យោបល់សំរាប់ពាក្យផ្សព្វផ្សាយ
តើព្រះពិតជាស្រឡាញ់មនុស្សយើងមែនឬ?
បន្ទាប់ពីបាននិយាយអំពីព្រឹត្ដិការណ៍ដ៏គួរឲ្យខ្លោចផ្សាមួយ អ្នកអាចនិយាយថា៖
«តើអ្នកធ្លាប់ឆ្ងល់ថាហេតុអ្វីព្រះអនុញ្ញាតឲ្យមនុស្សរងទុក្ខបើទ្រង់ពិតជាស្រឡាញ់យើងមែននោះ? [អនុញ្ញាតឲ្យឆ្លើយ] សៀវភៅស្តើងនោះមានចម្លើយដ៏គាប់ចិត្តមួយសំរាប់សំណួរនេះ ហើយបង្ហាញថាព្រះនឹងធ្វើអ្វីនៅពេលអនាគតដ៏ឆាប់នេះ។ [សូមបង្ហាញរូបភាពនៅទំព័រ២៧ ហើយអានទំនុកដំកើង ១៤៥:១៦ ពីវគ្គ២២] តើព្រះនឹងបំបាត់ការរងទុក្ខទាំងអស់ដែលមនុស្សជាតិបានពិសោធយ៉ាងដូចម្ដេច? ខ្ញុំសូមឆ្លើយសំណួរនោះពេលខ្ញុំមកលើកក្រោយ»។ សូមជូនសៀវភៅស្តើង ហើយណាត់ពេលត្រឡប់មកវិញ។
ពេលត្រឡប់មកជួបអ្នកអាចនិយាយថា៖
«ពេលដែលខ្ញុំបានមកលើកមុន យើងបានអានបទគម្ពីរនេះ។ [សូមអានឬដកស្រង់ទំនុកដំកើង ១៤៥:១៦] បន្ទាប់មកខ្ញុំបានលើកសំណួរថាតើព្រះនឹងបំបាត់ការរងទុក្ខទាំងអស់ដែលមនុស្សជាតិបានពិសោធយ៉ាងដូចម្ដេច?» សូមអញ្ជើញគាត់យកសៀវភៅស្តើងរបស់គាត់។ បន្ទាប់មកបើកទំព័រ២៧-២៨ ហើយពិនិត្យមើលវគ្គ២៣-២៥។ សូមស្នើផ្ដល់ការសិក្សាព្រះគម្ពីរមួយឬក៏ណាត់ពេលដើម្បីពន្យល់វគ្គ២៦-២៧ ពេលត្រឡប់មកលើកក្រោយ។
យុវវ័យម្នាក់អាចនិយាយថា៖
«មនុស្សជាច្រើនដែលមានអាយុស្រករគ្នានឹងខ្ញុំបារម្ភថាតើពិភពលោកនឹងទៅជាអ្វីក្នុងរយ:ពេល១០ឬ១៥ឆ្នាំទៀត? តើអ្នកគិតថាពេលនោះជីវិតនឹងទៅជាយ៉ាងណា? [អនុញ្ញាតឲ្យឆ្លើយ] បញ្ហាផ្សេងៗដែលយើងឃើញសព្វថ្ងៃនេះ សឲ្យឃើញថាយើងកំពុងរស់នៅថ្ងៃជាន់ក្រោយបង្អស់។ [សូមអានធីម៉ូថេទី២ ៣:១-៣] សៀវភៅស្តើង នេះមានចម្លើយសំរាប់សំណួរដែលមានជាបន្តបន្ទាប់នេះ។ [សូមអានសំណួរនៅលើក្រប ហើយជូនសៀវភៅស្តើង] កាលណាខ្ញុំត្រឡប់មកវិញ បើអ្នកមានពេលពីរបីនាទី ខ្ញុំសូមប្រាប់ព័ត៌មានដែលលើកទឹកចិត្តអំពីទីបញ្ចប់នៃជម្ងឺនិងជរាភាព»។ សូមណាត់ពេលដើម្បីត្រឡប់មកវិញ។
កាលណាអ្នកត្រឡប់មកវិញអ្នកអាចនិយាយថា៖
«នៅពេលថ្មីៗនេះដែលយើងបាននិយាយគ្នានោះ ខ្ញុំបាននិយាយថាខ្ញុំចង់ប្រាប់អ្នកអំពីទីបញ្ចប់នៃជម្ងឺនិងជរាភាព។ ចំណុចនោះបានត្រូវរកឃើញនៅត្រង់នេះ»។ សូមអញ្ជើញគាត់យកសៀវភៅស្តើងរបស់គាត់។ ក្រោយនោះអានហើយពិភាក្សាវគ្គ៦-៧នៅទំព័រ២៣-២៤។ សូមណាត់ពេលដើម្បីពិនិត្យមើលវគ្គ៨-៩ពេលមកលើកក្រោយ។
កាលណាផ្សព្វផ្សាយជាមួយកុមារមនុស្សពេញវ័យអាចណែនាំឲ្យគេស្គាល់ទាំងពីរនាក់ហើយនិយាយថា៖
«បើអ្នកអនុញ្ញាត________សូមអានបទគម្ពីរមួយជូនអ្នក។ [កុមារនោះអានទំនុកដំកើង ៣៧:២៩ ហើយធ្វើអត្ថាធិប្បាយដ៏ខ្លីមួយ] សៀវភៅស្តើងនេះពន្យល់ថាតើព្រះនឹងសម្រេចគោលបំណងរបស់ទ្រង់យ៉ាងណាចំពោះមនុស្សជាតិនិងផែនដី? [បង្ហាញរូបភាពនៅទំព័រ២៤-២៧] កាលណាយើងត្រឡប់មកវិញ ខ្ញុំសូមបង្ហាញអ្នកនូវសេចក្ដីសន្យាដ៏អស្ចារ្យក្នុងព្រះគម្ពីរស្តីពីដំណើររស់ឡើងវិញ»។ សូមជូនសៀវភៅស្តើងហើយណាត់ពេលត្រឡប់មកវិញ។
ពេលត្រឡប់មកជួប មនុស្សពេញវ័យអាចនិយាយថា៖
«ពេលខ្ញុំមកលើកមុន យើងបានអានទំនុកដំកើង ៣៧:២៩ ហើយខ្ញុំបាននិយាយថាខ្ញុំចង់បង្ហាញអ្នកនូវអ្វីដែលព្រះគម្ពីរនិយាយអំពីដំណើររស់ឡើងវិញ។ សូមកត់សម្គាល់នូវអ្វីដែលត្រូវបានប្រាប់នៅត្រង់នេះ»។ សូមអញ្ជើញគាត់យកសៀវភៅស្តើងរបស់គាត់មក។ ក្រោយនោះពិនិត្យមើលវគ្គ១២-១៤នៅទំព័រ២៤-២៥។ សូមសួរថាតើគាត់ចង់រៀនព្រះគម្ពីរទេ? ឬក៏អ្នកអាចណាត់ពេលដើម្បីពន្យល់វគ្គ១៥-១៦ ពេលត្រឡប់មកលើកក្រោយ។