យោបល់សម្រាប់សិក្សា
យោបល់សម្រាប់ការគោរពប្រណិប័តន៍ផ្ទាល់ខ្លួននិងជាក្រុមគ្រួសារ
យើងមិនគ្រាន់តែគោរពប្រណិប័តន៍ព្រះយេហូវ៉ាជាក្រុមធំនៅកិច្ចប្រជុំ សន្និបាត និងមហាសន្និបាតប៉ុណ្ណោះទេ តែយើងក៏គោរពប្រណិប័តន៍លោកជាក្រុមគ្រួសារនិងតែឯងដែរ។ នៅខាងក្រោមនេះមានយោបល់ខ្លះដែលអ្នកអាចគិតពិចារណាសម្រាប់ការគោរពប្រណិប័តន៍ផ្ទាល់ខ្លួននិងជាក្រុមគ្រួសារ៖
រៀបចំសម្រាប់កិច្ចប្រជុំក្រុមជំនុំ។ អ្នកអាចរួមបញ្ចូលការហាត់ច្រៀងចម្រៀង និងជួយសមាជិកទាំងអស់នៃក្រុមគ្រួសារឲ្យរៀបចំចម្លើយ។
អានកំណត់ហេតុមួយពីគម្ពីរ។ ក្រោយមក អ្នកអាចគូររូបអំពីព្រឹត្តិការណ៍មួយក្នុងកំណត់ហេតុនោះ ឬសរសេរអំពីចំណុចដែលអ្នកបានរៀន។
ពិចារណាសេចក្ដីអធិដ្ឋានមួយក្នុងគម្ពីរ ហើយគិតអំពីរបៀបដែលនោះអាចជួយអ្នកឲ្យអធិដ្ឋានបានល្អជាង។
ទស្សនាវីដេអូមួយពីគេហទំព័រjw.org/km ហើយក្រោយមកនិយាយជាមួយអ្នកឯទៀតអំពីវីដេអូនោះ ឬសរសេរអំពីអ្វីដែលអ្នកបានរៀនពីវីដេអូនោះ។
រៀបចំសម្រាប់កិច្ចបម្រើផ្សាយ ហើយក៏ប្រហែលជាហាត់ផ្សព្វផ្សាយដែរ។
មើលអ្វីៗដែលព្រះបានបង្កើត ហើយរំពឹងគិតឬនិយាយគ្នាអំពីអ្វីដែលនោះបង្រៀនអ្នកអំពីព្រះយេហូវ៉ា។a
a សូមមើលអត្ថបទដែលមានចំណងជើងថា «ចូររៀនថែមទៀតអំពីព្រះយេហូវ៉ាតាមរយៈការបង្កើតរបស់លោក» ក្នុងទស្សនាវដ្ដីប៉មយាម ខែមីនា ឆ្នាំ២០២៣។