សេចក្ដីជូនដំណឹង
◼ ឧបករណ៍ផ្សាយសំរាប់ខែធ្នូ: បុរសឧត្តមបំផុតដែលធ្លាប់រស់នៅ ឬក៏បើក្រុមជំនុំមាននៅក្នុងស្តុក សូមស្នើផ្ដល់សៀវភៅព្រះគម្ពីរ បន្ទូលនៃព្រះឬក៏ពាក្យសំដីនៃមនុស្ស? ឬសៀវភៅរឿងព្រះគម្ពីររបស់ខ្ញុំ ឬសៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ មករា: សៀវភៅ១៩២ទំព័រ ដែលមានក្រដាសប្រែពណ៌ពេលដែលចាស់ទៅ។ ប្រសិនបើម្ចាស់ផ្ទះមិនព្រមទទួលសៀវភៅនោះ ចូរជូនសៀវភៅស្តើងចូរចាំយាមចុះ! កុម្ភៈ: សៀវភៅចូរចូលទៅជិតព្រះយេហូវ៉ា។
◼ បន្ដិចទៀត លិខិតអញ្ជើញឲ្យចូលរួមពិធីបុណ្យរំឭកសំរាប់ឆ្នាំ២០០៦នឹងត្រូវផ្ញើមកជាភាសាដែលក្រុមជំនុំនីមួយៗប្រើ។ ប្រសិនបើមានភាសាផ្សេងទៀតដែលមនុស្សប្រើក្នុងតំបន់ផ្សាយរបស់ក្រុមជំនុំអ្នក ហើយអ្នកចង់បានលិខិតអញ្ជើញមួយចំនួនជាភាសាទាំងនោះ លិខិតនោះគួរស្នើសុំឲ្យបានឆាប់បំផុតដោយប្រើប័ណ្ណលេខS-14 (Literature Request Form)។
◼ សូមកត់សម្គាល់ថា ពិធីបុណ្យរំឭកនៅឆ្នាំ២០០៧ នឹងត្រូវប្រារព្ធឡើងនៅថ្ងៃច័ន្ទ ទី២ ខែមេសា ក្រោយពីថ្ងៃលិច។ ការប្រាប់នូវថ្ងៃខែឲ្យដឹងទុកជាមុននេះ គឺដើម្បី ឲ្យបងប្អូនមានឱកាសអាចរៀបចំទុកជាមុន ឬធ្វើកិច្ចសន្យាសំរាប់ជួលកន្លែងប្រជុំផ្សេងទៀត ក្នុងករណីដែលក្រុមជំនុំជាច្រើនប្រើសាលព្រះរាជាណាចក្រតែមួយ ហើយក្រុមជំនុំខ្លះត្រូវរកកន្លែងផ្សេងទៀត។ ក្នុងករណីនេះ អ្នកចាស់ទុំគួរព្រមព្រៀងគ្នាជាមួយនឹងអ្នកចាត់ការកន្លែងនោះ ដើម្បីធានាថាមិនមានការរំខានពីសកម្មភាពឯទៀតនៅក្នុងសាលនោះ ហើយដើម្បី ឲ្យពិធីបុណ្យរំឭកអាចប្រព្រឹត្តឡើងដោយមានដំណើរការល្អនិងមានរបៀបរៀបរយល្អផងដែរ។
◼ ដោយព្រោះពិធីបុណ្យរំឭកជាពិធីសំខាន់មួយ ក្រុមអ្នកចាស់ទុំគួរជ្រើសរើសអ្នកចាស់ទុំម្នាក់ដែលមានសមត្ថភាពឲ្យធ្វើជាអ្នកអធិប្បាយនៅពិធីបុណ្យរំឭក ជាជាងឆ្លាស់គ្នាម្នាក់ម្ដងៗ ឬប្រើបងប្រុសដដែលៗរាល់តែឆ្នាំ។ ប្រសិនបើមានអ្នកចាស់ទុំម្នាក់ដែលជាអ្នកចាក់ប្រេងតាំងហើយអាចថ្លែងសុន្ទរកថានោះបាន អ្នកចាស់ទុំគួរជ្រើសរើសគាត់ជាអ្នកថ្លែង។