សេចក្ដីជូនដំណឹង
◼ ឧបករណ៍ផ្សាយសម្រាប់ខែមីនា ឆ្នាំ២០១០: សៀវភៅតើព្រះគម្ពីរពិតជាបង្រៀនយ៉ាងណា? សូមព្យាយាមដើម្បីចាប់ផ្ដើមបង្រៀនគម្ពីរ។ មេសា និងឧសភា ឆ្នាំ២០១០: ទស្សនាវដ្ដីប៉មយាម។ ចូរខំប្រឹងជាពិសេសដើម្បីត្រឡប់ទៅជួបអ្នកចាប់អារម្មណ៍ថ្មីដែលបានចូលរួមពិធីរំលឹក និងមកស្ដាប់សុន្ទរកថាពិសេស ក៏ប៉ុន្តែមិនមានសកម្មភាពជាមួយក្រុមជំនុំ។ ពេលត្រឡប់ទៅជួបអ្នកថ្មីនោះ យើងគួរមានគោលបំណងដើម្បីចាប់ផ្ដើមបង្រៀនគម្ពីរ។ មិថុនា ឆ្នាំ២០១០: សៀវភៅតើព្រះគម្ពីរពិតជាបង្រៀនយ៉ាងណា? ប្រសិនបើម្ចាស់ផ្ទះមានសៀវភៅនេះហើយ សូមស្នើផ្ដល់សៀវភៅដែលមាន១៩២ទំព័របោះពុម្ពលើក្រដាសសាកពណ៌ ឬសៀវភៅមួយណាក៏បានដែលបានបោះពុម្ពមុនឆ្នាំ១៩៩៥។
◼ ពេលក្រុមជំនុំទទួលទស្សនាវដ្ដីប៉មយាម និងទស្សនាវដ្ដីភ្ញាក់រលឹក! (Awake!) ដែលមកដល់ថ្មីៗ សូមចែកជូនបងប្អូនអ្នកផ្សាយភ្លាមៗ ដើម្បីឲ្យពួកគាត់អាចមានឱកាសអានជាមុន មុនផ្ដល់ក្នុងកិច្ចបម្រើផ្សាយ។
◼ ពិធីរំលឹកនឹងត្រូវធ្វើឡើងនៅថ្ងៃអង្គារ ទី៣០ ខែមីនា ឆ្នាំ២០១០។ ចម្រៀងដែលត្រូវប្រើសម្រាប់ពិធីរំលឹកគឺចម្រៀងលេខ៨និងលេខ៥ពីសៀវភៅចម្រៀងថ្មី។ បើតាមធម្មតាក្រុមជំនុំរបស់អ្នកមានប្រជុំនៅថ្ងៃអង្គារ ប្រជុំទាំងនោះត្រូវប្ដូរទៅថ្ងៃផ្សេងទៀតក្នុងអាទិត្យនោះ។ បើសិនជាគ្មានលទ្ធភាពធ្វើដូច្នេះដោយសារមានក្រុមជំនុំជាច្រើនប្រើសាលប្រជុំនោះ គឺអាចលុបចោលប្រជុំ។ ផ្នែកណាក្នុងកម្មវិធីប្រជុំអប់រំកិច្ចបម្រើដែលទាក់ទងក្រុមជំនុំរបស់អ្នកជាពិសេស អាចត្រូវបញ្ចូលទៅក្នុងការប្រជុំអប់រំកិច្ចបម្រើនៅថ្ងៃណាមួយផ្សេងទៀត។