សេចក្ដីជូនដំណឹង
◼ ឧបករណ៍ផ្សាយសម្រាប់ខែសីហា: សៀវភៅស្តើងណាដែលមាន៣២ទំព័រដូចជា: ចូរសប្បាយនឹងជីវិតនៅលើផែនដីជានិរន្តរ៍! រដ្ឋាភិបាលដែលនឹងនាំមកនូវទីមនោរម «មើល! អញធ្វើទាំងអស់ឡើងជាថ្មី» តើព្រះពិតជាស្រឡាញ់មនុស្សយើងមែនឬ? តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? ចូរចាំយាមចុះ! វិញ្ញាណនៃមនុស្សស្លាប់ តើគេអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? របៀបទទួលបានជីវិតដ៏គាប់ចិត្ត លោកអ្នកអាចធ្វើជាមិត្តសំឡាញ់របស់ព្រះ! ស្មរបន្ទាល់ព្រះយេហូវ៉ា តើពួកគេជាអ្នកណា? តើគេជឿអ្វីខ្លះ? និងតើព្រះតម្រូវអ្វីពីយើង? កញ្ញា: សៀវភៅតើព្រះគម្ពីរពិតជាបង្រៀនយ៉ាងណា? គួរត្រឡប់ទៅជួបអស់អ្នកដែលទទួលសៀវភៅនោះ ហើយព្យាយាមចាប់ផ្ដើមការសិក្សា។ តុលា: ទស្សនាវដ្ដីប៉មយាម។ បើម្ចាស់ផ្ទះចាប់អារម្មណ៍ ចូរបង្ហាញសៀវភៅស្តើងចូរចាំយាមចុះ! ដើម្បីបង្កើនចំណាប់អារម្មណ៍របស់គាត់ទៅលើព្រះគម្ពីរ។ វិច្ឆិកា: សៀវភៅរឿងព្រះគម្ពីររបស់ខ្ញុំ។
◼ ប្រធានត្រួតពិនិត្យឬក៏អ្នកណាម្នាក់ដែលគាត់ចាត់តាំងគួរត្រួតពិនិត្យបញ្ជីគណនេយ្យរបស់ក្រុមជំនុំនៅថ្ងៃទី១ ខែកញ្ញា ឬបើអាចបាន សូមធ្វើនៅថ្ងៃបន្ទាប់យ៉ាងប្រញាប់បំផុត។ បើមាន បញ្ជីគណនេយ្យផ្សេងដូចជាគណនេយ្យសម្រាប់ថែទាំសាលប្រជុំឬការសាងសង់ នោះគួរត្រួតពិនិត្យដែរ។ ពេលកិច្ចការនេះបានធ្វើរួចហើយ សូមជម្រាបប្រាប់ក្រុមជំនុំ ពេលដែលអានសេចក្ដីរាយការណ៍គណនេយ្យជាបន្ទាប់។
◼ ក្រុមជំនុំទាំងឡាយគួរចាប់ផ្ដើមស្នើសុំប្រតិទិនស្មរបន្ទាល់ព្រះយេហូវ៉ា ឆ្នាំ២០០៧ សៀវភៅការពិនិត្យមើលបទគម្ពីរប្រចាំថ្ងៃ ឆ្នាំ២០០៧ និងសៀវភៅប្រចាំឆ្នាំនៃស្មរបន្ទាល់ព្រះយេហូវ៉ា ឆ្នាំ២០០៧ នេះដាក់ជាប់នឹងប័ណ្ណស្នើសុំប្រកាសនវត្ថុជាបន្ទាប់។ សំបុត្រដែលថា«សេចក្ដីជូនដំណឹងដល់ក្រុមជំនុំទាំងឡាយ»ត្រូវផ្ញើទៅក្រុមជំនុំជារៀងរាល់ខែដោយរាយនាមភាសាទាំងប៉ុន្មានដែលអាចស្នើសុំសៀវភៅទាំងនោះបាន។