អ្នកអាចមានប្រាជ្ញា
«គ្រប់ទាំងបទគម្ពីរបានត្រូវសរសេរក្រោមការដឹកនាំរបស់ព្រះ»។ (ធីម៉ូថេទី២ ៣:១៦) ក្នុងខនេះពាក្យដែលថា «បានត្រូវសរសេរក្រោមការដឹកនាំ» មានន័យថាព្រះដ៏មានឫទ្ធានុភាពខ្លាំងក្លាបំផុត បានឲ្យអ្នកសរសេរគម្ពីរ កត់ទុកគំនិតរបស់លោក។
ព្រះអញ្ជើញអ្នកឲ្យទទួលប្រយោជន៍ពីប្រាជ្ញារបស់លោក
«ខ្ញុំជាយេហូវ៉ា ជា . . . អ្នកបង្រៀនអ្នករាល់គ្នាឲ្យទទួលប្រយោជន៍ និងជាអ្នកណែនាំអ្នករាល់គ្នាឲ្យដើរតាមផ្លូវដែលគួរដើរ។ បើអ្នករាល់គ្នាយកចិត្តទុកដាក់ធ្វើតាមបញ្ញត្តិខ្ញុំ នោះសេចក្ដីសុខសាន្តរបស់អ្នករាល់គ្នានឹងបានដូចជាទន្លេ ហើយសេចក្ដីសុចរិតរបស់អ្នករាល់គ្នានឹងដូចជារលកសមុទ្រដែរ។»។—អេសាយ ៤៨:១៧, ១៨
អ្នកអាចចាត់ទុកថាពាក្យទាំងនេះជាការអញ្ជើញពីព្រះផ្ទាល់។ លោកចង់ឲ្យអ្នកមានសេចក្ដីសុខសាន្តក្នុងចិត្តនិងសុភមង្គលជាយូរអង្វែង ហើយលោកអាចជួយឲ្យអ្នកទទួលអ្វីទាំងនេះ។
អ្នកអាចទទួលប្រាជ្ញារបស់ព្រះ
«ដំណឹងល្អនឹងត្រូវផ្សព្វផ្សាយដល់គ្រប់ប្រជាជាតិជាមុនសិន»។—ម៉ាកុស ១៣:១០
«ដំណឹងល្អ»នេះរួមបញ្ចូលសេចក្ដីសន្យារបស់ព្រះយេហូវ៉ាដែលថា លោកនឹងលុបបំបាត់រាល់ទុក្ខវេទនាទាំងឡាយ ធ្វើឲ្យផែនដីទៅជាសួនឧទ្យាន ហើយប្រោសមនុស្សជាទីស្រឡាញ់របស់យើងដែលបានស្លាប់ឲ្យរស់ឡើងវិញ។ សាក្សីព្រះយេហូវ៉ាកំពុងផ្សព្វផ្សាយដំណឹងនេះពីគម្ពីរនៅទូទាំងពិភពលោក។