កម្មវិធីប្រជុំអប់រំកិច្ចបំរើ
សូមកត់សំគាល់: ក្នុងកិច្ចបំរើព្រះរាជាណាចក្រយើង មានកម្មវិធីមួយសំរាប់ប្រជុំអប់រំកិច្ចបំរើប្រចាំសប្ដាហ៍ក្នុងកំឡុងខែវិច្ឆិកា។ ក្រុមជំនុំអាចកែប្រែកម្មវិធីប្រជុំតាមដែលត្រូវការ ដើម្បីចូលរួមមហាសន្និបាតប្រធានថា «ចូរស្ដាប់បង្គាប់ព្រះ»។ បើសមគួរ ចូរឆ្លៀត១៥នាទីនៅប្រជុំអប់រំកិច្ចបំរើចុងក្រោយមុនមហាសន្និបាត ដើម្បីសើរើឡើងវិញនូវយោបល់ជាក់លាក់ពីសន្លឹកបន្ថែមនៃកិច្ចបំរើព្រះរាជាណាចក្រយើង សំរាប់ខែសីហាដែលអាចយកមកអនុវត្តក្នុងតំបន់របស់អ្នក។ មួយឬពីរខែក្រោយមហាសន្និបាត ចូរឆ្លៀត១៥នាទីទៅ២០នាទីនៅប្រជុំអប់រំកិច្ចបំរើ (ប្រហែលជាជំនួសផ្នែកសេចក្ដីត្រូវការតាមតំបន់) ដើម្បីសើរើឡើងវិញនូវចំណុចសំខាន់ៗពីកម្មវិធីមហាសន្និបាតដែលអ្នកផ្សាយឃើញថាមានប្រសិទ្ធភាពក្នុងកិច្ចផ្សព្វផ្សាយ។ ផ្នែកពិសេសនេះនឹងផ្ដល់ឱកាសឲ្យពន្យល់នូវរបៀបយើងកំពុងតែអនុវត្តតាមអ្វីដែលបានរៀននៅមហាសន្និបាត ហើយរបៀបនោះបានជួយឲ្យមានប្រសិទ្ធភាពច្រើនជាងក្នុងកិច្ចបំរើ។
សប្ដាហ៍ចាប់ផ្ដើមថ្ងៃទី១៤ ខែវិច្ឆិកា
ចំរៀងលេខ១៩
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ បើសមនឹងតំបន់ផ្សាយរបស់ក្រុមជំនុំ សូមប្រើយោបល់ទី១នៅទំព័រទី៤ ដើម្បីធ្វើការសំដែងដែលបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែធ្នូ។ អាចប្រើពាក្យផ្សាយផ្សេងទៀតក៏បានដែរ។ ក្នុងការសំដែង ចូរបង្ហាញនូវរបៀបដែលអាចតបឆ្លើយពេលម្ចាស់ផ្ទះនិយាយថា«ខ្ញុំមិនចាប់អារម្មណ៍នឹងរឿងសាសនាទេ»។—សូមមើលកូនសៀវភៅ របៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ទំព័រ៩
១៥ នាទី: របៀបជួយឲ្យបងប្អូនវ័យចាស់ចូលរួមកិច្ចផ្សព្វផ្សាយ។ បងប្អូនវ័យចាស់ជាច្រើននាក់ចង់ផ្សព្វផ្សាយយ៉ាងខ្លាំងជាមួយក្រុមជំនុំ តែពួកគាត់ពិបាកចូលរួមដោយសារមានអាយុច្រើននិងបញ្ហាសុខភាព។ មានវិធីផ្សេងៗដែលយើងអាចយកចិត្តទុកដាក់ចំពោះពួកគាត់ ដើម្បីផ្ដល់ឱកាសឲ្យគាត់ចូលរួមក្រុមផ្សព្វផ្សាយជាមួយនឹងយើងគឺដោយជូនពួកគាត់មកក្រុមផ្សព្វផ្សាយ។ រៀបចំឲ្យពួកគាត់ផ្សព្វផ្សាយនៅកន្លែងដែលមិនចាំបាច់ឡើងជណ្ដើរច្រើន។ ចតឡាននៅជិតកន្លែងផ្សាយដើម្បីឲ្យពួកគាត់អាចសំរាកពេលដែលអស់កំឡាំង។ សុំជូនពួកគាត់ទៅត្រឡប់ទៅជួបរបស់ពួកគាត់។ ប្រាប់ពួកគាត់ឲ្យដឹងថាអ្នកអាចជូនទៅផ្ទះវិញពេលដែលពួកគាត់ចង់ឈប់។ ពេលដែលបងប្អូនវ័យចាស់ទទួលជំនួយ ពួកគាត់តែងត្រេកអរ។ ចូរប្រាប់ពីវិធីផ្សេងទៀតដែលក្រុមជំនុំកំពុងតែយកចិត្តទុកដាក់បងប្អូនវ័យចាស់។
២០ នាទី: «ចូរថ្លែងប្រាប់ពីសិរីល្អរបស់ព្រះយេហូវ៉ា»។a នៅពេលពិភាក្សាវគ្គ៤ ចូរអញ្ជើញអ្នកស្ដាប់រៀបរាប់យ៉ាងខ្លីនូវបទពិសោធន៍ ដែលបង្ហាញថាការប្រព្រឹត្តដ៏ល្អហុចឱកាសឲ្យយើងធ្វើបន្ទាល់។
ចំរៀងលេខ៥២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២១ ខែវិច្ឆិកា
ចំរៀងលេខ១៧៧
១០ នាទី: សេចក្ដីជូនដំណឹងតាមតំបន់។
២០ នាទី: ចូរប្រើប្រកាសនវត្ថុរបស់យើងតាមរបៀបដែលមានប្រយោជន៍បំផុត។ សុន្ទរកថាដែលថ្លែងដោយអ្នកចាស់ទុំ។ យោងទៅតាមសេចក្ដីរាយការណ៍ រាល់ខែបណ្ដាក្រុមជំនុំកុម្មង់ទស្សនាវដ្ដីច្រើនលើសជាងតម្រូវការ។ សេចក្ដីរាយការណ៍ពីកិច្ចផ្សាយបង្ហាញថា ចំនួនទស្សនាវដ្ដីដែលបងប្អូនរាយការណ៍ថាបានចែកនោះ គឺជួនកាលត្រឹមតែ៥០ភាគរយនៃចំនួនទស្សនាវដ្ដីដែលកុម្មង់។ (បញ្ជាក់ស្ថិតិរបស់ក្រុមជំនុំ) តើអ្វីកើតឡើងដល់ទស្សនាវដ្ដីដែលនៅសល់? ទស្សនាវដ្ដីជាច្រើនបានទុកចោលក្នុងទូឬបោះចោលតែម្ដង។ តើយើងអាចចៀសវាងបញ្ហានេះយ៉ាងដូចម្ដេច? អ្នកផ្សាយម្នាក់ៗគួរតែគិតមើលឲ្យបានជ្រៅជ្រះថាតើត្រូវការទស្សនាវដ្ដីប៉ុន្មានក្បាល រួចត្រូវកុម្មង់តែចំនួនដែលគាត់អាចចែកបាន។ ចូរយើងខំចែកទស្សនាវដ្ដីដល់មនុស្សទាំងអស់ដែលយើងជួប។ កុំទុកចោលទស្សនាវដ្ដីចាស់ឡើយ។ ចូរប្រើទស្សនាវដ្ដីក្នុងកិច្ចផ្សព្វផ្សាយជារឿយៗ។ កុំភ្លេចថាត្រូវប្រាប់ម្ចាស់ផ្ទះអំពីការជូនវិភាគទាន។ យើងក៏ត្រូវដាក់វិភាគទានក្នុងប្រអប់ឲ្យបានឆាប់បំផុត។
១៥ នាទី: «ចូរបង្ហាញចំណាប់អារម្មណ៍ដោយចេះសង្កេតមើល»។b ចូរធ្វើការសំដែងមួយ ដែលក្នុងនោះអ្នកផ្សាយកត់សំគាល់នូវអ្វីមួយដែលជួយឲ្យដឹងថាម្ចាស់ផ្ទះចាប់អារម្មណ៍រឿងអ្វីខ្លះ រួចមកក៏កែសម្រួលពាក្យផ្សាយឲ្យបានសមស្រប។
ចំរៀងលេខ៧៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៨ ខែវិច្ឆិកា
ចំរៀងលេខ២១៧
១២ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនីព្រមទាំងអានសំបុត្រដែលបញ្ជាក់ថាបានទទួលវិភាគទាន។ រំឭកអ្នកផ្សាយឲ្យជូនសេចក្ដីរាយការណ៍ពីកិច្ចផ្សាយសំរាប់ខែវិច្ឆិកា។ បើសមនឹងតំបន់ផ្សាយរបស់ក្រុមជំនុំ សូមប្រើយោបល់ទីពីរនៅទំព័រទី៤ ដើម្បីបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែធ្នូ។ អាចប្រើពាក្យផ្សាយផ្សេងទៀតក៏បានដែរ។ ប្រាប់ម្ចាស់ផ្ទះអំពីការជូនវិភាគទាន។
១៥ នាទី: «តើយើងអាចជួយយ៉ាងណា?»។ សុន្ទរកថា។ ចូរប្រាប់ឧទាហរណ៍អំពីរបៀបអ្នកបំរើព្រះយេហូវ៉ាបានខំប្រឹងជួយបងប្អូនដែលខ្វះខាតខ្លាំង។ រួចមកចូរពន្យល់គោលចំណុចពីអត្ថបទនៅទំព័រទី៣ក្នុងកិច្ចបំរើព្រះរាជាណាចក្រយើង។ ចូរសង្កត់ធ្ងន់ថា បើមានបងប្អូនណាចង់ធ្វើវិភាគទានជាជំនួយសំរាប់ជនរងគ្រោះនិងខាងមនុស្សធម៌ គឺប្រសើរជាងបើដាក់វិភាគទាននោះក្នុងប្រអប់សំរាប់កិច្ចការទូទាំងពិភពលោក។
១៨ នាទី: ការផ្សាយដំណឹងល្អក្នុងកំឡុងខែធ្នូ។ សុន្ទរកថានិងការពិភាក្សាជាមួយអ្នកស្ដាប់។ ចូរថ្លែងសុន្ទរកថាអស់ប្រាំនាទីសិន ដោយប្រើចំណុចពីក្នុងអត្ថបទចំណងជើងថា«វិធីប្រើគំរូអំពីពាក្យផ្សាយ» នៅទំព័រទី៨នៃកិច្ចបំរើព្រះរាជាណាចក្រយើង ខែមករា ឆ្នាំ២០០៥: (១) ធម្មតា មានប្រសិទ្ធភាពជាងបើកែប្រែពាក្យផ្សព្វផ្សាយនោះដើម្បីអាចនិយាយចេញពីចិត្ត។ (២) យើងត្រូវចេះរិះគិតហើយប្រើពាក្យផ្សាយឲ្យបានសមរម្យទៅតាមតំបន់របស់យើង។ (៣) យើងត្រូវតែគិតអំពីប្រវត្ដិ និងគំនិតរបស់មនុស្សនៅក្នុងតំបន់របស់យើង។ (៤) យើងគួរអានដោយយកចិត្តទុកដាក់នូវអត្ថបទឬជំពូកដែលយើងនឹងបង្ហាញម្ចាស់ផ្ទះ ហើយរកចំណុចណាដែលអាចធ្វើឲ្យគាត់ចាប់អារម្មណ៍។ (៥) យើងអាចប្រើពាក្យផ្សាយក្រៅពីពាក្យដែលមានក្នុងគំរូទាំងនោះ។ ពេលថ្លែងចប់ ចូរពិភាក្សារបៀបយកចំណុចនេះមកអនុវត្តពេលដែលជូនឧបករណ៍ផ្សាយសំរាប់ខែធ្នូ។ អ្នកអាចប្រើពាក្យផ្សាយក្នុងសន្លឹកបន្ថែមនៃកិច្ចបំរើព្រះរាជាណាចក្រយើង ខែមករា ឆ្នាំ២០០៥ ឬពាក្យផ្សាយផ្សេងទៀតដែលមានប្រសិទ្ធភាពតាមតំបន់។ ធ្វើការសំដែងមួយឬពីរ។
ចំរៀងលេខ១២៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៥ ខែធ្នូ
ចំរៀងលេខ២០២
១០ នាទី: សេចក្ដីជូនដំណឹងតាមតំបន់។
១៥ នាទី: សេចក្ដីត្រូវការតាមតំបន់។
២០ នាទី: «តើកិច្ចផ្សព្វផ្សាយរបស់យើងសំរេចអ្វីខ្លះ?»។c
ចំរៀងលេខ២៦ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។