។ មានបញ្ជីអាស័យដ្ឋាននានានៅទំព័រចុងក្រោយនៃ សៀវភៅប្រចាំឆ្នាំថ្មីៗនេះ។
◼ លេខាក្រុមជំនុំនានាគួរទុកឲ្យមានបញ្ជីមួយចំនួនគ្រប់គ្រាន់នៃបញ្ជីនិមួយៗដូចតទៅនេះ ការដាក់ពាក្យសុំបំរើជាអ្នកត្រួសត្រាយពេញពេល (S-205) និងការដាក់ពាក្យសុំបំរើជាអ្នកត្រួសត្រាយជំនួយ (S-205b)។ គឺអាចស្នើសុំបញ្ជីទាំងនេះតាមរយៈបញ្ជីសុំប្រកាសនវត្ថុ (S-14)។ សូមទុកឲ្យមានចំនួនគ្រប់គ្រាន់យ៉ាងហោចណាស់ក៏សំរាប់មួយឆ្នាំដែរ។
◼ ចាប់ពីសប្ដាហ៍ថ្ងៃទី២៣ ខែឧសភា ឆ្នាំ២០០៥ យើងនឹងសិក្សាសៀវភៅស្តើង ចូរចាំយាមចុះ! ក្នុងការសិក្សាសៀវភៅតាមក្រុមជំនុំ។
◼ បងប្អូនទាំងអស់ពិតជាគួរចង់មានវត្តមាននៅកិច្ចប្រជុំសាធារណៈនៅថ្ងៃអាទិត្យ ទី២០ ខែមីនា ដោយសារនឹងមានសេចក្ដីជូនដំណឹងពិសេសមួយស្តីអំពីសំវិធានការមួយដែលអ្នកផ្សព្វផ្សាយអាចទទួលបាន។
◼ ពិធីបុណ្យរំឭកនឹងធ្វើឡើងនៅថ្ងៃព្រហស្បតិ៍ ទី២៤ ខែមីនា ឆ្នាំ២០០៥។ បើសិនជាក្រុមជំនុំរបស់អ្នកធម្មតាមានប្រជុំនៅថ្ងៃព្រហស្បតិ៍ ប្រជុំទាំងនោះត្រូវប្ដូរទៅថ្ងៃផ្សេងទៀតក្នុងអាទិត្យនោះ បើសិនជាសាលព្រះរាជាណាចក្រនៅទំនេរ។ បើសិនជាគ្មានលទ្ធភាពធ្វើដូច្នេះ ហើយនេះប៉ះពាល់នឹងការប្រជុំអប់រំកិច្ចបំរើរបស់អ្នក នោះផ្នែកណាដែលទាក់ទងក្រុមជំនុំរបស់អ្នកជាពិសេស អាចត្រូវរួមបញ្ចូលក្នុងការប្រជុំអប់រំកិច្ចបំរើមួយផ្សេងទៀត។
◼ អ្នកផ្សាយមួយចំនួនបានទូរស័ព្ទទៅការិយាល័យសាខា សួរអំពីបទចំរៀងព្រះរាជាណាចក្រខ្លះៗដែលត្រូវច្រៀងតាមស្ទីលពេញនិយមមួយ ដែលសព្វថ្ងៃនេះស្មរបន្ទាល់ព្រះយេហូវ៉ាកំពុងតែចែកគ្នាស្ដាប់។ ពួកគាត់ឆ្ងល់ថាតើបទចំរៀងទាំងនេះមានការអនុញ្ញាតពីអង្គការរបស់យើងឬក៏អត់? យើងដឹងថាមានបទចំរៀងទាំងនេះ ហើយយើងសូមជំរាបបងប្អូនថា បទចំរៀងទាំងនេះគឺមិនមានការអនុញ្ញាតពីយើងឡើយ។ សូមកុំចែកបទចំរៀងទាំងនេះឬយកពីប្រព័ន្ធអ៊ិនថឺណិតឡើយ។ យើងទុកចិត្តថាពត៌មាននេះនិងជួយបំភ្លឺបងប្អូនអំពីរឿងនេះ។