សំវិធានការដើម្បីជួយយើងចៀសវាងពីឈាម
នៅឆ្នាំនេះ អ្នកផ្សាយដែលបានទទួលបុណ្យជ្រមុជទឹកហើយ មិនចាំបាច់បំពេញកាតបណ្ដាំជនរងគ្រោះ ឬប័ណ្ណសម្គាល់ទេ បើកាតដែលខ្លួនមានមិនប្រាប់ពីខែបោះពុម្ពឬក៏មានដាក់ ៣/៩៩ ជាខែបោះពុម្ពនោះ។ សំរាប់ប្រជុំអប់រំកិច្ចបំរើសប្ដាហ៍ចាប់ផ្ដើមថ្ងៃទី២៩ ខែធ្នូ លេខាគួរមានកាតគ្រប់គ្រាន់ល្មមសំរាប់អ្នកផ្សាយថ្មីៗ កូនៗរបស់ពួកគេ និងអ្នកណាដែលត្រូវការកាតថ្មី។ កាតទាំងនេះនឹងមិនត្រូវផ្ញើទៅក្រុមជំនុំទេ។ បើក្រុមជំនុំគ្មានកាតគ្រប់គ្រាន់ នោះលេខាអាចសុំពីក្រុមជំនុំដែលនៅក្បែរ ឬក៏សុំកាតបន្ថែមពេលក្រុមជំនុំផ្ញើបញ្ជីសុំប្រកាសនវត្ថុលើកក្រោយ។
កាតទាំងនេះគួរបំពេញយ៉ាងផ្ចិតផ្ចង់នៅផ្ទះ តែមិនត្រូវចុះហត្ថលេខាទេ។ នៅការសិក្សាសៀវភៅតាមក្រុមជំនុំបន្តបន្ទាប់នោះ ទើបអាចចុះហត្ថលេខាបាន ហើយត្រូវមានសាក្សីមើលអ្នកចុះហត្ថលេខា រួចមកគាត់ក៏ត្រូវចុះហត្ថលេខាដែរ ព្រមទាំងត្រូវសរសេរថ្ងៃខែផងដែរ។ បើត្រូវការជំនួយ បងប្អូនអាចទៅរកអ្នកត្រួតពិនិត្យក្រុមសិក្សាសៀវភៅរបស់អ្នក។ អ្នកដែលជាសាក្សីត្រូវឃើញម្ចាស់កាតនោះចុះហត្ថលេខាដោយផ្ទាល់ភ្នែក។
អ្នកផ្សាយមិនទាន់ទទួលបុណ្យជ្រមុជទឹកអាចសរសេរសេចក្ដីបង្គាប់មួយសំរាប់ខ្លួនឯងនិងកូនរបស់ខ្លួន ដោយដកស្រង់យកពាក្យខ្លះពីកាតបណ្ដាំជនរងគ្រោះ និងប័ណ្ណសម្គាល់។