សេចក្ដីជូនដំណឹង
◼ មីនា : សៀវភៅតើព្រះគម្ពីរពិតជាបង្រៀនយ៉ាងណា? សូមព្យាយាមដើម្បីចាប់ផ្ដើមបង្រៀនគម្ពីរ។ មេសា និងឧសភា : ទស្សនាវដ្ដីប៉មយាម។ ចូរខំប្រឹងជាពិសេសដើម្បីត្រឡប់ទៅជួបអ្នកចាប់អារម្មណ៍ថ្មីដែលបានចូលរួមពិធីបុណ្យរំលឹក និងមកស្ដាប់សុន្ទរកថាពិសេស ក៏ប៉ុន្តែមិនមានសកម្មភាពជាមួយក្រុមជំនុំ។ ពេលត្រឡប់ទៅជួបអ្នកថ្មីនោះ យើងគួរមានគោលបំណងដើម្បីចាប់ផ្ដើមបង្រៀនគម្ពីរ។ មិថុនា : សៀវភៅព្រះគម្ពីរ បន្ទូលនៃព្រះឬក៏ពាក្យសំដីនៃមនុស្ស? ក្រុមជំនុំណាដែលមិនមានសៀវភៅនេះ ប្រហែលជាអាចផ្ដល់សៀវភៅចូរថ្វាយបង្គំព្រះពិតតែមួយ។
◼ ពេលក្រុមជំនុំបានទទួលទស្សនាវដ្ដីប៉មយាម និងទស្សនាវដ្ដីភ្ញាក់រលឹក! (Awake!) ដែលមកដល់ថ្មីៗ សូមចែកជូនបងប្អូនអ្នកផ្សាយភ្លាមៗ ដើម្បីឲ្យពួកគាត់អាចមានឱកាសអានជាមុន មុននឹងផ្ដល់ក្នុងកិច្ចបម្រើផ្សាយ។
◼ ប្រធានត្រួតពិនិត្យគួរចាត់បុគ្គលណាម្នាក់ឲ្យទៅត្រួតពិនិត្យគណនីរបស់ក្រុមជំនុំសម្រាប់ខែធ្នូ មករា និងកុម្ភៈ។ បុគ្គលដែលត្រូវត្រួតពិនិត្យគណនីរបស់ក្រុមជំនុំគួរជាមនុស្សខុសៗគ្នា។ ពេលកិច្ចការនេះធ្វើរួចហើយ សូមជម្រាបប្រាប់ក្រុមជំនុំ បន្ទាប់ពីអានសេចក្ដីរាយការណ៍ពីគណនី (សូមមើលក្រដាសណែនាំដើម្បីធ្វើគណនេយ្យក្រុមជំនុំ Instructions for Congregation Accounting—S-27)។
◼ ប្រធានសម្រាប់មហាសន្និបាតប្រចាំតំបន់ឆ្នាំ២០០៨ គឺ «ចូរឲ្យសកម្មពលរបស់ព្រះដឹកនាំជីវិតយើង»។ កិច្ចបម្រើព្រះខែមេសា មានព័ត៌មានល្អិតល្អន់ដែលអាចជួយយើងម្នាក់ៗឲ្យរៀបចំដើម្បីអាចចូលរួមស្ដាប់កម្មវិធីមហាសន្និបាតឲ្យបានពេញទាំងបីថ្ងៃ។ បើមានការចាំបាច់ត្រូវសុំច្បាប់និយោជកដើម្បីឲ្យអាចចូលរួមទាំងបីថ្ងៃបាន សូមកុំស្ទាក់ស្ទើរឡើយ។
◼ សប្ដាហ៍ចាប់ផ្ដើមថ្ងៃទី១៨ ខែសីហា ឆ្នាំ២០០៨ យើងនឹងសិក្សាសៀវភៅព្រះគម្ពីរ បន្ទូលនៃព្រះឬក៏ពាក្យសំដីនៃមនុស្ស? នៅឯការសិក្សាសៀវភៅតាមក្រុមជំនុំ។