តើអ្នកត្រូវធ្វើយ៉ាងណា?
៥០ តើអ្នកចង់រស់នៅជានិរន្តរ៍ក្នុងសួនមនោរម្យដ៏ល្អបំព្រងនោះទេ?
បើចង់មែន សូមអ្នកខំរៀនបន្ទូលរបស់ព្រះឲ្យបានច្រើនទៀត។ សូមខំប្រឹងប្រែងរៀនឲ្យចេះអានព្រះគម្ពីរ។—យ៉ូហាន ១៧:៣; វិវរណៈ ១:៣
៥១ សូមរៀនថែមទៀតអំពីព្រះយេស៊ូ។—ចោទិយកថា ១៨:១៨, ១៩; យ៉ូហាន ៣:១៦; កិច្ចការ ៣:១៩-២៣
៥២ សូមព្យាយាមធ្វើតែអំពើល្អនិងគោរពតាមព្រះយេហូវ៉ា។—រ៉ូម ៦:១៧, ១៨, ២២
៥៣ អ្នកនៅចាំទេ ព្រះយេហូវ៉ាមានបន្ទូលថា យើងមិនត្រូវសម្លាប់មនុស្សឡើយ។—និក្ខមនំ ២០:១៣; យ៉ូហានទី១ ៣:១១, ១២
៥៤ យើងមិនត្រូវយកវត្ថុរបស់អ្នកដទៃឡើយ។—និក្ខមនំ ២០:១៥; អេភេសូរ ៤:២៨
៥៥ បុរសម្នាក់ៗមិនត្រូវរួមដំណេកឬក៏រស់នៅជាមួយស្ត្រីណាមួយ លើកលែងតែនាងនោះជាប្រពន្ធរបស់គាត់។—និក្ខមនំ ២០:១៤, ១៧; ថែស្សាឡូនីចទី១ ៤:៣
៥៦ អ្នកនៅចាំទេ តើព្រះទ្រង់អនុញ្ញាតឲ្យប្ដីមានប្រពន្ធប៉ុន្មាន? តើប្ដីត្រូវរស់នៅជាមួយប្រពន្ធរបស់គាត់ប៉ុន្មានឆ្នាំ?—លោកុប្បត្តិ ២:២២, ២៤; ម៉ាថាយ ១៩:៥, ៦; កូរិនថូសទី១ ៧:២, ១០, ១១
៥៧ សូមអ្នកចងចាំដែរថា យើងត្រូវតែថ្វាយបង្គំតែព្រះយេហូវ៉ាប៉ុណ្ណោះ។—ម៉ាថាយ ៤:១០; កូរិនថូសទី១ ៨:៦
៥៨ រូបព្រះឬរូបសំណាកផ្សេងៗ មិនអាចជួយយើងបានទេ។ តើមកពីហេតុអ្វី?—កូរិនថូសទី១ ៨:៤
តើការមានរូបព្រះជាការល្អទេ?—ចោទិយកថា ២៧:១៥; យ៉ូហានទី១ ៥:២១
៥៩ តើហេតុអ្វីក៏ការប្រើគ្រឿងស្នេហ៍ឬគ្រឿងមន្តអាគមជាការអាក្រក់នោះ?—ចោទិយកថា ១៨:១០-១៣; វិវរណៈ ២១:៨
៦០ ពួកទេវតាអាក្រក់ឬពួកអារក្សបានបះបោរប្រឆាំងនឹងព្រះ។ ពួកវាប្រើគ្រូទាយដើម្បីបំភាន់មនុស្សលោកយើង។—កិច្ចការ ១៦:១៦
៦១ យើងត្រូវតែអធិស្ឋានទៅព្រះយេហូវ៉ា។ ការអធិស្ឋានមានន័យថា និយាយជាមួយនឹងព្រះ ហើយទូលប្រាប់ទ្រង់ថា យើងចង់បំរើទ្រង់ ហើយសូមឲ្យព្រះអង្គជួយយើង។—ភីលីព ៤:៦, ៧
៦២ យើងត្រូវតែគោរពនិងជឿព្រះយេស៊ូ។—ហេព្រើរ ៥:៩; យ៉ូហាន ៣:១៦
៦៣ សូមចាំថា ព្រះយេស៊ូបានទទួលមរណភាពដើម្បីសង្គ្រោះមនុស្សលោកយើង។—រ៉ូម ៥:៨
៦៤ សូមចាំថា ព្រះយេស៊ូជាស្តេចដ៏មើលមិនឃើញរបស់យើង។ យើងគួរតែគោរពតាមទ្រង់។—ភីលីព ២:៩-១១; វិវរណៈ ១៩:១៦
៦៥ ព្រះយេស៊ូបានមានបន្ទូលថា អ្នកគួរតែប្រាប់អ្នកដទៃអំពីសេចក្ដីល្អៗដែលអ្នកកំពុងតែរៀននេះ ហើយបើអ្នកណាមួយចង់បំរើព្រះ អ្នកនោះត្រូវតែធ្វើពិធីជ្រមុជទឹក។—ម៉ាថាយ ២៨:១៩, ២០; យ៉ូហាន ៤:៧-១៥
៦៦ ដូច្នេះ អ្នកអាចនិយាយប្រាប់មិត្តភក្ដ្ររបស់អ្នកអំពីសេចក្ដីល្អនេះ។—ម៉ាថាយ ១០:៣២
៦៧ កាលណាអ្នកចេះអានបានល្អ អ្នកនឹងអាចរៀនបានច្រើនថែមទៀត ហើយអ្នកនឹងអាចជួយអ្នកដទៃទៀតបានប្រសើរដែរ។—ធីម៉ូថេទី២ ២:១៥
៦៨ ព្រះយេស៊ូក៏បានបង្រៀនក្មេងតូចៗឲ្យចេះគោរពព្រះដែរ។ ទោះបីជាទ្រង់រវល់យ៉ាងណាក្ដី ក៏ទ្រង់នៅតែឆ្លៀតពេលនិយាយជាមួយនឹងក្មេងៗជានិច្ច។—ម៉ាថាយ ១៩:១៣-១៥
៦៩ មាតាបិតាទាំងឡាយត្រូវតែបង្រៀនកូនចៅរបស់ខ្លួនឲ្យចេះគោរពនិងស្រឡាញ់ព្រះ។—ចោទិយកថា ៦:៦, ៧; សុភាសិត ៦:២០-២២; អេភេសូរ ៦:៤
៧០ នៅក្នុងលោកីយ៍យើងនេះមានសាសនាច្រើនណាស់។ សេចក្ដីបង្រៀនរបស់សាសនាទាំងនោះភាគច្រើនមិនបានយកមកពីព្រះគម្ពីរទេ។ ព្រះយេហូវ៉ាមានបន្ទូលប្រាប់យើងឲ្យចាកចេញពីសាសនាណាដែលមិនបង្រៀនសេចក្ដីពិត។—វិវរណៈ ១៨:៤; យ៉ូហាន ៤:២៣, ២៤
៧១ នៅលើផែនដីនេះ ព្រះយេហូវ៉ាទ្រង់មានប្រជារាស្ត្រដែលអាចបង្រៀនអ្នកឲ្យដឹងច្រើនថែមទៀតអំពីទ្រង់។ តើអ្នកដឹងថា ពួកគេជាពួកណាទេ?—កិច្ចការ ១៥:១៤; រ៉ូម ១០:១៤, ១៥
៧២ ពួកគេជាស្មរបន្ទាល់ព្រះយេហូវ៉ា។ ពួកគេមានសន្ដិភាពនឹងគ្នា។ តើអ្នកដឹងមកពីហេតុអ្វីទេ? ពីព្រោះពួកគេស្រឡាញ់គ្នាទៅវិញទៅមក។—អេសាយ ៤៣:១០-១២; យ៉ូហាន ១៣:៣៤, ៣៥
៧៣ ដោយសារតែពួកគេស្រឡាញ់ព្រះយេហូវ៉ាដែរនោះ ពួកគេក៏បានថ្វាយខ្លួនជ្រមុជទឹក។ នេះជារបៀបដែលគេបង្ហាញជាសាធារណៈថា ពួកគេបានលះបង់ចោលដំណើរជីវភាពដ៏អាក្រក់របស់គេហើយៗចង់បំរើព្រះអស់មួយជីវិតរបស់គេ។—កិច្ចការ ២:៤១
៧៤ ពួកស្មរបន្ទាល់ព្រះយេហូវ៉ាសង្ឃឹមនឹងរស់នៅក្នុងសួនមនោរម្យដ៏ល្អបំព្រងថ្មី។—ទំនុកដំកើង ៣៧:៩-១១, ២៩
៧៥ តើអ្នកត្រូវធ្វើយ៉ាងណាដើម្បីនឹងអាចរស់នៅក្នុងទីនោះជាមួយពួកគេ?—យ៉ាកុប ១:២២, ២៥; ២:២០-២៦
សូមចូលរួមជាមួយពួកគេ ក្នុងការរៀនសូត្រដើម្បីបំរើព្រះយេហូវ៉ា។ ពួកគេស្រឡាញ់និងគោរពដល់ព្រះយេហូវ៉ានិងព្រះគ្រីស្ទយេស៊ូ។ តើអ្នកស្រឡាញ់ព្រះយេហូវ៉ានិងព្រះយេស៊ូទេ? តើអ្នកចង់ជួយអ្នកដទៃឲ្យស្គាល់ព្រះទេ?—យ៉ូហាន ៦:៤៥-៤៧
៧៦ ព្រះយេហូវ៉ានិងព្រះគ្រីស្ទយេស៊ូស្រឡាញ់អ្នក និងចង់ឲ្យអ្នករស់នៅជានិរន្តរ៍ក្នុងសួនមនោរម្យ។—យ៉ូហាន ៣:១៦
អ្វីៗដែលលោកអ្នកបានរៀន តាមរយៈការពិចារណាមើលរូបភាពនិងពត៌មានដែលបានសម្ដែងមកក្នុងសៀវភៅស្តើងនេះ ច្បាស់ជាធ្វើលោកអ្នកចង់បានជីវិតជានិរន្តរ៍នៅលើផែនដីហើយ។ បើសិនជាលោកអ្នកប្រាថ្នាចង់រៀនថែមទៀតអំពីរឿងនេះ សូមអញ្ជើញទាក់ទងនឹងស្មរបន្ទាល់ព្រះយេហូវ៉ាដែលនៅជិតអ្នកចុះ។ ឬក៏លោកអ្នកអាចសរសេរសំបុត្រផ្ទាល់ ឬពឹងអ្នកណាមួយឲ្យសរសេរសំបុត្រនោះទៅការិយាល័យរបស់ពួកស្មរបន្ទាល់ព្រះយេហូវ៉ា តាមអាស័យដ្ឋានដែលបានចែងមកនៅក្នុងទំព័រទីពីរនៃសៀវភៅស្តើងនេះ។