របៀបរស់នៅជាគ្រិស្តសាសនិក
ចូរប្រើទំព័រដើមនៃគេហទំព័រJW.ORGក្នុងកិច្ចបម្រើផ្សាយរបស់អ្នក
ទំព័រដើមនៃគេហទំព័ររបស់យើងមានអត្ថបទនិងវីដេអូ ដែលបានត្រូវរៀបចំឡើងដើម្បីទាក់ទាញចំណាប់អារម្មណ៍មនុស្សដែលមានចិត្តគំនិតត្រឹមត្រូវក្នុងតំបន់ផ្សាយរបស់យើង។ (សកម្ម. ១៣:៤៨) អ្វីដែលមាននៅលើទំព័រដើមនៃគេហទំព័រច្រើនតែជាប្រធានបទ សាច់រឿងនៅក្នុងសារព័ត៌មាន ឬជាអ្វីដែលមនុស្សភាគច្រើនកំពុងគិតនិងនិយាយ។
តើតាមរបៀបណាអ្នកអាចប្រើទំព័រដើមនៃគេហទំព័រjw.orgក្នុងកិច្ចបម្រើផ្សាយ?
ចូលមើលគេហទំព័រជាទៀងទាត់។ សូមកត់សម្គាល់អ្វីដែលមាននៅទំព័រដើម ហើយគិតអំពីរបៀបដែលអ្នកអាចប្រើព័ត៌មានទាំងនោះដើម្បីជួយអ្នកដែលចាប់អារម្មណ៍។ (ដើម្បីមើលវីដេអូ ចម្រៀង អត្ថបទ និងព័ត៌មានថ្មីៗដែលបានត្រូវដាក់បន្ថែមក្នុងទំព័រដើម សូមចុច«អញ្ជើញមើលអ្វីថ្មី»)។ ការដឹងអ្វីថ្មីៗដែលមានក្នុងគេហទំព័រ នឹងជួយអ្នកឲ្យមានពាក្យផ្សាយថ្មីៗក្នុងកិច្ចបម្រើផ្សាយ។
ប្រើអត្ថបទ និងវីដេអូនៅទំព័រដើមនៃគេហទំព័រដើម្បីចាប់ផ្ដើមការសន្ទនា។ ព័ត៌មាននេះអាចជួយយើងឲ្យដឹងអ្វីដែលមនុស្សក្នុងតំបន់ផ្សាយកំពុងគិត។
បង្ហាញទំព័រដើមនៃគេហទំព័រទៅអ្នកឯទៀត។ បង្ហាញអត្ថបទជាក់លាក់ណាមួយ ហើយបង្ហាញពួកគេអំពីរបៀបស្វែងរកព័ត៌មានក្នុងគេហទំព័ររបស់យើង។
ផ្ញើតំណភ្ជាប់។ មនុស្សខ្លះមិនចង់និយាយជាមួយយើងដោយផ្ទាល់ទេ ប៉ុន្តែពួកគេសុខចិត្តចូលមើលគេហទំព័ររបស់យើង។ ដូច្នេះកុំស្ទាក់ស្ទើរក្នុងការផ្ញើតំណភ្ជាប់ទៅទំព័រដើមនៃគេហទំព័រដល់អ្នកដែលចាប់អារម្មណ៍ ឬអត្ថបទណាមួយ ឬវីដេអូដែលមាននៅក្នុងនោះ។