របៀបរស់នៅជាគ្រិស្តសាសនិក
តើអ្នកកំពុងប្រើកាតវីស៊ីតJW.ORGឲ្យបានប្រយោជន៍ច្រើនបំផុតឬទេ?
គ្រាទុក្ខវេទនាជាខ្លាំងជិតមកដល់ហើយ។ ហេតុនេះ កិច្ចការផ្សព្វផ្សាយរបស់យើងគឺបន្ទាន់ណាស់។ (សុភ. ២៤:១១, ១២, ២០) ដើម្បីជួយមនុស្ស យើងអាចប្រើកាតវីស៊ីតណែនាំពួកគេឲ្យស្គាល់គេហទំព័ររបស់យើងនិងបណ្ដាំរបស់ព្រះ។ កាតនោះមានបារកូដដែលបើកវីដេអូហេតុអ្វីគួររៀនគម្ពីរ? ហើយក៏មានសេចក្ដីអញ្ជើញពួកគេឲ្យទទួលព័ត៌មានថែមទៀត ឬស្នើសុំរៀនគម្ពីរដែរ។ មនុស្សខ្លះមិនចង់ទទួលសៀវភៅរបស់យើងទេ តែពួកគេសុខចិត្តចូលមើលគេហទំព័ររបស់យើង។ សូមកុំស្ទាក់ស្ទើរជូនកាតវីស៊ីតដល់ពួកគេឲ្យសោះ។ ទោះជាយ៉ាងនោះក៏ដោយ សូមកុំឲ្យកាតនោះដល់អ្នកដែលមិនបង្ហាញចំណាប់អារម្មណ៍ឡើយ។
ក្នុងសកម្មភាពប្រចាំថ្ងៃ ទោះជាអ្នកទៅណាមកណាក្ដី អ្នកអាចធ្វើឲ្យបុគ្គលម្នាក់មានចំណាប់អារម្មណ៍ ដោយគ្រាន់តែនិយាយថា៖ «ខ្ញុំមានអ្វីមួយចង់ជូនអ្នក។ កាតនេះបង្ហាញអំពីគេហទំព័រមួយដែលអ្នកអាចមើលព័ត៌មាននិងវីដេអូជាច្រើន ដោយឥតគិតថ្លៃ»។ (យ៉ូន. ៤:៧) ដោយសារកាតវីស៊ីតនោះតូច អ្នកទំនងជាអាចដាក់តាមខ្លួនពីរបីសន្លឹក ដើម្បីទុកឲ្យអ្នកឯទៀតនៅពេលណាក៏បាន។