របៀបរស់នៅជាគ្រិស្តសាសនិក
សូមជឿជាក់ថាព្រះយេហូវ៉ានឹងបង្ហាញសេចក្ដីស្រឡាញ់ដ៏ស្មោះត្រង់ចំពោះអ្នក
ព្រះយេហូវ៉ាពិតជាឲ្យតម្លៃអ្នកខ្លាំងណាស់។ (អេ. ៤៣:៤) លោកបានទាញនាំអ្នកមកឯលោកនិងអង្គការរបស់លោក។ ដោយសារអ្នកបានប្រគល់ខ្លួនជូនព្រះនិងទទួលការជ្រមុជទឹក នោះអ្នកជារបស់ព្រះយេហូវ៉ា។ លោកនឹងមើលថែអ្នកដូចជាទ្រព្យដ៏ពិសេសរបស់លោក ទោះបីជាអ្នកជួបទុក្ខលំបាកណាក៏ដោយ។ លោកនឹងបង្ហាញសេចក្ដីស្រឡាញ់ដ៏ស្មោះត្រង់ចំពោះអ្នកតាមរយៈអង្គការរបស់លោក។—ចសព. ២៥:១០
យើងអាចបង្ហាញចិត្តដឹងគុណយ៉ាងជ្រាលជ្រៅចំពោះសេចក្ដីស្រឡាញ់ដ៏ស្មោះត្រង់របស់ព្រះយេហូវ៉ា ដោយរំពឹងគិតអំពីរបៀបដែលអង្គការរបស់លោកផ្ដល់ជំនួយពេលមានគ្រោះមហន្តរាយធម្មជាតិថ្មីៗនេះ។
សូមទស្សនាវីដេអូ សេចក្ដីរាយការណ៍ពីគណៈកម្មាធិការខាងការចាត់ចែងឆ្នាំ២០១៩ រួចឆ្លើយសំណួរដូចតទៅនេះ៖
តើតាមរបៀបណាគណៈកម្មាធិការខាងការចាត់ចែងជួយការិយាល័យសាខាផ្សេងៗឲ្យត្រៀមខ្លួនដើម្បីផ្ដល់ជំនួយពេលមានគ្រោះមហន្តរាយ?
តើតាមរបៀបណាអង្គការរបស់ព្រះយេហូវ៉ាបានផ្ដល់ការណែនាំនិងជំនួយពេលមានគ្រោះមហន្តរាយនៅប្រទេសឥណ្ឌូណេស៊ី និងប្រទេសនីហ្សេរីយ៉ា?
តើអ្នកមានចិត្តដឹងគុណចំពោះអ្វីខ្លះស្ដីអំពីរបៀបដែលអង្គការបានធ្វើពេលមានជំងឺរាតត្បាតកូវីដ-១៩?