តើអ្នកណានាំឲ្យពិភពលោកមានបញ្ហា?
តើលោកអ្នកគិតថា . . .
ព្រះ?
មនុស្ស?
បុគ្គលផ្សេងទៀត?
គម្ពីររៀបរាប់ថា៖
«ពិភពលោកទាំងមូលនៅក្រោមអំណាចរបស់មេកំណាច»។—យ៉ូហានទី១ ៥:១៩
«បុត្ររបស់ព្រះបានមក ពោលគឺដើម្បីបំផ្លាញស្នាដៃរបស់មេកំណាច»។—យ៉ូហានទី១ ៣:៨
សេចក្ដីបកប្រែពិភពលោកថ្មី នោះអាចជួយលោកអ្នកដូចជា
យល់ពីមូលហេតុដែលពិភពលោកមានបញ្ហាផ្សេងៗ។—ការបើកបង្ហាញ ១២:១២
ឲ្យជឿជាក់ថាពិភពលោកនឹងមានស្ថានភាពល្អជាង។—យ៉ូហានទី១ ២:១៧
តើយើងអាចជឿអ្វីដែលគម្ពីររៀបរាប់ទេ?
យើងអាចជឿបាន យ៉ាងហោចណាស់មានមូលហេតុបីយ៉ាង៖
ការគ្រប់គ្រងរបស់មេកំណាចសាថាននឹងត្រូវបំផ្លាញចោល។ ព្រះយេហូវ៉ាប្ដេជ្ញាចិត្តបញ្ចប់អំណាចគ្រប់គ្រងរបស់សាថានលើមនុស្សជាតិ។ លោកសន្យាថានឹង«បំផ្លាញចោល . . . មេកំណាច» ហើយបំបាត់ចោលបញ្ហាទាំងអស់ដែលបណ្ដាលមកពីមេកំណាចសាថាន។—ហេប្រឺ ២:១៤, សេចក្ដីបកប្រែពិភពលោកថ្មី
ព្រះបានជ្រើសរើសលោកយេស៊ូគ្រិស្តឲ្យគ្រប់គ្រងពិភពលោក។ លោកយេស៊ូខុសគ្នាស្រឡះពីអ្នកគ្រប់គ្រងពិភពលោកដ៏សាហាវនេះ និងដែលគិតតែពីប្រយោជន៍ខ្លួន។ ព្រះសន្យាថា ពេលលោកយេស៊ូគ្រប់គ្រងជាស្ដេច‹លោកនឹងអាណិតអាសូរមនុស្សទន់ទាបនិងមនុស្សក្រីក្រ លោកនឹងរំដោះពួកគេឲ្យរួចផុតពីការសង្កត់សង្កិននិងអំពើឃោរឃៅ›។—ចម្រៀងសរសើរព្រះ ៧២:១៣, ១៤
ព្រះមិនកុហកទេ។ គម្ពីរចែងយ៉ាងចំៗថា៖ «ព្រះមិនអាចកុហក»ឡើយ។ (ហេប្រឺ ៦:១៨) ពេលព្រះយេហូវ៉ាសន្យាធ្វើអ្វីមួយ នោះគឺដូចជាបានសម្រេចហើយ! (អេសាយ ៥៥:១០, ១១) «អ្នកគ្រប់គ្រងពិភពលោកនេះនឹងត្រូវបណ្ដេញចោល»។—យ៉ូហាន ១២:៣១
សូមគិតអំពីសំណួរនេះ
ក្រោយពីអ្នកគ្រប់គ្រងពិភពលោកនេះ បានត្រូវដកចេញ តើនឹងមានស្ថានភាពយ៉ាងណា?
គម្ពីរមានចម្លើយចំពោះសំណួរនោះនៅ ចម្រៀងសរសើរព្រះ ៣៧:១០, ១១ និងការបើកបង្ហាញ ២១:៣, ៤។