ពួកគេបានឈប់ដើម្បីជួយខ្ញុំ
នៅក្រុងអាល់បឺតា ប្រទេសកាណាដា បងប្រុសបបកំពុងបើកបរក្នុងល្បឿនប្រហែល១០០គីឡូម៉ែត្រក្នុងមួយម៉ោង។ ក្រោមអាកាសធាតុត្រជាក់និងធ្លាក់ខ្យល់ នោះកង់ក្រោយខាងឆ្វេងនៃឡានរបស់គាត់ស្រាប់តែបែក។ បបមិនបានដឹងថាកង់ឡានរបស់គាត់បានបែកទេ ដូច្នេះគាត់នៅតែបន្តបើកប្រាំគីឡូម៉ែត្រទៀតដើម្បីទៅដល់ផ្ទះ។
បបបានពន្យល់អំពីអ្វីដែលបានកើតឡើងនោះនៅក្នុងសំបុត្រដែលគាត់បានសរសេរផ្ញើទៅសាលប្រជុំនៃសាក្សីព្រះយេហូវ៉ាថា៖ «ប្អូនៗវ័យក្មេងប្រាំនាក់ក្នុងឡានមួយបានបើកមកក្បែរឡានរបស់ខ្ញុំ ហើយបើកកញ្ចក់ប្រាប់ខ្ញុំថាកង់ឡានខ្ញុំបានបែកហើយ។ យើងបានឈប់ឡាន ហើយពួកគេបានស្នើជួយប្ដូរកង់ឲ្យខ្ញុំ។ ខ្ញុំមិនដឹងថាខ្ញុំមានកង់សឺគួរនិងឧបករណ៍ប្ដូរកង់ឬយ៉ាងណាទេ។ កាលដែលខ្ញុំកំពុងអង្គុយលើរទេះរុញរបស់ខ្ញុំលើផ្លូវជាតិ ពួកគេបានលូនចូលក្រោមឡានខ្ញុំ ហើយរកឃើញកង់សឺគួរ រួចប្ដូរកង់ឲ្យខ្ញុំ។ នៅពេលនោះអាកាសធាតុត្រជាក់ខ្លាំង ហើយក៏ធ្លាក់ព្រិលដែរ។ ពួកគេស្លៀកសម្លៀកបំពាក់ស្អាតបាត តែពួកគេនៅតែសុខចិត្តជួយខ្ញុំ។ ខ្ញុំដឹងច្បាស់ថាខ្ញុំមិនអាចអ្វីទាំងនេះដោយខ្លួនឯងបានទេ។
«អរគុណប្អូនៗសាក្សីប្រាំនាក់ដែលបានជួយខ្ញុំ។ ពួកគេកំពុងទៅជួបមនុស្សផ្សេងៗដើម្បីផ្សព្វផ្សាយ។ ប្អូនៗទាំងនេះពិតជាធ្វើតាមអ្វីដែលពួកគេបានផ្សព្វផ្សាយមែន។ ពួកគេបានជួយសង្គ្រោះខ្ញុំពីស្ថានភាពដ៏លំបាកនោះ ហើយខ្ញុំពិតជាដឹងគុណពួកគេណាស់។ ប្អូនៗទាំងនោះហាក់ដូចជាទេវតានៅលើផ្លូវជាតិនៅថ្ងៃនោះ»។